18-03-2007, 06:34 | #1 |
رباط ود
|
قصة حب سعوديه ماسنجريه..
فما في الأرض أشقى من محب وان وجد الهوى حلوو المذاق .... تراه باكياً في كل حال مخافة فرقة , أو لأشتياق ... فيبكي أن نأو شوقاً اليهم ويبكي أن دنو حذر الفراق .. فتسخن عينه عند التلاقي وتسخن عينه عند الفراق .... ----------------------------------------- القصه هي من بطولة : <<سلطان وريم الفلا >> يقوم بدور الراوي >>>>>>>>><<< --------------------------------------- أخيراً صفرت الشاشه .. يعني من زمان ودك أن الشاشه تصفر... بصراحه ايه .. طيب ليش ؟؟ نبي نتعرف على بعض أكثر ...نسولف أكثر ..نآخذ راحتنا وهو عادي أن البنت تتعرف على الولد .. ايه عادي يعني وش حنا قاعدين نسوي ...نسرق ههههههههههه بس أنا بنت ناس .... يعني أنا الي ولد شوارع .. ما أقصد كذاا أنت معروف هنا في الدردشه وفي المنتدى و..... هههه أدري أنك ماتقصدين وفي نفس الوقت مافهمتي قصدي بعد .... ووش هو قصدك ؟؟ قصدي أننا نسوي علاقة صداقه بريئه ... بريئه ؟؟؟؟ ومن يشهد على برائتها ... أنا وأنت ِ موافقه ,,, لاااا مانيب موافقه يعني أنا ما أعرفك وانت ماتعرفني !!! شلون تاخذ بشهادة واحد مجهووول ... طيب من تبين يشهد ؟؟؟ الله يكون شهيد علي وعليك ... يؤ يؤيؤيؤ خير خير أنشاء الله كذا الموضوع فيه أيمان مغلظه . وشكلك ماخذه الموضوع بجديه ..... أنا أقصد أن الي بيننا يكون سري للغايه أول شي ..وثاني شي تكون صااادق معي في كل كلمه تقولها وعلى فكره أنا أحب الجد ,,,, طيب موافــــــــــق .. أول سؤال,,لك علاقه مع وحده غيري ؟؟ وش أسلوب لف الأيادي ذاا تحلفيني بربي عشان تسأليني ذا السؤال ؟؟؟؟ السؤال المحرج بالنسبه لك لاتجاوب عليه أفضل من أنك تكذب علي ... طيب ما بجاوب على هذا السؤال بس أنا بسألك مثله هاااااه جاوبي .... ماعندي علاقه مع أي شخص غيرك .. تررى حالفه قبل شوي ... أدري أني حالفه وأنا مستحيل أكذب .... ----------------------------------------- استمرت العلاقه كذا كل يوم سواليف.... بعد السواليف تطورررت العلاقه قصدي تورطت أكثر من أول وانتقلت من روم الدردشه الى الماسنجر ... وبعد مرور سنه على هذي العلاقه البريئه<<<<ياربي سنه فيلم هندي ذا ........ ----------------------------------------- سلامات وينك لك أسبوع ما أشوفك هنا عسى ماشر ؟؟ وش يهمك فيني آخر مره مهاوشني على شي تافه .. أنا آسف ... مايحتاج تتأسف أنا مسامحتك لو ماتعذرت ..<< أثقلي شوي الله يقطع أباليسكم يالبنات على طول تخقون شكلك ماتدرين وش صار لي ذا الأسبوع .. يعني وش بيصير لك ؟ مدري شي ماينوصف بس السبب أنت ِ .. أنا ؟؟؟ ايه أنتي لي سنه وانا مدمن سواليفك وفجأه تختفين ريم صوتك يخدر أذني كلماتك أشعار , صوتك أنغام طيب وأنا أنا الي تعلقت فيك بشكل غريب وصرت بالنسبه ..لي أسلوب حياة ما أقدر أتخلى عنه ..مدري بس الي أعرفه أني قلت لك كل أسراري لدرجة أني ..أني ..