02-05-2003, 01:50
|
#1 |
|
رفيــق الحــزن
|
اسمعوووووووووووووووني رجاءً
اخواني واخواتي مشرفين اعضاء ابيكم في كلمت راس ... تعالو ا تعالوا اسمعو يامال العافيه لاحظت فالفتره الاخيرة كثرة المشاحنات وكثرة الهمز واللمز وكثرة الفهم الخاطيء لكل منا الآخر وهذا ما يبعدنا عن الهدف الاساسي اللي وضع له هذا المنتدي اللي هو الدوانيه وما عاد صارت دوانيه صار مجبب واللي ما يعرف المجبب اقوله صار سيب وكل واحد ماسك في خناق الثاني ولو رجعنا للمشكله لقينا ان ما فيه مشكلة من الاساس غير انه سوء الفهم لكل موضوع.. عليه فيا احبابي ويااخواني ويااخواتي الرجاء كل الرجاء الابتعاد عن الاسلوب الجاف والمواضيع اللي فيها نقاش يحاول كل واحد يدخل الموضوع ويفهمه فهم تام قبل ما يرد او اذا ما فهم يحاول يفهم اما عن طريق البريد الخاص للعضو صاحب الموضوع او انه يوقف اقرب دورية شرطه ويسالها ..  والديوانية وضعت الله يسلمكم لسعة الصدر والفرفشه والسؤال عن بعض مهو للتنافر والملاسن والموضوع اللي ما يعجبك من الافضل انك تحاول تتجنبه ولا تخسر لك اخو او اخت على شان اختلاف وجهات النظر والدعوة ما هي فرض راي وبس .... ولا احد يرضي ان اي واحد يجي ويستهزي بموضوعه او التقليل من اهميته وثقو ثقه تامه اني ابغى مصلحة الجميع واتمنى ان نكون على قلب واحد متحابين متفاهمين وتربطنا علاقة قوية يسودها الود الاحترام وهذا اكبر مكسب ننشده وينشده الجميع .. وسلمكم الله هذا ما بغيت اوضحه فقط لغيرتي الشديدة على المنتدي وخوفي على ابتعاد البعض منا وللأسباب اللي ذكرتها وابي الجميع يسمعوني ويفهموني وانا على ثقة تامه بسعة صدوركم وتفهمكم لما قصدته وهو الرجاء الشديد الشديد لا نخسر بعض بسبب اشياء مالها داعي .. وارجو ان يكون كل واحد مراقب على نفسه ويكون كل واحد مشرف على نفسه قبل كل شي ونتواصل مع بعض ونتكاتف مع بعض ونرتقي بأفكارنا لان مهو بس الاعضاء اللي يدخلون المنتدي وبس هناك الكثير من الزوار يدخلون ونبي نكون واجهه جميلة لشعبيات ونكسب احترام الجميع ولا نبي نخسر اي عضو .. شاكر لكم حسن تعاونكم وبياض قلوبكم وكلي امل بان يفهمني الجميع على الوجه الصحيح .. اخوكم المحب للجميع ابو عيووووون |
|
|
|
02-05-2003, 03:36
|
#2 |
|
عضو شعبيات
|
اسمع حبيبي الربيع حنا هنا جينا على شان نفضفض ونقول حاجات تونننننننس وانت ما لقيت الا انا تقوله هالكلام ؟؟ <<<<< خاش اكثر من غلط ب 90 % ونطالبكم انتم يا مشرفين تفتحون دريشه من جنوب يدخل معها الهوا وتروح ريحة التتن الي عيا يبطله طميران ،،،، ونبي سلمك الله تسرمكون الصاله <<< دخلنا في مطالب الحريم وتجيبون دولاب للسفره ,,, وهذي الي يموت زرفيل بن خربوش ما فهمها  . . . انت توحي ؟؟ . . ابو ربيع اسمع .... مالك عندنا الا السمع والطاعة وسامحنا على زرفة العين من توقيعك عويدات ما نقطر نبطلهن المخسوع الي منقهر من زرفيل ويتلبق الى هالحين في طميران عسى ولعل يجوزه وس وس وس وس وس واس |
|
|
|
|
02-05-2003, 05:46
|
#3 |
|
عضو
|
الربيع يا طيب قلبك يا دحيم ما تروح ديرة انا من يوم شفت عينك اللي تحت تشر وانا غاسل يدي منكترى وسواس نسى يقولكم حطو دكه واشوف وسواس ركز على عينك:'( :'( اللي يعز دحيم ابو عيون ويحترمه طميراااااااااااااااان |
|
|
|
|
02-05-2003, 07:23
|
#4 |
|
عــضـو فـعّـال
|
