قصيدة


(( خادم الحرمين الشريفين الملك\فهد بن عبدالعزيز حفظه الله ..))
عندما كان مريضاا في لندن في شهر شوال من عام 1385هجري
حيث بعثها الى المرحوم الامير فهد بن سعد يشكو فيها
قساوة المرض حيث قال :

	يابو سعد صارت على اخوك غارات=شهرين اقاسي من شديـد الغرابيـل سو المرض يحمل على اخوك حملات=مافي يدي حيله ولا في يـدي حيـل والله فزع من فوق سبع السمـاوات=وانا احمد الله يوم صارت تساهيـل ماينفع الخايـف والايـام عجـلات=الخوف ماينفـع ولا القـول والقيـل حنا هـل العوجـا ولا بـه مـراوات=شرب المصايب مثل شرب الفناجيـل لاشك انا مشغول في كـل الاوقـات=على الـذي حنـا بظلـه رجاجيـل ماني على نفسي كثيـر الحسافـات=لاسلم راسه روسنا رفـاع بالحيـل حامـي حمانـا بالليالـي المخيفـات=لـو صـار بالعالـم كثيـر الزلايـل فخر العروبـه بالعـدل والمسـاواه=هذاك هو فيصـل ولا فيـه تشكيـل يشهد له اللي شاهـدوا منـه ليـات=ويشهد له التاريخ جيـل بعـد جيـل

فاجابه الامير \ فهد بن سعد رحمه الله بهذه القصيده :

	يامرحبـا بكتـاب زبـن المـخـلات=اهـلا هلابـه عـد وبـل الهماليـل حمدت مـن زال الكـدر بالمسـرات=فكاك مـن صكـت عليـه المحابيـل فـزع لـك اللـي عالـم بالخفيـات=مبري جروح ايوب غيـث المراميـل لعل مايزعج علـى فقـدك اصـوات=ولعلهـا لـك يابـو فيصـل تماهيـل الله يجيرك مـن صواديـف الافـات=عسـاك تسلـم ياعشيـر المشاكيـل ماانت برخيـص ياربيـع القرابـات=لو هي بالايدي كان دونـك حلاحيـل ترا لنا بـك يافتـى الجـود هقـوات=في وقتنا الحاضـر وباللـي مقابيـل يفـداك ربـع قصـروا بالمهـمـات=اللي على القـالات ماتنطـح الشيـل بعض العرب حي ومن عرض الاموات=مايرتجـي نفعـه بحـل المشاكـيـل وفيصل ذرانـا بالسنيـن المخيفـات=هو درعنا الضافي الى ضدنـا الميـل اللـي نقـل عنـا حمـول ثقيـلات=راس الحصيـل ان كملـن الحصيـل

الموضوع منقول بالحرف الواحد

[سعود الخويطري]

مرحبا بك مليوووون يــ خالد العنقري

صـوت وصدى رائع جدا من الملك : فهد بن عبدالعزيز - حفظة الله و الامير : فهد بن سعد - رحمة الله...

حنا هل العوجـا ولا بـه مـراوات
شرب المصايب مثل شرب الفناجيـل


كفوو كفووو ظهر طيب فعلة يوم غزو الكويت



فخـر العروبـه بالعـدل والمسـاواه
هذاك هو فيصـل ولا فيـه تشكيـل


صدق اطال الله في عمرة


اسمحلي يـ الغالي , بـ تثبيت في البيت اشهر من نار على علم وايضا القصيدة

ولكي يعرف الجميع جانب اخر من حياة الملك وهو الشعر الجزل

تقبل سلامي واشواقي

الخويطري

[سلملم]

الشاعر / خالد العنقري


نقل اكثر من رائع ..

ومشكور على هذه الروائع

والله يحفظ الوطن وولاة امره

لاهنت

الاخوان


الخويطري

وسلملم

الف شكر لمروركم الجميل


لاعدمتكم

[سلطان العنقري]

الله يعطيك العافية يا خالد

[الشرقي]

الرسالة الأصلية كتبت بواسطة خالد العنقري

حنا هـل العوجـا ولا بـه مـراوات=شرب المصايب مثل شرب الفناجيـل

[/frame]

كفووووووووو


^
^
أشهدنه هيبه الله يرحمه حتى في القصيد



خالد ,,


لاهنت يا الطيب على القصايد الجزلة ,,

والله يرحم الملك فهد و يرحم الأمير فهد بن سعد ,,

و يسكنهم الجنة ,,,


تقبل مروري ,,
أستودعك الله ,,