04-01-2009, 11:02 | #1 |
شــاعر
|
[ يابــوي ] !
بسم الله الرحمن الرحيم [ متواضعة قلم وأتمنى تلقى القبول ]
لا جيت للساحل بكت فيه الأشناق = ولا رحت للدهنا تصيح البوادي ولا سال دمعِ فوق الأوجان رقراق = صاحت بي ثيابي ولو هي جمادي كل العرب يابوي للدار تشتاق = لاشك شوقي غير كل العبادي الله من صدرِ من البعد لا ضاق = يشوف لون الشمس لون السوادي وأمشي تقل مجنون مابين الأسواق = وكل العروق إللي بجسمي تنادي أسمع صدى صوت تعزيه الأبواق = وأشوف زولِ من له سنين غادي وأسري مع السارين عيني بالآفاق = تنظر سحابِ في شمال البلادي أوميلها من بعد وأعانق إعناق = وأذرف دموعِ سيلن كل وادي سلام يا حايل من الشرق مشراق = سلام يا ريحة هلّي يا مرادي رمّانةِ يوم أثمرت فيها الأوراق = تركتها يابوي وقت الحصادي أركض مع الأيام يابوي بسباق = حار القدم والشوط لا زال بادي حار القدم يابوي وأستاحش الساق = والنار خلّت جوف صدري رمادي واااااااا شيب عيني غربتي صارت فراق = راحت سنين العمر تنقل شدادي حايل وأهل حايل بقلبي بالأعماق = لو طال مشواري وطال البعادي سطام فيصل الشمري |
05-01-2009, 23:05 | #2 |
شـــاعــر
|
رد : [ يابــوي ] !
سلام يا حايـل مـن الشـرق مشـراق سـلام يـا ريحـة هلّـي يـا مـرادي رمّانـةِ يـوم أثمـرت فيـهـا الأوراق تركتهـا يابـوي وقــت الحـصـادي الله الله على هذا الشعر صح لسانك يا سطام ولا هنت يالغالي |
19-01-2009, 09:41 | #3 |
متنبي الشعر الشعبي
|
رد : [ يابــوي ] !
سلام يا حايل مـن الشـرق مشـراق وسلاااام ياشعر وقصيده تستحق إعادة قراءه شاعر مذهل ياسطّام |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|