مسائك ورد اخوي عبدالرحمن وكل اعضاء شعبيات فعلا لابدللانسان قبل يرد اويعقب على موضوع انه يتأنى لين يفهم الموضوع والمقصد منه اذا كان فرفشه وسعة صدر يحاول مايثقل بالمزح واذاكان نقاش ياليت يكون هادف ومنه الفائده لكل من يدخل الموضوع وياليت كلنا نكون اخوان ونبعدعن الحزازات والكلام اللي ماله داعي والتجريح المتعمد اللي يكون من تحت لتحت بالكلام لنكون جميعا يدا وحده في الرفع من مستوى ديوانيتنا وتكون واعيه ويغلب علينا اسلوب المزح البريئ والاخوه قبل كل شي تسلم عبدالرحمن وعساك على القوه دووووووووم وبالفعل انت قلت الشيئ اللي بنفس كل عضو فاهم عاقل مثقف لاعدمناك اختكم ليالي نجد* |
|
|
|
|
02-05-2003, 09:56
|
#5 |
|
رفيــق الحــزن
|
وسواس هلا بك ياخوي وشرفت .... لاحول قوة الا بالله ياشين ما قلت انت لكن اللي في بطنه ريح ما يستريح ههههههههه اجل من كسر الدرايش والبيالات والفناجيل وكبب علينا الشواهي غيرك لا ويقولون انهم ما نزلوك من السقف المستعار الا بعسيب بعدين وش وداك فوق ما كفتك الارض تبي تحوس السقوف يابو عشيش خخخخخخ اسمع للهرج اللي يجمد على الشارب تصليحات ما فيه الين تقطون من الف ريال <<<< قرّبت الاجازه وناوي يصيف على حسابكم خخخخخخخ الله يسلمك ياوسواس وبطل زرف علمكم سلملم لطش التواقيع الله لا يبارك في عدوه .. تحياتي لك والف شكر لتفهمك ... |
|
|
|
|
02-05-2003, 10:04
|
#6 |
|
رفيــق الحــزن
|
طميران حتى انت ياطميرانوه لاطش التوقيع والله القراوى وما قد شافو خير...... ياخي تعلموا الحركات وحطو لكم تواقيع انا بكره ابحط خشم واتحداكم تلطشونه هههههه تسلم ياطميران وهاه عاد لاتقعد تطامر في كل موضوع والا تطمر في حلق احد ترى بطمر فوق علباك واسوي لك سوبلكس خلفي ماعاد عقبها تعرف درب الدوانيه هههههههه الف شكر يااللي تحب ابو عيووون وعارف انك على قدر الثقه ... تحياتي لك وتقديري . |
|
|
|
|
02-05-2003, 10:12
|
#7 |
|
رفيــق الحــزن
|
ليالي نجد ياهلا ومرحبا ياليالي ... يسلم قلبك هذا ما قصدته من الموضوع ولا اقصد احد بعينه ولكن الكلام للعموم وفعلا مثل ما تفضلتي لازم نفرق بين المزح والجد لا نجرح مشاعر الاخرين بدون قصد طبعا ونلزقها فالمزح ... الف شكر لك على هذه المداخلة الجميلة وكلك ذوق سلمتي .. تحياتي لك وتقدري . |
|
|
|
|
02-05-2003, 10:50
|
#8 |
|
شــــاعـــر
|
اخوي ابوداحم والله انك ماقلت الا الصدز وماقصرت ... وان شالله الديوانيه مابه الا كل خير .. والربع هنا فاهمين بعض ان شالله.. بس لايصير خاطرك الا طيب ... ومثلك عارف اللي يجي الديوانيه ماقصده الا انه يفل الحجاج ويوسع خاطره من هموم دنياه.. انا معك ..صحيح عبيص مسوي قلق .... ... بس انت ادرى بالحال ..============== خل الشباب يستانسون (((طبعا بحدود المعقول ))) دام الديوانيه مدهره ... وان كنتو تبون الضيقه والمغثه ودبلت التسبد مستعد ادلكم على منتديات تخليكم تهلون العباير اربعه اربعه اثنين.. ============ عبدالرحمن .... ماقصرت يابعد حيي وان شالله بجهودكم وهمة الشباب ... ماتلقى الا اللي يسعدك |
|
|
|
|
02-05-2003, 11:17
|
#9 |
|
عضو شعبيات
|
