21-02-2007, 01:43 | #1 |
شـــاعر
|
فهد اليامي مطلوب هنا
كل ما شيّب الطاروق نبدي بغيره = وانطح الجمع وسيوفي حداد شطيرة وهيبة السيف لامنه طلع من جفيره = جعل فـ الامر خير وجعل فـ الامر خيرة
من هجوس الشاعر اللي تطاوله الهجوس = وأن لقيت المخطية تنقرن بقرونها
انت لا قلتها بأعطيك خمسة بناجر = قبل ما اقطع وصالٍ في حبال الحناجر وش تبي في الهواجر وانت ما انت بمهاجر=جعل فـ الامر خير وجعل فـ الامر خيرة
ليه ياليامي تبعت النصارى والمجوس= والمجوس نجوس والسم في ماعونها
|
21-02-2007, 04:04 | #2 |
بقـايا حُلـم
|
رد : فهد اليامي مطلوب هنا
الشاعر الكبير حمود الصهيبي محاورة حاميه من اولها منتظرين الشاعر فهد اليامي وانا بصف مشرفنا فهد عجل علينا ياخوي فهد دمتم لنا |
21-02-2007, 08:29 | #3 |
رجّال أجودي / شــاعر
|
رد : فهد اليامي مطلوب هنا
الله الله معكم وبينكم الابداع هنا هو العلامه الفارقة للمتابعة اترككم على خير واتمنى ان تكون محاورة نادرة كما هي بدايتها |
21-02-2007, 10:59 | #4 |
شـاعر
|
رد : فهد اليامي مطلوب هنا
ابو بجاد صبحك بالخير متابع من البدايه و في صفك و لا يهون فهد تموا قواكم الله |
21-02-2007, 11:21 | #5 |
الضغط العالي
|
رد : فهد اليامي مطلوب هنا
قوه السيف يارجال قبظه نصابه=ماتجي قوته في سلته وانسحابه كم ضعيفٍ بسيفه مات وقت الحرابه=جعل فالامر خير وجعل فالامر خيره
من هجوسٍ طاهره ماتنجسها النجوس=الخلايق ماملى الا التراب عيونها
انت لا تتهمني وانت رجال فاهم =في بنوك الربا والله ماني مساهم كان جرحك كبير اعطيك بعض المراهم=جعل فالامر خير وجعل فالامر خيره
تعرف اليامي مايدخل وسط نفسه وجوس=لو تساوى صاحي القوم مع مجنونها
|
21-02-2007, 11:28 | #6 |
الضغط العالي
|
رد : فهد اليامي مطلوب هنا
عنووووووووود الله لا يهينش ومشكوره الف شكر على المتابعه ومسكه الصف وتقبلي خالص التقدير والاحترام ============= رجال اجودي الابداع والله في متابعتك وحضورك طال عمرك ومشكور على الكلام الطيب وانشاءالله انقدم اللي يرضيكم وينال على اعجابكم ======================================== يزيد صفي وصف ابو بجاد واحد والقصد توسعه صدر وانا اخيك وانا تراني محتريك على الوعد والوعد قدام |
21-02-2007, 18:24 | #7 |
شـــاعر
|
رد : فهد اليامي مطلوب هنا
النجوم التي من فوق راسك تهاوت =وكم لقينا ببعض اخطاك بعض التفاوت وكانها في موزينك وعرفك تساوت=جعل فالامر خير وجعل فالامر خيره
والله اني ما تهاونت في اعيال البسوس=البلا في قلبها لو تشوف سنونها
الثقل زين وعلومك عليها وفيها =وان بغينا نفصلها ونقرا عليها لو بعض السوالف خاطرك مايبيها=جعل فالامر خير وجعل فالامر خيره
ما خطب من البني غير عذراً عيطموس = ومن يكبر لقمته تنشب بحنحونها
اخر تعديل كان بواسطة » حمود الصهيبي في يوم » 21-02-2007 عند الساعة » 18:29. |
22-02-2007, 04:39 | #8 |
شاعر
|
رد : فهد اليامي مطلوب هنا
هنامتابع وفي صف فهد محاوره من أولها قويه لاهنتوا |
22-02-2007, 08:25 | #9 |
شـــاعر
|
رد : فهد اليامي مطلوب هنا
تصحيح .. ما خطبت من البني غير عذراً عيطموس 0000000000000000ومن يكبـر لقمتـه تنشـب بحنحونهـا |
24-02-2007, 09:38 | #10 |
الضغط العالي
|
رد : فهد اليامي مطلوب هنا
كل شيٍ عرفته بالوفى والتمامي=عارفين الردوف وعارفين السنامي كلمتك يالصهيبي ماتنزل مقامي=جعل فالامر خير وجعل فالامر خيره
جدنا ذيبٍ يدوس الخطر بالرجل دوس=ماتمشيها وانا عارفٍ مضمونها
هاتها حاضر بحاضر وهات الدلايل=ولو يهب الهوى ماشال ضلعان حايل بس لا يصبح اشداد السواليف مايل=جعل فالامر خير وجعل فالامر خيره
تخطب العذرا ولكنها عذرى عنوس=مالقت ياكود شرواك يقضي شونها
|
24-02-2007, 09:39 | #11 |
الضغط العالي
|
رد : فهد اليامي مطلوب هنا
نايف سعود ارحب والله يحيك والله لايهينك على مسكه الصف وتقبل خالص تحياتي |
24-02-2007, 19:51 | #12 |
شـــاعر
|
رد : فهد اليامي مطلوب هنا
ما عهدناك تغزي مع مغازي مهنا =حادي العيس يعرفها ويعرف جملنا ولا تونا لشيٍ تقدره لا تونا =جعل فالامر خير وجعل فالامر خيره
جدكم من هو تعرضه وش علمك تحوس =حاستك بقعا وتمشي عليك بهونا
حاطب الليل يجمع بس ما من حصيله=كل ما طاح في دربه يخمه بليله أن هرجنا فشيله وأن سكتنا فشيله =جعل فالامر خير وجعل فالامر خيره
قبل ترسل مقدم الجيش سبق للعسوس= قبل ما اعرج على ســـــكةٍ تمشونها
|
24-02-2007, 22:26 | #13 |
عضو شعبيات
|
رد : فهد اليامي مطلوب هنا
رااائعين يعطيكم العافيه |
24-02-2007, 23:42 | #14 |
الضغط العالي
|
رد : فهد اليامي مطلوب هنا
ان غزينا جلبنا الفايده والغنيمه=فاليال الجديده واليال القديمه ماضلمنا ولا نرضى علينا ظليمه=جعل في الامر خير وجعل فالامر خيره
السوالف واضحه مثل مطلاع الشموس=لا تقول ان حبتك ماطحن طاحونها
انت ماعندك الا البلبله والملاوي=قلت هات الدعاوي قلت مابه دعاوي بس باقول لك لطحت طيح متساوي=جعل فالامر خير وجعل فالامر خيره
مايضيّع في طريق الحيا راع الجموس=كل دوله يالصهيبي عرف قانونها
|
24-02-2007, 23:44 | #15 |
الضغط العالي
|
رد : فهد اليامي مطلوب هنا
المتعاني حياك الله وارحب في مكانك وبين اخوانك والله لا يهينك على المتابعه الحضور |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|