مابقى عندي أي سر ماعلمتك عليه .... تدرين هذا وش أسمه ؟؟ ايه أدري .. وش أسمه ؟؟ تكفى عاد أنت وش تحسبني مدري مدري وش أسمه هاه وش عندك ..وش تحسبني ما أستحي !! اعووذ بالله أنا ماقلت كذااا طيب أنا أعلمك هذا أسمه>>>>>>حب <<<<<<<<< ريم أنا وصلت مرحلة أني أشوفك شفى روحي ... تشفين روحي بمجرد أنك هنا معي أنا ما أبي من هالدنيا شي الا أنتِ أنتِ دنياي كلها وينك ؟؟ ريـــــــــــــم .... آلوووو أني بدي هير ,, أنا موجوده بس يوم قلت ذيك الكلمه حسيت قلبي يرجف .. أي كلمه ؟؟ مدري عنك بس لاتنسى أنك قلت أن العلاقه الي بيني وبينك..علاقه بريئه وشريفه وعفيفه ... ليه أنتِ تعرفين شي أشرف من الحب ولا أكثر براءه؟ لولا الحب ما أشرقت الشمس وغمرت الأرض بنور ربها ولا منحتها الدفء والحياة . ولولا الحب ما التف الغصن على الغصن في الغابه النائيه ولولا الحب مابكى الغمام لجدب الأرض ولاضحكت الأرض بزهر الربيع ولا كانت الحياة .... كلامك حلوو بس للأسف الحب تشوه كثير وأصبح أكبرعيب.. من يقول أن الحب عيب الحب شي فطري ومولود مع لأنسان وكل الديانات السماويه أتفقت على مبدأ الحب ... ريم العلاقه الي بيني وبينك هي من أسمى العلاقات الموجوده على وجه الأرض ,,,,,أنا قلت لك انتي دواي وشفاي تشفين روحي وأنتي تتكلمين معي تشفينها اذا لقيتك على موعدنا في الماسنجر ..ماتدرين ريم أنتي موعدي في هالحياة وكنزي وأغلى مافي الوجود ريم / أكتشفت شي أني كل ما أغيب عنك أشتاق لك ريم / أنا أحبك ... --------------------------------------------- أخيراً أعترف سلطان لريم أنه يحبها ,,, وصدقت ريم هذي القصه صدق عاشت جوو غير طبيعي لأنها في الأساس كانت تعاني من فراغ عاطفي .. بس سلطان هل كان يعاني من فراغ عاطفي ولا كان يلعب عليها .. تعالو نشوووووووووووووووووف ... ------------------------------------------ : أشتقت لك .. وأنا بعد الحين وش آخر علاقتنا ....؟؟ تدري أني قبلك كنت أنسانه يائسه ومدري وش هو الحب ... الحب أضعف مخلوق وأقواه .... الحب مشكلة العقل التي لا تحل ولكنه حقيقة القلب الكبرى ... الحب أحجية الوجود وليس في الأرض من لم يعرف الحب وليس فيهم من عرف ماهو الحب . ... . . الا تعالي أنتِ من وين تجيبين ذا الكلام ... أنت الي علمتني هذا الكلام ... ريم الفلا ريم أسمعي أنا لازم أشوفك ... طيب سهله تعال وأخطبني من أبوي .. أكيد أني بخطبك وبتزوجك بس لازم أشوفك أول ولازم أنتي تشوفيني بعد يمكن أني أعرج يمكن أني أسود يمكن أني معاق.أو معتوه أو أرعن والله لو كانت فيك عيوب الدنيا مارح أتخلى عنك ... ودك تشوفيني شوفيني ..... يالله هذا أنت أحلف ياربي لااااااا.... هاه وش رايك فيني ... تهبل ما كنت أتوقع أنك كذاااا أبد ...يازينك طلعت أطخم من ما كنت أتصور كنتِ تتوقعيني شين صح ... لا والله بس كنت أعتقد أنك أصغر من كذا .. شكلي هرش كبير هههههههههه طيب أنتِ ووش شكلك متى بشوفك ريم الفلااااا متى ؟؟ بكره ههههههه بكره بتشوفني ... متى بيجي بكره ذا من زمان وأنتي تقولين بكره ... ريم أسمعي الأغنيه هذي لك توصف كل أحساسي وشعوري تجاهك بس على شرط تهديني أغنيه توصف كل شعورك مثلي يالله أسمعي .... http://gulf.salmiya.net/songs/nabeel/ram/nabeel99.ram ------------------------------------------ طبعاً ريم سمعت الأغنيه وصدقت نفسه أكثر .. ومرت الأيام بطيئه وريم تحلم أنها تلتقي بسلطان . ... ------------------------------------------------- سلطان أسمع من دون أي مقدمات ترى فيه واحد جا يخطبني أمس .... وانتِ وش رايك ؟؟ أنا مستحيل أو افق مستحيل أعيش مع أحد غيرك أنا لك أنت وبس ,,, بس هذا الشي ما يسمح لك تحطمين حياتك ومستقبلك مافهمتك وش تقصد .. أقصد أنك توافقين على ولد عمك وتتزوجين ... وأنت ؟؟؟؟ أنا واحد عرفتيه عن طريق التشات والماسنجر ..مجهول وحبيتيه .. لازم ياريم تصيرين واقعيه أنتِ صغيره ومتعلمه وجميله وبنت ناس مثل ماعرفت عنك ... والشي الي أساسه مبني على خطأ رح تترتب عليه أخطاء كثيررررر وما يأتي سريعاً يذهب سريعاً لازم نحكم العقل والعاقل من عقل هواه قبل فوات الآوان ... أنت وش تقول أنا أنتحر وأموت ولا أتزوج غيرك .. ليش هذا الي متقدم لك فيه مواصفات أنا مافيني ربعها يكفي أني أحبك .. مو كل شي نبيه نسويه و ماكل مايتمنى المرء يدركه .. بس أنا أحبك أنت أنت كل حياتي ... هذا حب في الظلام ماحد داري عنه أسمعي أنتِ من أول يوم حلفتيني أكون صادق تذكرين ... أذكر ... والحين أنا أصدق ما أكون الحين .. ريم أنتِ صغيره حيل أنتِ قد وحده من بناتي .... أنت متزوج ؟ ايه أنا متزوج وأحب زوجتي بعد ... طيب ليش خليتني أحبك أنا قنعت بك أنت وحدك من الحياة حتى أني ما أهتم اذا لقيتك وش بخسر لكن وش يبقنعني الحين وأنا أخسرك أنت ...أنت تكرهني صح ووتتسلى معي وبس وتلعب علي . أنا بعد حبيتك ووالله حبيتك ولأني حبيتك لازم أتصرف هذا التصرف معك ريم أسمعي ما أقدر أشرح لك كل شي وأعيد لك كل شي لأنه مكتوب في كل قصة غرام .. وهل الغرام الا قصه واحد تتكرر أبداً ولا يمل البشر تمثيلها ؟ وهل تمر ليله على بلد فلا ترى في أحشائه عاشقاً مدنفاً يسهر ويتألم ,, بينما ينام الناس آمنين ,,,, ريم الناس ما يرحمون المحبين أبد لأن الحب شي لايدري به الا المحبون ... كلام الفلسفه ذا ما عاد يقنعني ... ريم أدري أني بجرحك بس لازم القصه هذي تنتهي لازم الوهم ذا يخلص أنا تعبت بعد لاتحسبين أنتِ بس الي تتألمين ... بعدين أنا مستحيل أتزوج وحده تعرفت عليها في تشات ...وتكلمت معاها في ماسنجر ! يعني طول الشهور ذي تلعب علي ؟؟ لأ ريم أفهميني أنا أحقد أحياناًعلى البنت الي تكلم واحد كذا وتعطيه كل أسرارها لأني متأكد أنها مثل ما أعطت هذا المجهول رح تعطي غيره ريم سامحيني على صراحتي بس لأرجع وأقول أنتِ الي حلفتيني أقول الصدق وما أكذب عليكي ,,, توني أدري أني في غفله وغفوه ... حبي لك سبب لي الدمااااار والتعاسه والعذاب النفسي ,, أنا قلبي رقيق جداً جداً جداً لدرجة أني عمري ما سألت نفسي ... وش آخر هذا الحب ؟؟؟ ووش هي نتيجته ؟؟ ولوين بينتهي بنا الحال ؟؟هل هذا حب حقيقي أم مجرد محاولة لاقناع النفس أنه حب ؟ وهل هذا الانسان هو بالفعل الذي أحسنت اختياره؟ الحين مدري وش أسوي وودي أمووووت ودي أنتحر آآآآه توني أكتشف أني ساذجه وهبله وغبيه ..... ريم لا تقولين كذا بالعكس المستقبل أمامك .. أنت خلاص لا تكلمني وأعتبر الي بيني وبينك وهم أو خدعه......الااا هو وهم وخدعه من صدق ... يهمني أعرف أنا ايش في حياتك ..ووش آخر كلمه تب تقولينها لي ..... شكلك الا الآن مصدق نفسك خلاص كل شي بينين وبينك أنتهى أعتبر كل الأيام الي مرت سراب وأن كل ثانية عشتها معاك كانت مجرد حلم .... . . . أنا وعدتك أني أسمعك أغنيه ويمكن هذي الأغنيه ...ترى بعد ما أحط الرابط حق الأغنيه بطلع ولاعاد بتشوفني أبد ..... http://arabic.salmiya.net/songs/fadl/ram/fadl113.ram ــــــــــــــــــــــــــــــــــــــــــــــــــ ــــــــــــــ ـ مافيه شي أسمه حب قبل الزواج أصحوووو أحد يلعب عليكم كلنا تزوجنا مانعرف وش حب وما ضرنا شي ... ـ كلمة حبيبي كلمه كبيره وماتنقال الا للرجال الي بتحملين أسمه وبيعقد عليك قدام الله وخلقه ..... ـ كل شي ما خلا الله والحب في الله ولله باطل ... ـ بيت تأسيسه خطأ نتيجته بالتأكيد خطأ .... ـ كل ما يأتي سريعاً يرحل سريعاً ... ـ أنا شخصياً ضد الحب قبل الزواج لأن التجارب الي شفناها كلها باءت بالفشل الذريع لأسباب كثيره ... ـ والبنت أي بنت أذا بغت الخير والصلاح فعليها بأهل الخير والصلاح وأنها تتمنى لنفسها الزوج الصالح لا بل تدعو لنفسها أن يرزقها الله الزوج الصالح الي يعرف قيمتها .... وبس سلامتكم ...... كانت معاكم أحلى سوسووهي الآن تراقب الأحداث عن كثب <<أفندم ياباشا . . . |
18-03-2007, 06:50 | #2 |
شــاعر
|
رد : قصة حب سعوديه ماسنجريه..
العن ابو القهر ماشافها وانا اتابع بضمير انتظرها ترفع النقاب يالله خيرها بغيرها ... |
18-03-2007, 09:45 | #3 |
عضو شعبيات
|
رد : قصة حب سعوديه ماسنجريه..
مسيكين حرااااااااااااااااااااااااااااااااااااااااااا اااام وراها جالسه تجرح في قلوب العذال وتطعن من غير سكين مزدي ماجاه جعله مايشوفها ابد هو يا وجهه اجل يحسب بنات الناس لعبه عنده ياشين هالي يتسذبون على خلق الله الواحد من يوم يشوف بنت مغير يعدل في ثوبه ويمط شخصيه الكوبرا متر ويتميلح وخذ يانصب وهو اصلاً يشبه هالرجال ويكلم في التلفون ويقول انا لابس برمودا هالحين وهو لابس صروال سنه والى يصير متعشي مرقوق ويقول ميد حبيبته انا متعشي شاورما <<< حده شاورما ياسلام يا احلى سوسو على الموضوع الرهيب العجيب بالملي متر ياحبيبي بالملي متر <<< وش عنده روؤف خليف تحياتي ..!! اخر تعديل كان بواسطة » طلعة الطوقي في يوم » 18-03-2007 عند الساعة » 10:02. |
18-03-2007, 12:47 | #4 | |||||
رباط ود
|
رد : قصة حب سعوديه ماسنجريه..
