مرعي الزلابه .....!

سعد القوي · 01-03-2007, 07:18

مرعي شاب يافع يبلغ من العمر 26 ربيعاً << مهوب خوي تينا ... يشتغل في بلدية ام القرى على بند الأجور ,, وجاه نقل تأديبي لسامطه بعد ما طب في بيت مدير قسمه وكسر نجفات بيته كلها !! سقيم وسبهه ,, بايعها بتراب ماهمه شي !!

ابوه يعتبر اكبر تاجر البان بالوسطى ... بداها بعنزتين ايام الطفره شاريها من مزرعه شايب في الرغبه ( الرغبه هذي ديرة تبعد عن الرياض حدود 150 كيلو اهلها لو ينقطع النحل حطوهم بداله ) .. ووصل فيه الحال الى مزارع البان على طريق الخرج !!
مرعي اكبر عياله للأسف وعنده ولد وبنت اصغر من مرعي .!! ماتت امهم بسكته قلبيه .. يوم دخل عليها مرعي يبلغها انه تخرج من الكفائة بعد ماحظر تغير الحساب الى رياضيات!!
والابو تزوج مسيار من فلسطينيه تشتغل بمستشفى الشميسي يقال انها جاية بفيزة كوافيرة بس مهيب مهضومه كوافيرة فلسطينيه زبنوها عاد الرجال ..! ساكنه بشارع الخزان والرجال وكل يوم يتروش !! ( وطاحت لها بشعب ياكل الجراد )

اخوانه بعد وفاة امهم انتقلو يعيشون عند عمتهم صيته باحدى قرى الرياض وسالكتن امورهم ولو مايجيهم الا انهم يبعدون عن هالمرعي !!
^
^
هالسطر اختصرت فيه اربع سبع حلقات لمسلسل رمضاني " لاقيتنا فجر السعيد كل سنه نفس الاحداث رقص ومواترن كشخه وفله يطرد فيها الخيل ووجيهم ترد الروح "

استمر مرعي في وضيفته بسامطه لمدة شهرين وبعدها قفلت الاخلاق معه وحن للرياض وعيال السويدي وظرب الباب ومشى دقو عليه دقو عليه ارجع لوظيفتك قال ابرموها بملف علاق !!
رجع مرعي للرياض وكان فاضي لاشغل ولا مشغل وساكن مع ابوه في بيتهم الواقع بحي السويدي !!

وذات مساء كان مرعي منبطحاً على الأرض يعربد شيء يتلاصف في يده مخرجة من انفه ويدوره يدوره ومن ثم يقذفه ويعلقه بالسقف !
دق عليه التلفون واذا به واحد من اخوياه يبيه يخاوية لمباراة الهلال والاتحاد ! بحكم ان مرعي فاضي ولا عنده شغل ولا مشغله راح وطق تكميلة الهلال والكسارات واخذ معه شورت سباحة وصفيرة يقول سبحان الله يمكن الحكم يغيب ولا شي واحل مكانه << قايلكم سفيه !!

خوي مرعي اسمة نهاش .. معه صني 94 عنابي لو تشوفه اذا جا مقبل على حارت مرعي تقامزو عليه مبزرة الحارة يحسبونه مدرس خصوصي شكله شامي خااااااااالص !! يقولون ان امه والعياذ بالله كانت تمارس البغاء بدون علم زوجها الاربعيني وحنا مانحط بذمتنا شي العهده على الراوي << وجه لزقها في بن شرهان !!

شعره اشقر وعيونه خضر وحمرن عطر لو يجلس بالشمس لمدة 5 دقايق قلب وردة وتفتحة خدوده ,, ولو تخلية 10 دقايق انبطح على الارض !! سماه ابوه نهاش لانه اول ما طلع من بطن امه وشاف ابوه عيونه خضر يحسب انها معفنه او متروع !!
وسماه نهاش تحسباً لظروف المستقبل وزحمات المرور والجوازات وزحمة المقصف " ولا يهون العريف مسحل " !!

