30-04-2012, 22:58 | #1 |
شــــاعر
|
جرح العشم !!
غزو السهر بالعين نوّخ ركابه = وعقّل مطايا غزوته وسط الاحداق تسعين ليلة مي عيني شرابه = وزاده وجع قلبي وهمي والارهاق طوّل !! ومزّق طول بالي ثيابه = وحزني لوى لضلوعي أعناق واعناق ضايق ..!! لا والله فوق ضيقي كآبه = كن الأسى خيمة وغربالي رواق صعبة أشوف شموس حلمي تشابه = تمرها عيني .. ملامح بلا اشراق وصعبة يموت الفال باول شبابه = كيف العزا .. والصبر ما عاد ينطاق بالامس كانت ( مسحة الوجه ) .. لابه = ياما ثنت من دون عربان ونياق ما ساومت لو مزهب الوقت مابه : = غير المديد .. وضمّر الجيش .. وفراق واليوم ( وجه السالفة ) وش بقى به = لا غاض عدوانه ولا سر الاخلاق وش حال .. سم .. أبشر .. وقولة هلا به = البال وسمه .. والغلا نوض برّاق وش حال مركى المرجلة .. والذرابه = وصفر الدلال اللي شذا هيلها فاق إلى هنا ..! يبقى ( الثنا ) في غيابه = راسٍ تهافت يمه قلوب واذواق وكانه على ( جرح العشم ) .. وين بابه ؟ = جاه الوفا لرضاه يصغر وينساق كم لي وانا أنهب عز نفسي نهابه = واقهر مطايا رغبتي دون الاشواق شعري .. شعوري .. لهفتي .. والكتابه = قامت تعاتبني على هجر الاوراق ليه الظما .. والحس يبرق سحابه ؟! = ليه الهجر والحرف يوله ويشتاق ؟! وأنا .. بلا صدري تحوفه ذيابه = وتنازعه سحم المشاريه لا راق أبعدت عن نجر القصيد وزهابه = من خوف تجذب دنة النجر بوّاق مبطي ..! على حطة يدين الرتابه = لا شفت صبح ..! ولا تعزويت بـ اشفاق! تسعين ليلة .. والطواري حرابه = يا عونة الله .. ما بقى شي ما ضاق !! |
30-04-2012, 23:17 | #2 |
أبو تركي / شاعـر
|
رد : جرح العشم !!
الله الله الله يا ابو سلطاااان ولا زال لمدرسة الكبير أحمد الناصر حامل لواء شعر وشاعر يثبت أن شعبيات تزهو بالنخبة دائماً وتؤكد قصور الإعلام ! الحديث عن هذه الفاتنة يفقدها بريقها شكراً للشعر أنت |
30-04-2012, 23:38 | #3 |
متنبي الشعر الشعبي
|
رد : جرح العشم !!
الله الله الله ياكبيييييير اختلف مع الجميل علي التركي فهد الاحمد مدرسة لاتقل عن مدرسة احمد الناصر ابداعاً |
01-05-2012, 01:10 | #4 |
عضو شعبيات
|
رد : جرح العشم !!
صح لسانك جزله من راس جزل |
01-05-2012, 11:03 | #5 |
شـاعر
|
رد : جرح العشم !!
ياسلا ياسلام على الشعر والابداع والجزاله هنا تتلالا الكلمات ببريق الابداع صح لسانك شاعرنا فهد الاحمد |
01-05-2012, 11:36 | #6 |
شـــاعر
|
رد : جرح العشم !!
الله الله ايها الفهد انت والله مبدع ورائع قصيدة تفوق الوصف وتكتب بماء الذهب شـعــري .. شـعــوري .. لـهـفـتـي .. والـكـتـابـه قــــامــــت تـعــاتــبــنــي عــــلـــــى هــــجـــــر الاوراق ياسلام ياسلام يافهد بيت عن قصيده صح لسانك وبيض الله وجهك |
01-05-2012, 11:37 | #7 |
شــاعر
|
رد : جرح العشم !!
كم لي وانا أنهـب عـز نفسـي نهابـه :واقهـر مطايـا رغبتـي دون الاشـواق فهد الأحمد :أهلاً إستاذنا بل إستاذ الشعر ... قراء فهد :قد تستسهلون المفردة التي يكتبها فهد عند القراءة للوهلة الأولى وهذا مايميز ( من يقول الشعر سليقةً وخلق, ) عن من يكتبه تكلفاً ) لكن أقرأو هذا النص أكثر .. كل سيجد شيء مختلف حسب ذائقته الخاصة .. أنا قرأته أكثر من خمس مرات... ووجدت المفردة السهلة التي يصعب على غير هذا الفهد إصطيادها .. إقتباس: القصيدة لاتحتاج ثناء .. ولم أستطع تمييز بيت عن الآخر .. لكن البيت أعلاه ( ذكوري مهيب ,, صاغه شاعر يسيطر على كل محتواه شعراً وعاطفة) تابعوا وإذا ماتسمعونه على كل لسان يعرف معنى ( شعر الفروسية ) فهد أنت فارس شعر وشاعر فروسية) تقبل مني كل التقدير .,, اخر تعديل كان بواسطة » أحمدعلي الويمني في يوم » 01-05-2012 عند الساعة » 11:42. |
01-05-2012, 22:14 | #8 | ||||||
شــاعر
|
رد : جرح العشم !!
