[سابك ذهب]

أسعَد الله جميع أوقات الجميع:

نَص كُتِب ذات ربيعٍ إحتضنتهُ العاصمه

عَـلَّهُ يجِد بعض من قبول:

اليوم شمس البلد! خَجلَى ومغتاضه=من حسن جوّ الرياض وكل ماحوله
واليوم! رايع وانا لايمكن اعتاضه=كسبت فيه: المطر, والزين,..والتَولَه
ياهاجس الشعر, ياطرياه,واَعراضه=هَبَّت على خاطري..واخْذَت لها جوله
وتمكّنَت من جبال الفكر,وإفياضه=إستحوذَت له وصارت عَنْه مسئولَه
وتمخّضت عَن غَزيرِه,واجمل اغراضه=وبحر الشعر! جبت ياقوته مَعا لوله
أعرف شِتاءِه,كذلك عارفٍ قاضِه=واقراه,واقرا عَنه,واهواه,وآقوله
وآصخّره لاجل منهو هاجسي هاضه=هيَّض شجوني بحكيِه,هيَبته,طوله
جاني,وجيته بشوقٍ بان مركاضه=في ساعةٍ كانت الاحزان مقتوله
وتفَتَّق إحساس خفّاقي بعد خاضه=برموش عينه,وبخدوده,ومعسوله
عالَج بوصله جروح القلب,وامراضه=وحَرَّك شرايين كانت شبه مشلوله
كريم..لو يبتعد ويطوِّل إعراضه!=ومهما ظروفه قسَن! لابُدّ مايَولَه
إليا تذكَّر عدود الشوق وإحياضه=ومنه المعاليق معلوله ومذهوله!
يجي ويَارد بنزعة شوق فيّاضه=ويروي خفوقه,..وقلبٍ ذاب من هوَله
أهواه؟!:كلمه خياليه وفَضفاضَه=لكنّي اهواه.. صدقيَّه,ومعقوله
ويْارْياض صرتي رياضي,واجمل إرياضِه=إثنيننا لاحدٍ حولي ولا حولِه
جاني باحاسيس ورديّه,وفيّاضه=وروَّح وخلّى لي الاشواق والتولَه

وسلامة الجميع

سابك ذهب

الرياض

[نمرالعتيبي]

سالم وغانم والله ياعبدالرزاق وهلا بك


وصح قلبك ويسلم رااااااااااااسك من رااااااااااايع ولله درك على هالابداع وعلى هالسبك
الغير وعلى هالجزاله الراااااااقيه وصح لسانك
مليار والله يجعلك على القوه


اخوك نمر العتيبي

[محمد الشمري]

يالَـبّى جوّ الرياض, وريحة التولَه

نص استمتع به انا شخصياً ذات ربيع

شكراً على الاعاده والفته الجميله

وصح السانك وجاد بنانك

تحياتي لك ياربيع الشعر

[محمد مدران اليامى]

أهواه؟!:كلمـه خيالـيـه وفَضفـاضَـه
لكـنّـي اهــواه.. صدقيَّه,ومعقـولـه

الله الله ومعقوله

صح لسانك ياسابك..

[علي الأسمري]

سابك ذهب
صح لسانك بلاعدد
وتسلم يمناك
دمت بود

[أنثى الضجيج]

اليوم شمس البلـد! خَجلَـى ومغتاضـه
من حسن جوّ الريـاض وكـل ماحولـه



الرياض بـ كل حالاتها تجنن
بس يبقى ربيعها له طعم غير ..



سابك ذهب
صح لسانك يا رب
ولا عدمنا منك هـ الروائع ..

[نورة العجمي]

أهواه؟!:كلمـه خيالـيـه وفَضفـاضَـه
لكـنّـي اهــواه.. صدقيَّه,ومعقـولـه

صح قلبك ياعبدالرزاق على هذه العذوبة والروعة
شكرا لك على هذه الرحلة الممتدة عبر جو الرياض وريحة التولة

ود وورد

[نايف سعود]

صحيح سبك ذهب أسم على مسمى
صح لسانك قصيده جزله

تقبل تحياتي وأعجابي

[خالد الحربي]

/
\

ســابك ذهـــب

صح لسانك ولا أزيد على مشاعر من سبقني


سـوى دمت للشعر وللكـلام العــذب ..


ودي ومتابعتي لا عدمتك ..

	وآصخّره لاجل منهـو هاجسـي هاضـه هيَّـض شجونـي بحكيِه,هيَبته,طـولـه جاني,وجيتـه بشـوقٍ بـان مركـاضـه فـي ساعـةٍ كانـت الاحـزان مقتولـه

[بدر القبيان]

سابك ذهب
وكل ما تكتبه ذهب
لله درك
قصيده تدخل القلب دون استأذان
ولك الود

[خالد المنصور]

سابك ذهب

صح لسانك وبيض الله وجهك

عزا الله انها قصيدة حللللللللللللللللللللللللوه

تقبل اعجابي

[ثامر الشعيفان]

رياض وفياض وزين وريحٍ طيبة
كنت أبزعل لو مرت بك وتركتك دونما تدوين وبوح للمشاعر كـ جميلتك أعلاه

جو وبيئة شعرية متكاملة وتهيّض

جانـي باحاسـيـس ورديّه,وفيّـاضـه
......................... وروَّح وخلّـى لـي الاشـواق والتولَـه

قصة كاملة بدأت بـ " جاني " .. وانتهت بـ " روّح "

شاعرٌ جميل وما فيها كلام يا سابك الذهب لا عاد تبطي علينا
ولو إني أعتب عليك قلة تواصلك معنا في البوح ومع بقية المشاركات هنا

تحياتي لك ولـ قلبك

[سابك ذهب]

مرحبابك يانمر العتيبي


وشكراً لمرورك الأجمل


تحياتىىىىىىى لك

[سابك ذهب]

هلابك يامحمد الشمري


وشكراً لعبق مرورك



تحياتىىىىىىى لك

[نورة العجمي]

أهواه؟!:كلمـه خيالـيـه وفَضفـاضَـه
لكـنّـي اهــواه.. صدقيَّه,ومعقـولـه

صح قلبك

رائعة بإحاسيسها

كل الود والورد