04-04-2009, 01:34
|
#1 |
|
شاعـرة
|
حالة البنات في الزواجات (منقول)
ههههههههههههههههههههه ضحكني الموضوع ونقلته لا حد يحقد علي يا بنات.. ,,,,,,,,,,,,,,,,,,,,,,,,,,,,,,,,, لما تجيك دعوة الى حضور حفل زفاف لأحد الأشخاص فإن الحريم في المنزل يعلنون حالة الطوارئ في اليوم الموعود فتلقاهم صافين طابور عند باب الحمام .. من أجل أخذ دش بارد <<< لانهم مؤمنات بالقاعدة الفيزيائية اللتي تقول: ان الاجسام تتقلص بفعل البرودة .. ثم يهبون الى غرفة العمليات فتحصلهم مايخلون مراية في حالها .. ** فتلقى منيرة عند مراية التسريحة تتمكيج ** وخلود عند مراية الدولاب تركب عدساتها ** ورقية عند مراية المدخل حق البيت تسشور شعرها ** وفاطمة محتارة أي فستان تلبس وكلما اختاروا لها فستان .. قالت: لا .. قد شافوه عليّ ** ورغد تترجى اخوها: تكفى ود فستاني للمغسلة وقول لهم يخلونه مستعجل ** وابتسام متوهقة مالقت الحلق اللي يناسب لون فستانها ** وشوق تقول لاخوها: تكفى مر على جارتنا وخذ من عندها الاكسسوار التفاحي ** وهنوف .. انفرط سحاب فستانها .. وتبي الخياط يصلحه <<< والله من السمنة الزايدة وصجة .. ولجة .. وحوسة ... وكلهم في سباق مع الزمن .. ( طبعا ياعيني عالرجال .. ثوب وشماغ .. وانتهت السالفة ) بعد ذلك .. يركبون السيارة بعد ما بح صوت ابوهم وهو يناديهم .. والمصيبة اذا اخذوا مسافة بالسيارة وجتك فاطمة تشهق شهقة قوية .. ويقولون بصوت واحد: اشفيييييك؟ وترد عليهم: نسيت شنطتي تكفى يبه رجعنا للبيت وبعد عناء طويل يصلون الى قصر الأفراح ويدخلون ومن يوم تبدأ الطقاقة بقرع الطبول تلقى الوحدة تهزّ .. وتهتز وهي لسّا باقي على الكرسي ثم يتوافدون إلى المسرح وشف الرقص كيف ** اللي تحط رجلها من شرق المسرح الى غربه ولا احد يدري وش بلاها ** واللي تهز وهي واقفة مكانها بركادة .. وعلى بالها أنوثة .. وتعال شفهم اذا غنت الطقاقة .. ( يالتكسي ) وقالت : وخذ يمين وبعد يمين .. تلقا الحريم فعلا ماخذين اللفة يمين في يمين <<< طبعا من غشامتهم .. يتصاقعون في بعض والوحدة فيهم بتتشقق من الفرحه اذا جت الطقاقة بجنبها وقالت : ( يا احمر يا احمر .. عاشو .. على قلبي ) << طبعا الافندية فستانها احمر .. ** وتلقا ثنتين هناك يرقصون نفس رقص العراقيات في ( عرب شمّر ) وطبعا العجايز منصدمات .. ومافيه الا قوة دعاوي على هالبنات ** واذا جت اغنية مصرية .. تلقا الاغنية والايقاع في وادي .. والرقص في واد آخرالا من رحم الله .. واللي تعرف ترقص مصري .. تلقى البنات يتشحتونها تقوم وهي ترفض .. طبعا من حقها .. تخاف يصكونها بعين على كيفك والوناسة اذا قالت الطقاقة : ( رقصة خاصة لاهل العروس ) تلقاهم يستلجون اذا قالت : ( كل آل ' فلان ' خيّالة ) <<< وهم في الحقيقة .. لم يركبوا حصانا قط .. بس يالله لزوم المدح .. وسلامتكم |
|
|
|
10-04-2009, 09:29
|
#2 |
|
عضو فعّال
|
رد : حالة البنات في الزواجات (منقول)
منتهى ههههههههههه في هذا صدقتي والله وعندي اضافات طبعا الطقوس عندنا تبدا قبل الزواج بشهوووووور اذامناسبه قريبه مرررره تشوفين كل مانسلم على قريبه تقول لقيتي موديييل ناهيك عن دخلة الاسواق اللي ماتخلص بالنسبه للسياره نسيت بطاقتي ياكثر مانقولها وبالنسبه للزواج مع اغنية التاكسي اغنية احلام هذا اللي شايف نفسه لما تقول الطقاقه نسي ليالي جده شايل بيده ورده تلقين اللي يرقصون كل وحده معها ورده ان بغى ينتفون الكوشه اهم شي الورده يعطيك العافيه مشكوره على النقل  |
|
|
|
|
10-04-2009, 10:29
|
#3 |
|
شاعـرة
|
رد : حالة البنات في الزواجات (منقول)
عاشقة شعر البدر هلا والله .. ضحكتيني ع الصبح .. اتخيل الكوشه وعليها ورد منتف تنتيفا جما .. هههههههههههههههههههههههههه الله يرج ابليسك.. (صورة وردة بس مو منتفة) |
|
|
|
|
11-04-2009, 15:23
|
#4 |
|
عضو شعبيات
|
رد : حالة البنات في الزواجات (منقول)
هههههههههههههه وفي اسبوع العرس خصوصاً لما عرس قريب البيت يفضى و الكل في الكوافيرات وياعيني على الاسعار |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