اخوي عبدالرحمن اشكرك على هذا الطرح الأكثر من رائع ولفت الإنتباه واتمنى من الله ان يفهم الجميع ماترمي اليه حقيقة في الفترة الأخيرة لاحظت ومن المؤكد ان غيري لاحظ مشاركة بعض الأعضاء في مواضيع هامه وموضوعية تهم رواد الديوانية العامة وزوارها .. ولكن المشكلة ليست في المشاركة وإبداء الرأي على فكرة الموضوع إنما هي نوعية المشاركة والطرح الصادر من بعض الأعضاء الذين يودون تغير مسار الموضوع من موضوع هادف وموضوعي إلى موضوع هزلي وردود مضايقه لصاحب الموضوع ولقرائه ... وهذا الشيء غير صحي ولايصب في مصلحة المنتدى ابدآ . وللمعلومية اخوي عبدالرحمن لي فترة وأنا أقرأ مواضيع الديوانية العامة ولم اجد للأسف مواضيع كما في السابق تستحق الرد وترى الشيء إذا زاد عن حدة انقلب ضدة ..المراد عدم إغضاب أي من الأعضاء وبالتالي خسارته إنما زرع روح المحبة والوئام بين الأعضاء وأنا مع الاخت ليالي نجد في التأني قبل الرد والتعقيب ولكم كل إحترام وتقدير . الزعل مرفوع والعتب ممنوع اخوكم بعيد نظر  |
|
|
|
|
02-05-2003, 11:35
|
#10 | |
|
إقتباس:
صح لسانك ماعندي أي أضافه بعد كلامك الوافي مثال وقدوه للمشرف الواعي الراقي في تعامله وأفكاره تحياتي واحترامي . اختك الجازي |
|
|
|
|
|
02-05-2003, 13:48
|
#11 |
|
عضو شعبيات
|
[c] <------------------- داخلن عرض يحسب فيه سوالف بيسمعها يموت في الحش في خلق الله خخخخخخخخخخخخخخخخخخخخخخخخخ يا دحيم على قولة طميران ابو طمره انا الى هالحين ماقد تبالشت مع احد في الديوانية واذا كنت تقصدني فانت غلطان وانت يالدحمي اللي بدا وانا اصلاً ماقلت شئ -----------> (( يبي يتبالش هو ودحيم )) خخخخخخخخخخخخخخخخخخخخخخخخخ دحيم يابعد تسبدي والله انك رهيب ( يبي يخش في عيون الدحمي ويبي يسوي اشاعات على قولة عبيص ) وانا بالنسبة لي هالايام داخل في مشروع خطبة عن طريق الديوانية ولذلك ما ابي اتبالش مع احد ابد اخاف اطيح من عين بعض الناس المهم تراني عاقل وما قد تمحرشت في احد ولا ابي اتطاق مع احد تحياتوووووووووووووووووووووووو سعيدان المؤدب[/c] |
|
|
|
|
02-05-2003, 20:15
|
#12 |
|
رفيــق الحــزن
|
نواف الشمري هلا بك يابعد حيي ولف شكر لك على هالمداخلة الطيبه وهذا من طيبك وسعة افقك ... ياخوي نواف انا ما قلت اقلبوها نكد ولا احد يجيب موضوع فيه ضحك ولا نبي نهل دموع بس نبي يكون بعيد عن المساس بالاشخاص والا ترى الدعوة خبيتي وان اتكلم كعضو واخو للجميع وليس كمشرف ... ما احد يحب ضيقة الصدر والروح المرحة من الشروط الاساسية لدخول قلب اي انسان وبدون تاشيره بعد .. الله يعطيك العافية وما قصرت ولك كل الشكر والتقدير على تفهمك للموضوع .. تحياتي . |
|
|
|
|
02-05-2003, 20:23
|
#13 |
|
رفيــق الحــزن
|
اخوي بعيد نظر هلا بك وتشرفت بمداخلتك والله يعطيك العافية ... فعلا اخوي مثل ما تفضلت تغيير مسار الموضوع ما هو في صالح الجميع وسوف تنعكس بشكل سلبي على مواضيع الاشخاص انفسهم ولاعاد تدري هزلها من جدها .. تسلم على هالملاحظات وعلى المتابعة والتواصل واتمنى نستفيد من بعد نظرك في خدمة الديوانية ولك كل التقدير .. تحياتي |
|
|
|
|
02-05-2003, 20:27
|
#14 |
|
رفيــق الحــزن
|
الجازي هلا بك اختي وصح بدنك لاعدمتك .. الف الف شكر على هالمرور الجميل ولك كل التقدير وانا ممتن لكلامك الاجمل ... تحياتي لك وياهلا . |
|
|
|
|
02-05-2003, 20:39
|
#15 |
|
رفيــق الحــزن
|
سعيدان هلا بك ياسعيدانوه او دانبي على فكره ترى بداية اسم دانبي ....( دان ) نهاية سعيدان وبداية اسم سعيدان( سعي) يعني انت شريطي وكيفك سعيدااااان ومصطفى هونيك .. شكلي قلبت راسك بس ابعلمك اني اعرف اخش عرض وطول ياعكس الماركتو خخخخخخ ياسعيدانبي انت الحين عندك ثقة انك بتلقا وحده ترضى فيك زين ضروسك اول وبعدين يحلها الحلال ...ههههههههه ياحبي له يحتك مع دحيم ابو عيووون الف شكر يابو هيكارو ولكلك كل التقدير والمحبه .. تحياتي . |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