. . . إقتباس:
^ ^ شكلك تحب أفلام المغامرات والأكشن هههههههههه إقتباس:
^ من صدقك والله !!! . . جبران خليل جبران <<هو اسمه كذا ! . . جبران هلااااااااااا بك ومثل ماقلت خيرها بغيرهاااااااا لووووول . . ---------------------------------------- طلعة الطواقي . . إقتباس:
^ معظم الي يغازلون ويدردشون يحسبون بنت الناس لعبه !! . . وبنات الناس الله يهديهم بعد .. . . إقتباس:
^ ههههههههههههههههههههههههههههههههههههههههههههه ههه خخخخخخخخخخخخخخخخخخخخخخخخخخخخخخخخخخخخخ ككككككككككككككككككككككككككككككككككككككككك إقتباس:
^ منهوو رؤووف خليل <<ثقافتها ضحله . . طلعة الطواقي ..هلاااابك ومشكور عالى الرد يارؤؤؤوف بيه |
|||||
19-03-2007, 18:12 | #5 |
مشرف
|
رد : قصة حب سعوديه ماسنجريه..
احلى سوسو اعقلي ليه كذا تطلعين الشباب هم الغلطانين يعني انتم ابرياء ياحليلكم اقول لا يكثر وابي بكره قصه عكس هالقصه ولا ترا ابحذف الاستراحه كلها <<<< اقول ماودك تلفقه بس عاد تدرين زين انها جت على المسنجر وماتطورت لجوال وشسمه ولا كان صارت علوم <<<<< برا بالله |
19-03-2007, 20:08 | #6 |
شـــاعر
|
رد : قصة حب سعوديه ماسنجريه..
أحلى سوسو يسلم لي هالفكر وهـ العقل " الله يديمها عليك نعمة " عقل ناضج وفكر راقي إسلوب جميل في إيصال الفكرة وأنا أؤيدك بكل كلامك الشاب في مجتمعنا قد يخطئ ويشرب ويسكر وينكر ويصلي إسبوع في المسجد تب تقول الناس " هداه الله " أما الفتاة فـ مثل الزجاجة أقل الأمور تجرحها وتجرح أبوها وأخوها وأهلها على الفتاة أن لا تسمح لـ أي رجلٍ كائناً من كان أن يقترب منها أكثر مما يجب بل لـ يختفي من مداها نهائياً اليوم كنت أرد على موضوع الترحيب بـ شاعرتنا " بنت أبوها " وتحدثت عن إعجابي الشديد بـ لغة الثقة والإعتداد بالنفس في لغة شاعرتنا !! وهي ذات اللغة التي أحب أن يتكلم بها الإناث بقيت نقطة أحب أن أتحدث فيها وهي قراءة قصص الحب وقصائد الحب " تهيّض " وتُحرك ساكناً وتؤجج نار العشق وحب الفضول أيضاً حتى إذا ما اجتمعن صديقاتها وبدأت كلٌ منهن تسرد قصة حبها ومغامراتها مع فارس أحلامها تجد هي ما تقوله فمتى ما أصابك هذا الشعور أو هذه النشوة بعد سماع أغنية أو قراءة قصيدة أو رواية أو حتى مشاهدة فيلم تذكري أن لك إخواناً وأباً ومستقبلاً مشرقاً هل ستتنازلين عن ذلك كله كلا فـ لا زلت لا أعتقد أنك أكثر نضجاً أحلى سوسو للأسف إن كل كلامك واقع !! .. ليه ما تاخذين فرّة على أقسام شعبيات أحس إن قسم " قافلة الحكايا " و " فكر ورأي " بيجوزون لك شكراً لك على وعيك اخر تعديل كان بواسطة » ثامر الشعيفان في يوم » 19-03-2007 عند الساعة » 20:12. |
19-03-2007, 22:12 | #7 |
علبة ألوان
|
رد : قصة حب سعوديه ماسنجريه..