وهم في طريقهم رايحين يحظرون المباراه وقفو عند بوفية حسن نهاية شارع المدينة قبل الدائري الغربي نزل مرعي وهو يمشي بغنج وسيقانه ممشوقه وينزل يطلب 6 شاورما صامولي واربع ببسي له هو وخويه الفاهي
وتطلع ذيك البنت الزريقا من محل ابو ريالين جنب البوفيه ... من النوع اللي يحبه مرعي بالنهار تصير برتقاليه وبالليل تصير اسود كذاب عليها عباية الله العالم انها تلبس بسحاب من ضيقن فيها وعليها جسم لاقامت تمشي تقول جلي الاصلي وزودن على ذا رياضي مشدود عيونها تقول شمعات لومينا راعيها مركب لها زينون مع فريم العين تقول ازياق جمس بهبهاني 79

بالعربي البنت زرقاء وفيها من جينفر الشي الكثير والكبير ومن يوم شافها وهو مزلب حسن ومعطيه مقفاه !!
ويلتفت على الشورما ويقعد يغفص فيها ويسعبل ويعرق من هالحراره واللواهيب !!
عاد هالزرقا محد معبرها اصلا ولحد معطيها وجه ويوم شافت هالكديش مدقر عنها وشافت سيقانه طوال ومشعره خقت
وقالت عصفور باليد ولا عشره بالغاله <<< طرّاه انها من عملاء حي الغاله
تقدم خطوه لها ... وهي تقدمت خطوتين ,,, خربها مرعي وقام يطامر لها ويقول يعيش الهلال !! انهبلت الخاله وديورت وتمسكت في باب ابو ريالين !!

قام يسبل لها بعيونه ويتغزل " ياغزال بالود كاويني ... ياوردي انت ,, ياصديق ترم ترم ... ترا صديقي راشد الماجد ياحلو !! " خف علينا يا ازرق ياقميييل << سبق مرعي وراح لمصر وكان ساكن بشقة في شارع جامعة الدول ويسهر في السلطان
قامت تتبسم البنت من بعيد وفتحت شنطتها وقامت تصايح وتقول " حررررررر " , " ياربي متى نسوووق " , " يوووه نسيت القدر على النار " <<< يعني تراها رربة منزل فاضله
خربها مرعي وخانه التعبير وطمر للبنت وزلق في وجهها وقال اسمعي يابنت تعالي تركبين معي الحين على الصني حقتي << يهايط بصني ..!! ولا ترا بفضحك وماسك عليك صور وافلام وار بي جي وشد ابيض وكرز دوفي دوف وسطل قرع !! بتعترفين ولا اعلم بوش عليك ان عندك اسلحة دمار شامل وطيارات بس ماتطير
وبقدرة قادر دخلت البنت يدها في شنطتها << اللي ماسكتها بيدها وطلعة عصا كهربائيه وصقعته صقعه بمنطقه حساسه وقام يتلوى ويتقلب بالارض كانه ذاك مدري وش اسمه اللي نطحة زيدان !! " والله الفرق ياقروي "

ومازال مرعي في غيبوبه بمستشفى الشيمسي والمشرف على حالته مرت ابوه المسيار الفلسطينيه
عاد انا والعياذ بالله مشبك هالدكتوره الفلسطينه مره انفلقت بنت اختي ووديتها للشميسي وشف هالمفلسطينيه واعجبت فيها وهي ما اعجبت فيني بس عن قولت الرزق وانها جايه تدور رزقها وقالت لي بليز ياسعد نزل موضوع عندكم بالاقلاع عشان يدعون له يصحى من الغيبوبه

مايستفاد /

كل طير يشبع بمخلابه
مهوب كل من اشرلك معجب فيك يمكن مستغرب من شكلك
خلك على قردك لايجيك اللي اقرد منه
تباُ للمسيار

انتهى

رايح فيها · 01-03-2007, 08:28

بالخير ياسعد
يااخي اعجبني مرعي احس انه طموح بس طماحته ماشيه بالغلط

إقتباس:

من النوع اللي يحبه مرعي بالنهار تصير برتقاليه وبالليل تصير اسود كذاب

طيب المرور وش كاتب في الاستماره ؟

سعد كانك فاضي مرني نروح الشميسي نسلم على الرجال وحرمة ابوه بعد عن قولة دام اننا رايحين رايحين
سعد موضوعك له مغزى والا ماعندي سالفه ؟
<<< كب العشا

بارك الله فيك ياسعد وياليت تطمني على مرعي بس عالخاص

HOLSTEN · 01-03-2007, 12:04

إقتباس:

بوه يعتبر اكبر تاجر البان بالوسطى

ياخوي ماسبب لي ارق الى هالنقطه
افكر ثم افكر

قلت اشدخل البان في العنزتين

بيني وبينك كنت مفكر البان هو العلك ذاك الي يبيعونه العجايز

بس فهمت بعدبن

إقتباس:

قال ابرموها بملف علاق !!

