23-09-2005, 22:39 | #1 |
شـــاعر العثمــانيـــات
|
سعودي وافتخر بارضي
سعودي وافتخر بارضي ولا ني بالفخر مغرور = الى من قيل لي وش ديرتك قلت السعوديّه رفيع الراس بافعالٍ حقيقه ما تعرف الزور = تسطرها تواريخ الفخر صفحات ورديّه كتبنا المجد بعد المجد سنينٍ ماضيه ودهور =على صدر الزمن مكتوبةٍ بحروف ماسيّه لنا الماضي لنا الحاضر لنا مستقبلٍ من نور= لنا التأثير في الدنيا ببصماتٍ حضاريه من الإسلام منبعها فمنهاجه لنا دستور = على درب الموحّد صادق الأفعال والنيّه ابو تركي سليل المجد نور الكون في الديجور= ومن بعده رجال ارواحهم للدار مرهيّه توحدنا بعد كنا ضحية جهلنا والجور = وصرنا كلنا اخوه نعيش بكل حبيّه من الآمر إلى المأمور منهجنا الإخاء والشور= على درب التساوي والعدل باوضاع مرضيّه وقدوتنا رجالٍ لاجلنا لو داسوا المخطور = يبون الدار مثل الشمس في الأكوان مرئيه والى من بانوا الحسّاد واللي بفعلته ماجور = يبان الجد وقت الجد بافعال النداويه لتبقى ديرتي رمز الرخاء تحيا امن وحبور= بفضل الله وفضل اللي رعاها بكل حنيّه ابو متعب ابو كل الشعب في برّها وبحور= اذا ناموا بقى ساهر لتبقى الدار محميّه عزيز النفس متواضع ولا يرضى بحني ظهور= ولا تقبيل يدّينه من اللي جاه لتحيّه حماك الله يابلادي لتبقي حصننا المعمور= تعيشي لو فنينا كلنا نفدي السعوديه |
23-09-2005, 22:56 | #2 |
شـــاعــر
|
رد : سعودي وافتخر بارضي
عثمان العبدالله شـــاعر العثمــانيـــات ــــــــــــــــــــــــــ التسجيل في » Aug 2002 الإقامة » الرياض عدد المشاركات » 1,000 ,, ,, جميلٌ جدا ان تكون مشاركتك رقم 1000 هي مشاركة وطنيه ياعثمان .. شكرا لمشاعرك الصادقه .. والجميله ياعثمان كل عام انت والوطن والجميع .. بـ سلام وعافيه كل التقدير .. و .. الود .. |
24-09-2005, 08:04 | #3 |
شـــاعرة
|
رد : سعودي وافتخر بارضي
سعودي وافتخر بارضي ولا ني بالفخر مغرور الى من قيل لي وش ديرتك قلـت السعوديّـه رفيع الراس بافعالٍ حقيقه ما تعـرف الـزور تسطرها تواريـخ الفخـر صفحـات ورديّـه ياصباح الخير والشعر والولاء الرائع صح لسانك مليون وكل سنه وانت طيب والشعب السعودي بخير وسعاده وأمان افتقدنا مشاركاتك ياعثمان شاعر نحرص على تواجده نتمنى أن تكون بداية العودة بأذن الله كل الود والورد |
24-09-2005, 12:43 | #4 |
|
رد : سعودي وافتخر بارضي
سعودي وافتخر بارضي ولا ني بالفخر مغرور الى من قيل لي وش ديرتك قلـت السعوديّـه ياسلالالام عليك ياعثمان الى من قيل لي وش ديرتك قلـت السعوديّـه من الآمر إلى المأمور منهجنا الإخاء والشور على درب التساوي والعدل باوضاع مرضيّـه الله الله قصيده تدب الحماس صح لسانك لك تحياتي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|