[ناصر آل مداوي]

معي ماهو مع غيري ياوبل التوت=ثمر كنتي هطوله في بساتيني
وصفتي كلّ من يضماك بالممقوت=وانا من طيب غصنك ما وصفتيني
بعد ما كنت ارى عنواني التابوت=دفنت القبر خالي يوم جيتيني
مجيّك كان جبر لكسري المنعوت=وأدبك ورقّتك زوّادة سنيني
لفيتيني ضما مدري لفيتي قوت=يا ملحك يوم انا اكل منْك بيميني
مسحتي من عيوني دمع (فات الفوت)=رسمتي للأمل دربٍ يوديني
غفى صوت الحزن واستيقظ لْه سكوت=وصحى للفرْحه أصواتٍ تناديني
بعد ما كنت انا عقاب وظلامي نوت=شرقتي نبض وانقذتي شراييني
خفوقك طيبته سحرٍ وهو هاروت=وانا المسحور من ماطاي ليديني
حنانك كسّر ضلوعي وهو مشتوت=أجل لو هو تلملم كان يدميني؟
شتاء ولا معي في الليل لو هو كوت=وكنتي في المسا شمسٍ تدفّيني
فقير وبين هالعالم قليل بخوت=وصرتي حظي الجمّ وملاييني
بغيت خْيام صرتي لي فلل وبيوت=طلبت جْوار جيتي مني وفيني
معك تحيا السعاده والهموم تموت=ولا به لحظه مْن الفرح تعفيني
بعد ذا.. ترفضين اني أحبك موت=ولا حتى أحطك في طرف عيني
سألتك باللي محلّيك شكل وصوت=لو انك في مكاني.. ما تحبيني؟

وسلامتكم،،،

[محمد الدحيمي]

مبدع مثري مقنع مدهش ياناصر
قصيدة من عيون الشعر

[علي التركي]

وإذا ما تحبك هي الخسرانه يا ناصر
نزف مشاعر بحبكة شاااااعر

سلم نبضك

[سعيد بن مقبل الأكلبي]

ارحب ياناصر
وحي القصيد الجزل وراعيه
امتعتنا الله يمتعك بالصحه والعافيه
صح راسك يالقرم

[نورة العجمي]

بـعـد ذا.. ترفضـيـن انـــي أحـبــك مـــوت ولا حـتــى أحـطــك فــــي طــــرف عـيـنــي

سـألـتـك بـالـلـي محـلّـيـك شـكــل وصـــوت لــو انـــك فـــي مـكـانـي.. مـــا تحبـيـنـي؟ كل هالحنية والرقة وترفض حبك ياناصر ؟! مالها حق بصرف النظر عن الم المشاعر الا اني استمتعت بما قرأت ابدعت في القصيد وابدعت في نشر تفاصيل هذا الحب الغير محدود في ابيات محدوده صح فكرك وقلبك لاعدمنا هالحضور الغير

[ابوسعدعبداللطيف]

الله الله الله عليك يا ناصر ..

زمان ما قريت نص غزلي بهالجمال ..

صح الله لسانك ..

أجّود التحايا .

[نجلاء الشريف]

نص مُشع بالشِعر والأحترافيه والتمكّن و الأحساس صوتهُ مُدوّي بين شطر وآخر..!
حضور للأستمتاع بالشعِر .. شكراً لك ياناصر,,

[عبيد البديري]

الله الله صح لسانك ياناصر كم هو مدهش هذا النص الغير مستغرب من شاعر
رائع عودنا على الجمال .. دمت ودام ابداعك

[عبدالله شامان]

ناصر

صحت يمينك

نصوص بسيطه تحاكي الجمال اينما كان
استمتعت هنا وكالعاده عندما اقرأك

شكرا لك

[سالم بن جلعان]

الله الله يا مبدع
نص جميييييل جدا يا ناصر
سرني جدا هذا الحضور المبهر للشعر
هذا العزف المنفرد
هذا التواجد المختلف لشاعر مختلف
لك مني ومن الشعر كل الشكر


محبك


اخيك

سالم

[محمد بن مداوي]

يا اخي
أنا احب شخص شعرك الكريم موووووت

صح فكرك

[علي الأسمري]

الله يبيض وجهك ياناصر
صح لسانك
دمت بخير

[الجازي]

بـعـد ذا.. ترفضـيـن انـــي أحـبــك مـــوت
ولا حـتــى أحـطــك فــــي طــــرف عـيـنــي

سـألـتـك بـالـلـي محـلّـيـك شـكــل وصـــوت
لــو انـــك فـــي مـكـانـي.. مـــا تحبـيـنـي؟

ناصر ..
قصيدة منتهى الإحساس والروعة
الذي نحبه في قصائد صادقه ..

تحياتي يامبدع ..

[سامي بدر]

الله الله الله

هنا سلام ملكي لهذا الشعر

صح لسانك مدددددد

[علي الخطيب]

يا سلام يا ناصر
بأمانه استمتعت بما قرأت

ومبروك فوز هذه الباذخه في قوافي البوح , وتستاهل اكثر