حسيت ان ودي انك تسهب في شرح هالمقطع بعيد عني <== شرايكم في تسهب؟

إقتباس:

جلي الاصلي وزودن على ذا رياضي مشدود

اما هنا عندك تناقض عجيب ارس على بر ماقدرت اتخيله
الى ان بعض المناطق مشدوده شد بلدها والباقي مسمكر

سعد موضوع جميل وماقصرت والله
لكن من رد رايح فيها مادري وشو الي ماجاز لي

طلعة الطوقي · 01-03-2007, 21:41

إقتباس:

مرعي شاب يافع يبلغ من العمر 26 ربيعاً

مرعي وربيعاً وابوه صاحب اكبر مزرعه البان
يعني نطلع بمرعى وربيع ولبن بس ناقص يطلع اسم امه بقرة ندز نسخه من موضوعك لنيوزلندا

إقتباس:

وجاه نقل تأديبي لسامطه بعد ما طب في بيت مدير قسمه وكسر نجفات بيته كلها

ههههههههههههه ياروحي على الإجرام الي يعرفه مرعي مالقى الى يكسر النجفات قل سارق مصرف
سطو مسلح تكسير نجفات صدق انه سبهه

إقتباس:

وذات مساء كان مرعي منبطحاً على الأرض يعربد شيء يتلاصف في يده مخرجة من انفه ويدوره يدوره ومن ثم يقذفه ويعلقه بالسقف !

هههههههههووووووووووووووووووع شغال تلزيق وشكله وقيعي يحلفون ودي اشوف هالسقف
احس ان فيه اشكال فنيه حلوة يعني رسمة قلب وسهم شاقها من النص يقالك حب وهذا الي يسمونه الحب الوصخ

بس وش هالخشم الي ما يطلع شي يابس

إقتباس:

شورت سباحة وصفيرة يقول سبحان الله يمكن الحكم يغيب ولا شي واحل مكانه << قايلكم سفيه !!

هههههه من جد سفيه بس تصدق انا مستنتج من هالذبه انك تذب على الاتحاد السعودي وعلى حكامهم الي على البركه
بس صروال هالسباحه ما ينترقع

إقتباس:

شعره اشقر وعيونه خضر وحمرن عطر لو يجلس بالشمس لمدة 5 دقايق قلب وردة وتفتحة خدوده ,, ولو تخلية 10 دقايق انبطح على الارض !! سماه ابوه نهاش لانه اول ما طلع من بطن امه وشاف ابوه عيونه خضر يحسب انها معفنه او متروع !!
وسماه نهاش تحسباً لظروف المستقبل وزحمات المرور والجوازات وزحمة المقصف " ولا يهون العريف مسحل " !!

اجل هذا الكائن الغريب الي ما يتعدا الشقه واذا جاب 99.99% عفجه ابوه ومردغه الين يغدي يسمع مع سره
وهو الي يلبس بدله رياضيه اما حمراء اللون او حمراء اللون

وما يغشش في الامتحانات حسبي الله عليه
ولا تقولي بعد انه هو من عيال الفلسطينيات الي لارفع يده وهوا الأباط طلعت ريحه يروحها الي في صلبوخ..!!

تحياتي لك سعد ابو عضلات على هيك رجه..

باريس نجد · 23-03-2007, 17:16


	خفت أرد على الموضوع .. كل اللي ردوا بويات << تقصد جمع بوي وأنا القيرلا الوحيده << تقصد قيرل .. بس حبيت أقولك انك صدز قوي فعلتن بسرعه .. موضوعك حلو وشخصية مرعي تثير الشفقه ومااحد فهمه ( يعني مااحد عطى سداح فرصه )

تحياتي

ريانه · 23-03-2007, 17:31

ههههههههههههههههههههههههههههه منتهي ياسعد
ماشاء الله عليك من وين تلزق هالسوالف ابي اعرف ..تدخلنا بسالفة وتطلعنا بثانيه
واخرتها مختمين بالسالفه الاولى ..

