20-04-2005, 18:36
|
#1 |
|
عضو
|
محاورة الأربع مئة متر حواجز
بسم الله الرحمن الرحيم السلام عليكم ورحمة الله وبركاته وبعد هناك لعبه في ألعاب القوى تسمى (قاهرة الرجال) وهي مسافة الأربع مئة متر لأنك إذا إنطلقت في البدايه بكل سرعتك ستنهك وتنهار قبل الوصول الى النهايه وإن تراخيت سبقك الخصم . فإليكم محاورة الأربع مئة متر حواجز بين العصيمي.....و......السناني _________________ ___________ ______
ألا يامرحبا حياكم الله عند بن عواد = تحية والكرم والجود فأولهاوتاليها أبوتركي يقول أنه معلق في الذلول شداد = يقول هوايته والناس مايدرى مشاعرها يدوم إلك البقا ياللي ترحب والعلوم جداد = وأنا ماأخص الي ناسٍ عديماتٍ بصايرها توكلنا على الله يامحمد وإعرف الميعاد = نبي ننفض غصون السدر وطيورك نطيرها أنا ماأمر فالبصره ولا مريت في بغداد = وأبو تركي ثلاث سنين إله عازه يدورها وعد كم في شهرعاشور ولا في رجب وجماد = لكن أبعد عن الشيخان لاتلمس مناخرها أنا ماني بغاوي الدرب في المصدار والميراد = ليا مني بغيت علوم أوردها وأصدرها أنا بيني وبين أصحابنا فالشام ملح وزاد = وصحبتنا قديمه جعل ربي مايغيرها تقول إنك تبي الفزعه وفي رأسك ظفر وعناد = وأقول إحسب حسابك والرصاصه لاتثورها ليا منك وصلت الشام وش مجدك من الأمجاد = تبي تنبيك صبرى كم شهيدٍ في مقابرها أبيك تعدها ياصاحبي بالجوز والأفراد = تفرج فالبحور اللي مرسيتٍ بوابرها ليامنك وصلت الشيخ علم الشيخ ماينعاد = تعلم من طبوع المسلمين ولا تكفرها فداكم شلفى بن غانم فداك حصان بن شداد = أشوفك مجتهد والناس ضايقتن خواطرها ليامنك وصلت الشيخ ماتسلم من الحساد = ولكن الشيوخ إسمك معلم في دفاترها تبي تغزي بسيف ورمح ياصاحب ثمود وعاد = وقدامك مهماتٍ على رأسك نفجرها ترى نص العرب مايعرف الهجري من الميلاد = لياصغرت يكبرها ولن كبرت يصغرها تقول إنك تبي تصل القمر وتعانق الرواد = ولكنك وقعت بحفرتٍ بيديك حافرها ترى العطشان إله رجوى من البراق والرعاد = وطيبه طيبه ماكدر الله وجه زايرها عساها يامحمد روحتٍ ماعقبها معواد = توسط وإبذل المجهود لين الله يدبرها أنا أعرف الذلول اللي بدون خطام ماتنقاد = أدور لرجال اللي تشاورني وأشاورها أنا ماقلت إلك تختار إلك غيرالبلاد بلاد = دروب الخير لآهلحين ماجفت مصادرها ((----------------------------- = --------------------------------------)) محمد يامحمد لاتصيد وأنت المنصاد = تراها ماتسكر يالسناني لوتسكرها أنا لاجيت في موضوع ماينقدني النقاد = أطيبها بدهن العود ومن العطر أعطرها تراهايالعصيمي كل ليل يدبل العداد = ولكن الجريمه يالعصيمي لا تكررها بغيت تنجح الموضوع في ساعه ولا الله راد = ولكن القناة اللي تبث الشر شفرها تحاول ماتحاول مير أنا لا زملك المرصاد = عيون أهل الهوى لأجل الهوى هلت عبايرها ألا ياليتهم ماركبوا لأم الفتيل زناد = منول ماتثور إلا من البارود نذخرها أحد كيف على الدله وأحد كيف على البراد = وأحد يبغى السجاره كل ماصنف يعمرها توقع يالعصيمي ليلة مابعدها مرقاد = توقع لدمي الحاميات يفور فايرها نبي ناصل ونرقى للمعالي والسيوف حداد = ليال الخير لأهل الخير بينتٍ بشايرها أنا خابرك طيب يامحمد من رجال أجواد = لكن اليوم فيك الناس ضايعتٍ فكايرها تبي ترقى لكنك ماأنت واصل لؤلؤ العقاد = تنا هبك الأ وادم بين صادقها وبايرها |
|
|
|
07-05-2005, 03:35
|
#2 |
|
شـــاعــر
|
رد : محاورة الأربع مئة متر حواجز
عز الله خوش محاوره بين شعار كبار سلمت يا الحاسم على النقل و ما قصرت و لكن البيت الاول اعتقد فيه غلط بالقاف ألا يامرحبا حياكم الله عند بن عواد تحية والكرم والجود فأولهاوتاليها بأولها و تاليها اعتقد المفروض تكون فأولها و آخرها و الله اعلم اخوك عطاوي |
|
|
|
|
20-05-2005, 08:42
|
#3 |
|
عضو شعبيات
|
رد : محاورة الأربع مئة متر حواجز
يعطيك العافيه يالطيب على المحاورة الروعة ومثل ما قال عطاوي يمكن آخر البيت من اولها اليا اخرها |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