كمية الحزن هنا كبيره ولكنها قد لاتوازي كمية الابداع في هذا النص الاحمد اتيت بكل هذا في وجه قلم ٍ يفتقر الحبر فيعجز عن الانصاف بـالامـس كـانـت ( مسـحـة الـوجـه ) .. لابــه***يـــامــــا ثــــنــــت مــــــــن دون عــــربــــان ونــــيــــاق ياويل قلبي على كذا شعر .. احترامي يا اخي لهكذا موقف
وكانه على ( جرح العشم ) .. وين بابـه ؟***جـــــــاه الــــوفــــا لــــرضــــاه يــصـــغـــر ويــنـــســـاق كــــم لـــــي وانـــــا أنــهـــب عـــــز نـفــســي نـهــابــه***واقــــهــــر مـــطـــايـــا رغـــبـــتـــي دون الاشـــــــــواق كم كنت سأندم لو لم اقرا هذا الشعر او فاتني بعضه لم اكن اقتطف منها او اقتبس ولكن هذا ماعلق في ذاكرتي منها اما ماصفقت له يداي فهو كثير استاذ يافهد والله استاذ |
||||||
02-05-2012, 11:04 | #9 |
مشرف الرحلات البرية والسياحة
|
رد : جرح العشم !!
يااااسلاااام يااااسلااام ياابو سلطان شعري*..*شعـوري*..*لهفتـي*..*والكتابـه قـامــت*تعاتـبـنـي*عـلــى*هــجــر*الاوراق ليـه*الظمـا*..*والـحـس*يـبـرق*سحـابـه*؟! ليـه*الهجـر*والـحـرف*يـولـه*ويشـتـاق*؟! وأنـــا*..*بـــلا*صــــدري*تـحـوفــه*ذيــابــه وتــنــازعـــه*ســـحــــم*الـمــشــاريــه*لا*راق أبـعــدت*عـــن*نـجــر*الـقـصـيـد*وزهــابــه مــن*خــوف*تـجـذب*دنـــة*الـنـجـر*بـــوّاق مبـطـي*..!*عـلـى*حـطــة*يـديــن*الـرتـابـه لا*شفت*صبح*..!*ولا*تعزويـت*بـاشفـاق! انا اشهد اني ارتويت شعر مع هالصبح صح لسانك على هالجزله وياعسى ماننحرم هالابداع |
06-05-2012, 08:22 | #10 | |
شــــاعر
|
رد : جرح العشم !!
إقتباس:
أرحب يا بو تركي .. كالعادة حضورك مبهج وشعبيات زاخررررة بالجمال .. وأحمد الناصر قامة سامقة يشرفني الإنتماء إلى عالمه الشعري . ألف شكر على تواجدك ,,, |
|
06-05-2012, 08:29 | #11 | |
شــــاعر
|
رد : جرح العشم !!
إقتباس:
متنبي الشعر .. حضورك دائماً .. إضافة .. وتقويم لأي نقص في الطرح .. وفائدة .. ومتعة .. للشعر والشاعرررر ومبهجة لي شخصياً .. أشكرك على حسن ظنك .,, |
|
09-05-2012, 14:53 | #12 |
شــــاعر
|
رد : جرح العشم !!
صح بدنك .. ويسلم راسك يا منصور ألف شكر على مرورك ,, |
09-05-2012, 14:55 | #13 | |
شــــاعر
|
رد : جرح العشم !!
إقتباس:
صح بدنك .. والف شكر أخ موسى على تواجدك ,,, |
|
10-05-2012, 03:32 | #14 |
شـــاعر
|
رد : جرح العشم !!
الاخ فهد الاحمد هل فوق الارتواء شي اجمل وافضل من بعد العطش ... كل ماهنا يدعو للجمال والبهجة مهما غلب عليه مسحة الحزن النبيل ... كل ماهو هنا تصوير مبدع بخيال شاعر خصب يلتقط الجمال من عناقيد العنب ليكون على طاولة شعبيات.. صدقين ان الفرح يداعب الروح وانا اقراء نص كهذا لان الجمال محرض على الابتسامة وماكتبت يلامس هامات الجمال صح الله لسانك وتقبل مروري حسين |
13-05-2012, 12:00 | #15 | |
شــــاعر
|
رد : جرح العشم !!
إقتباس:
شاعرنا المبدع / سالم تواجدك إضافة للقصيدة .. ولي شخصياً الف شكر على حضورك .. وحسن ظنك بأخيك .. وجهك أبيض يالغالي . |
|
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|