01-03-2007, 07:18	#1
سعد القوي مدري	مرعي الزلابه .....! مرعي شاب يافع يبلغ من العمر 26 ربيعاً << مهوب خوي تينا ... يشتغل في بلدية ام القرى على بند الأجور ,, وجاه نقل تأديبي لسامطه بعد ما طب في بيت مدير قسمه وكسر نجفات بيته كلها !! سقيم وسبهه ,, بايعها بتراب ماهمه شي !! ابوه يعتبر اكبر تاجر البان بالوسطى ... بداها بعنزتين ايام الطفره شاريها من مزرعه شايب في الرغبه ( الرغبه هذي ديرة تبعد عن الرياض حدود 150 كيلو اهلها لو ينقطع النحل حطوهم بداله ) .. ووصل فيه الحال الى مزارع البان على طريق الخرج !! مرعي اكبر عياله للأسف وعنده ولد وبنت اصغر من مرعي .!! ماتت امهم بسكته قلبيه .. يوم دخل عليها مرعي يبلغها انه تخرج من الكفائة بعد ماحظر تغير الحساب الى رياضيات!! والابو تزوج مسيار من فلسطينيه تشتغل بمستشفى الشميسي يقال انها جاية بفيزة كوافيرة بس مهيب مهضومه كوافيرة فلسطينيه زبنوها عاد الرجال ..! ساكنه بشارع الخزان والرجال وكل يوم يتروش !! ( وطاحت لها بشعب ياكل الجراد ) اخوانه بعد وفاة امهم انتقلو يعيشون عند عمتهم صيته باحدى قرى الرياض وسالكتن امورهم ولو مايجيهم الا انهم يبعدون عن هالمرعي !! ^ ^ هالسطر اختصرت فيه اربع سبع حلقات لمسلسل رمضاني " لاقيتنا فجر السعيد كل سنه نفس الاحداث رقص ومواترن كشخه وفله يطرد فيها الخيل ووجيهم ترد الروح " استمر مرعي في وضيفته بسامطه لمدة شهرين وبعدها قفلت الاخلاق معه وحن للرياض وعيال السويدي وظرب الباب ومشى دقو عليه دقو عليه ارجع لوظيفتك قال ابرموها بملف علاق !! رجع مرعي للرياض وكان فاضي لاشغل ولا مشغل وساكن مع ابوه في بيتهم الواقع بحي السويدي !! وذات مساء كان مرعي منبطحاً على الأرض يعربد شيء يتلاصف في يده مخرجة من انفه ويدوره يدوره ومن ثم يقذفه ويعلقه بالسقف ! دق عليه التلفون واذا به واحد من اخوياه يبيه يخاوية لمباراة الهلال والاتحاد ! بحكم ان مرعي فاضي ولا عنده شغل ولا مشغله راح وطق تكميلة الهلال والكسارات واخذ معه شورت سباحة وصفيرة يقول سبحان الله يمكن الحكم يغيب ولا شي واحل مكانه << قايلكم سفيه !! خوي مرعي اسمة نهاش .. معه صني 94 عنابي لو تشوفه اذا جا مقبل على حارت مرعي تقامزو عليه مبزرة الحارة يحسبونه مدرس خصوصي شكله شامي خااااااااالص !! يقولون ان امه والعياذ بالله كانت تمارس البغاء بدون علم زوجها الاربعيني وحنا مانحط بذمتنا شي العهده على الراوي << وجه لزقها في بن شرهان !! شعره اشقر وعيونه خضر وحمرن عطر لو يجلس بالشمس لمدة 5 دقايق قلب وردة وتفتحة خدوده ,, ولو تخلية 10 دقايق انبطح على الارض !! سماه ابوه نهاش لانه اول ما طلع من بطن امه وشاف ابوه عيونه خضر يحسب انها معفنه او متروع !! وسماه نهاش تحسباً لظروف المستقبل وزحمات المرور والجوازات وزحمة المقصف " ولا يهون العريف مسحل " !! وهم في طريقهم رايحين يحظرون المباراه وقفو عند بوفية حسن نهاية شارع المدينة قبل الدائري الغربي نزل مرعي وهو يمشي بغنج وسيقانه