04-06-2002, 08:45
|
#1 |
|
شـــاعــر ه
|
رساله إلى عبدالمحسن بن سعيد ، ومن يهمه الأمر !
[c] البنت ، يا بن سعــــــيد ، صارت " تحضر" ماهــــي على خبرك : شكل دون مضــمون صارت حــــــضاره ، وانبعاث ، و تــطــور واصبح لها ســــيفٍ و رايات و حـصــــون ذيك الـخـــــَـــــــــــنوع اللي مــــنول إدوّر ما بينكم عشق ٍ و"عاشق" و مـــزيـــــون غدى لهـــــــا يا بن محمد تصــــــــــــــور ما همها ، ترضــــون به أو تزعـــــلـــون عطني حــــقوقي ، وأنت من با تخـَــــــير وإن بقتهــــــا عــفنــاك لوكنت " قارون " والما .. يتأسن ، كان هـــو ما تــغـيـّــــر ومن لا يتغير تـلعنه ســــــــــنة الكـــــون ! [/c] اخر تعديل كان بواسطة » حصه في يوم » 04-06-2002 عند الساعة » 08:47. |
|
|
|
04-06-2002, 13:30
|
#2 |
|
العاشــق
|
السلم عليكم ورحمة الله وبركاته اسعد الله حصتنا المكنونه والجميع في كل وقت الحقيقه انني لا أملك الا شكرا لإستثارة الشعر ولعبثية الشعراء وللحروف جزيل الحب ((بس انا مدري وش الله انشبني بها المجنونه يومي اقرا قصيدتها ولكن ماللصعاطير الا اهلها )) طبعاً مزحه ماهي رزحه............. ولحصة الأصاله والرقي هذا الرد المتواضع جدا جدا جد......اً عـل السـحـاب اللي عـدانا ولا أمطــر ........................................... يمطر على ذيك النواحي .. وممنون حـر ٍ رمــع للشمس عن كل مـنـظــر .......................................... شـوفه زمـا ثمن زمـا فوق مفـتون يابنت وأنتي لو ربحتي وش أخســر .......................................... إلا عسـاهـا لـلــوفـق يـوم تـرمــون وإن كانها الفزعه .. فلا والله أذخر ......................................... لك راسي وراس ولدي .. كان يكفون لاشـك عن ثـنـتـيـن يابـنـت مـأقــدر ........................................ عصـيان ربي او لها لراس بالهــون أقولـهـا وأنتي فـخـر كان أبـفـخـر ....................................... شــيهانة ٍ تكـفـخ عـوالـي عن الـدون وإن جـت على التكوين فالله وأكبر ...................................... مثـلــيـنـكم بالـورث والعـقـل مـوزون يابنت ماني مـرتـهي لا ولاأبطـر ..................................... ولا أنـخـلـق هــالخــلـق.. إلا يـعـبـدون أخوك / عبدالمحسن بن مجـمد بن ســعـيد اخر تعديل كان بواسطة » عبدالمحسن بن سعيد في يوم » 05-06-2002 عند الساعة » 17:19. |
|
|
|
|
05-06-2002, 03:29
|
#3 |
|
شـــاعــر ه
|
كفو ، كفو ... وتقول و تطول .. بس حبيت أحارشك . و استفز إبداعك ، وجاك يامهنا ما تمنا ! .. |
|
|
|
|
05-06-2002, 05:43
|
#4 |
|
شاعر
|
يابنت وأنتي لو ربحتي وش أخســر فعلا لن نخسر معشر الرجال من تطور من يشاركننا الحياه !!! مبادله جميله بقطوعتين ولا اروع بس يمكن لان حصه جاتك على غفله ومرتك مسرعه وانت موقف صارت ابياتها اكثر اشراق !! فعلا ماهيب سهله دمتوا جميع اخوكم داهم العصيمي |
|
|
|
|
05-06-2002, 06:49
|
#5 |
|
عضو شعبيات
|
هو انت انت انت يا ابن سعيد
لك الله كم انت رائع والمعي ايها الشاعر الفحل لاشـك عن ثـنـتـيـن يابـنـت مـأقــدر ........................................ عصـيان ربي او لها لراس بالهــون لاشـك عن ثـنـتـيـن يابـنـت مـأقــدر ........................................ عصـيان ربي او لها لراس بالهــون لاشـك عن ثـنـتـيـن يابـنـت مـأقــدر ........................................ عصـيان ربي او لها لراس بالهــون لك كل التحايا ايها الشاعر المتوثب الذكي اخوك ابو محمد |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