تسلمين يا احلى سوسو على القصه واعجبتني طريقتك في ايصال الفكره .. عموما ً اعتقد اننا اصبحنا اكثر وعي وادراك لمثل هالامور .. الحب اكيد موجود لكن مستحيل يكون خلف شاشه او يكون شيء مبهم وهنا اقصد النت ماننكر وجود قصص زواج عن طريق النت وانا شخصيا اعرف وحده تزوجت شخص من النت كانت هي ملتزمه وتكتب في منتدى وهو ايضا ملتزم اعجب فيها وبإلتزامها وطلب انه يتقدم لها وفعلا جا للشرقيه وخطبها و(فتره الخطوبه) تعرفوا على بعض اكثر وربي وفقهم والحين البنت عندها ولد وللعلم هو متزوج يعني هي الثانيه .. اعتقد انها حكاية مبدأ وأخلاق .. البنت لما تكون عندها مباديء وقيم ثابته راح تمنعها من الخطأ ومو معناتها ان البنت اللي تخطيء ماعندها اخلاق ومباديء لكن مجتمعنا مايرحم والحين حتى الولد صار يخاف على سمعته فما بالك البنت ! طولتها بس مجرد تعبير عن رأي شخصي وليس بالضروره يمثل كافة اراء الاعضاء <-- ماهيب عاقله احلى سوسو يعطيك العافيه |
20-03-2007, 06:02 | #8 |
نان تشكيلي
|
رد : قصة حب سعوديه ماسنجريه..
طيب وش رايك نقلب الوضع ونشوفه من زاويه أخرى ؟ ولا تقولين ماتصير صارت ..... متزوجه ومعه رصيد هائل من كلمات الحب والهيام زادت على حاجة زوجه ولا لقت الا ... خبيل بالمسنجر ... قالت احطهم فيه ........... كل مافات ماأقصده بذاته انا اقول الجميع يمارس الخداع والجميع لديه اقنعه أحترامي |
20-03-2007, 10:20 | #9 | ||||
رباط ود
|
رد : قصة حب سعوديه ماسنجريه..
حسن آل مسفر إقتباس:
طيب بعقل .. إقتباس:
^ برائه الدم من قميص يوسف .. إقتباس:
ولا يهمك ..غالي والطلب رخيص <<تقصد الأستراحه لاحد يقول شي ولا ماشيات بعد مو ناقصه ! اذا جت على الأستراحه بألف لكم مجلد <<راحت تجيب النظاره إقتباس:
^ أصلاً هي ماعندها جوال ولا كان صارت عللللوم من صدق <<طلبتك لاعاد تذكرين أسباب بعد كذا تكفييييييييين . . حسن آل مسفر .. البنات فيهم والأولاد فيهم بس القصه جت كذا ..ذي المره .. حياك الله حسن منوور الموضووع .. هلاابك .. |
||||
20-03-2007, 10:29 | #10 | ||||||
رباط ود
|
رد : قصة حب سعوديه ماسنجريه..
ثامر الشعيفان . . إقتباس:
^ آآمين يارب العالمين .. . أشكرك أخ ثامر .. إقتباس:
واذا أنكسرت ماتتصلح أبد ..تظل مكسوره .. إقتباس:
^ والله هالنصيحه تنكتب بماء الذهب وربي أغلى نصيحه تتقدم لبنات .. إقتباس:
أحلى وأقدع تحيه للشاعره الكبيره بنت أبوها .. إقتباس:
^ هذا الشعور هو السكره واذا زالت السكره أتت الفكره .. . . . إقتباس:
^ والله توني أخذت لي فره كمتصفح ... قريت كم موضوع أكثر من رائع وانشاء الله رح أكون عضوه دائمه هناك .. . . لأني وجدت أشياء كنت أبحث عنها هناك وجدت ضالتي ..>>>>>> الحكمه .. . . . أخ ثامر جزاك الله خير .. . . وهلاااااااااا بك .. |
||||||
20-03-2007, 10:36 | #11 | |||||
رباط ود
|
رد : قصة حب سعوديه ماسنجريه..