ممشوقه وينزل يطلب 6 شاورما صامولي واربع ببسي له هو وخويه الفاهي وتطلع ذيك البنت الزريقا من محل ابو ريالين جنب البوفيه ... من النوع اللي يحبه مرعي بالنهار تصير برتقاليه وبالليل تصير اسود كذاب عليها عباية الله العالم انها تلبس بسحاب من ضيقن فيها وعليها جسم لاقامت تمشي تقول جلي الاصلي وزودن على ذا رياضي مشدود عيونها تقول شمعات لومينا راعيها مركب لها زينون مع فريم العين تقول ازياق جمس بهبهاني 79 بالعربي البنت زرقاء وفيها من جينفر الشي الكثير والكبير ومن يوم شافها وهو مزلب حسن ومعطيه مقفاه !! ويلتفت على الشورما ويقعد يغفص فيها ويسعبل ويعرق من هالحراره واللواهيب !! عاد هالزرقا محد معبرها اصلا ولحد معطيها وجه ويوم شافت هالكديش مدقر عنها وشافت سيقانه طوال ومشعره خقت وقالت عصفور باليد ولا عشره بالغاله <<< طرّاه انها من عملاء حي الغاله تقدم خطوه لها ... وهي تقدمت خطوتين ,,, خربها مرعي وقام يطامر لها ويقول يعيش الهلال !! انهبلت الخاله وديورت وتمسكت في باب ابو ريالين !! قام يسبل لها بعيونه ويتغزل " ياغزال بالود كاويني ... ياوردي انت ,, ياصديق ترم ترم ... ترا صديقي راشد الماجد ياحلو !! " خف علينا يا ازرق ياقميييل << سبق مرعي وراح لمصر وكان ساكن بشقة في شارع جامعة الدول ويسهر في السلطان قامت تتبسم البنت من بعيد وفتحت شنطتها وقامت تصايح وتقول " حررررررر " , " ياربي متى نسوووق " , " يوووه نسيت القدر على النار " <<< يعني تراها رربة منزل فاضله خربها مرعي وخانه التعبير وطمر للبنت وزلق في وجهها وقال اسمعي يابنت تعالي تركبين معي الحين على الصني حقتي << يهايط بصني ..!! ولا ترا بفضحك وماسك عليك صور وافلام وار بي جي وشد ابيض وكرز دوفي دوف وسطل قرع !! بتعترفين ولا اعلم بوش عليك ان عندك اسلحة دمار شامل وطيارات بس ماتطير وبقدرة قادر دخلت البنت يدها في شنطتها << اللي ماسكتها بيدها وطلعة عصا كهربائيه وصقعته صقعه بمنطقه حساسه وقام يتلوى ويتقلب بالارض كانه ذاك مدري وش اسمه اللي نطحة زيدان !! " والله الفرق ياقروي " ومازال مرعي في غيبوبه بمستشفى الشيمسي والمشرف على حالته مرت ابوه المسيار الفلسطينيه عاد انا والعياذ بالله مشبك هالدكتوره الفلسطينه مره انفلقت بنت اختي ووديتها للشميسي وشف هالمفلسطينيه واعجبت فيها وهي ما اعجبت فيني بس عن قولت الرزق وانها جايه تدور رزقها وقالت لي بليز ياسعد نزل موضوع عندكم بالاقلاع عشان يدعون له يصحى من الغيبوبه مايستفاد / كل طير يشبع بمخلابه مهوب كل من اشرلك معجب فيك يمكن مستغرب من شكلك خلك على قردك لايجيك اللي اقرد منه تباُ للمسيار انتهى

23-03-2007, 17:31	#6
ريانه من كبار الشخصيات	رد : مرعي الزلابه .....! ههههههههههههههههههههههههههههه منتهي ياسعد ماشاء الله عليك من وين تلزق هالسوالف ابي اعرف ..تدخلنا بسالفة وتطلعنا بثانيه واخرتها مختمين بالسالفه الاولى ..

عدد المتواجدون في هذا الموضوع » 1 , عدد الأعضاء » 0 , عدد الزوار » 1