نورهـ السبيعي إقتباس:
^ أنتِ ترين هالشي بس والله يا أن فيه بنات كمخ <<<سوسو ذات تهور .. إقتباس:
^ الله يسعدهم ويوفقهم يارب ايييه كذا هذا هو الحب الحقيقي .. إقتباس:
فعلاً قد تكون نزوه وتروح لحال سبيلها بس مجتمعنا مايرحم والبنات للأسف يفضحون أنفسهم بأنفسهم ! . . إقتباس:
^ رأيك الشخصي نحترمه ونقدره وعلى راسسسي من فووووووق .. إقتباس:
^ يعافيك ربي يانوره ..وأشكرك على ردك شكراً جزيلااااااااا . . . تحياتي .. |
|||||
20-03-2007, 10:47 | #12 | |||||
رباط ود
|
رد : قصة حب سعوديه ماسنجريه..
محفر إقتباس:
طيب ماقلنا شي ..كل شي في زماننا هذا يصير وأنا ماقلت البنات ملائكه إقتباس:
^ طب صارت هل هي جرت ودورت على هذا الخبيل ولا هو الي دور عليها !!!!!!!!!! أصلاً ما أعتقد فيه وحده عاقله رح تدور خبيل !! سواء متزوجه ولا عازبه !!! على العموم الله يستر على المسلمين قل آمين ,, ........... إقتباس:
^ مافهمت !!!!!!!!! يعني شلووووون ماتقصده بذاته ...اذا تقول كلام ماتقصده يعني وش يفهمني قصدك!!! إقتباس:
^ طيب كان قلت كذا من زمان بدل هالطلاسم الي فوق ! إقتباس:
^ وأنا بعد أحترامي |
|||||
20-03-2007, 14:23 | #13 |
شــاعــر
|
رد : قصة حب سعوديه ماسنجريه..
حسبي الله على الظالم جلست أكتب ردي ومتحمس بتفلسف وأخرتها يروح في لمحة تعليقه احلى سوسو موضوعك حلو وتوصيلك للفكرة مميز مع إن الإطالة تشتت احيانا وخاصه للي يرد بأمانه مثلي المهم يعطيك العافيه ردي هذا تعويض لنفسي عن اللي راح بحاول اجمع ماكتبت وأرجع جزاك الله خير ياسوسو هذا موجز كلامي.. |
20-03-2007, 15:06 | #14 |
عضو فعّال
|
رد : قصة حب سعوديه ماسنجريه..
احلى سوسو يعطيك العافيه على الموضوع وياكثر هالقصص ويااقل بركتهاااا ... الله يسترنا والمسلمين اجمعين ... ما اقول الا يااازين عاادتنااا اكشط واربح بلاااحب بلااعلاقاات بلااهم زااايد .. لو بتفلسف عليكم شوي بقول .. انا تكونت عندي فكره من خلال ماقراءة وسمعت وشفت .. ان الحب مجرد بحث عن المشاكل والبلاوي .. اقلها تحطم المشااعر واكبرها على قولة ثامر الكسور اللي ماتنجبر .. مره اخرررى .. لك كل اعجابي بما كتبت اناملك اخر تعديل كان بواسطة » عنودالصيد في يوم » 20-03-2007 عند الساعة » 15:10. |
20-03-2007, 18:56 | #15 |
موقوف
|
رد : قصة حب سعوديه ماسنجريه..
اعلان لجميع الللي معي مسنجر من الأخوان التماسيح: اي تهويبه او اي عرض زواج او اي كلمه تتعلق بالحب من قريب او من بعيد ترى بعرض له صورتي بالبرقع ارفقوا علينا عاد مادريتوا اني: لمعة الماسه وحساسه وقلبي موطن الأزهار وانا اللي يعشق الأزهار وغيري يقطف احساسه دريتوا ولا لسى؟ طيب ارفقوا واللي بيتهور ويغريني بزواج ولاخلافه لايدخل مسنجر الا والمملك معه وشاهدين |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|