13-03-2004, 01:10 | #1 |
شــاعـر
|
التميلح للبنى ويا الليونه !!
بعد السلام .. والتحية .. والاحترام بويتات علها تنال رضاكم منى إليكم والسلام عليكم [poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] فيك شك وفيك ريب وفيك بونه = واللعانه مالها غير اللعانه العمل نجزاة من نفس النمونه = وكل مخطى ماله ألا الخيزرانه لاتغنى من طروق الزيزفونه = ثم أغنيلك طروق الديدحانه الجزيل من القصيد أعشق فنونه = والهزيل من القصيد أكره بيانه ومن يهين الشعر ويكسر لحونه = ما جزاة ألا يقصر من لسانه وش طراة الشعر وألا ويش كونه = يوم تلعب فيه دانه ليل دانه لجنة التلميع ما تعطي معونه = أطلب الله بالحياة وبالاعانه غط راسك دام راسك فى متونه = بس اهنته كيف ترضى بالاهانه الرجل يموت ما يرضى المهونه = وكم حى مات عايش فى زمانه لانزف جرح الكرامه من يصونه = وانت نقصك ما تفيدبه الصيانه كم وكم من واحدٍ تضحك سنونه = والبلاوى كلها تحت البطانه عزتى للقلب لاكثرت طعونه = طعنة الايام ما فيها ضمانه التحدى ليل تغرينى شجونه = (أشرب الفنجال خل الاستكانه ) يضرب الميدان من تكثر غبونه = وأنت عان الماد يارجال عانه كل عسر يهون دامنى زبونه = ومن بعد هاذى ترا مابه حصانه إن بلانى واحدٍ تجمح جنونه = أية الكرسى تهدى من جنانه التميلح للبنى ويا الليونه = والرغد أكثر مسبب للبدانه حلم ليلك لا تطيح الصبح دونه = أن هويت يقال صفر بدون خانه نية الرجال تطلعها عيونه = والكلام أحيان نوع من الادانه لا تجيب الهرج مدرى كيف لونه = أنطح المقصود لاترمى وزانه غبر الثور المعمعم عن قرونه = وإستثارت هقوته عن عنفوانه بس طويق الظلع من يخلف ركونه = يا خبل من ودة يشدد مكانه ما ربانى وقتى ألا للخشونه = والسند بالله وحده جل شانه خالد الذيابى [/poet] |
13-03-2004, 01:17 | #2 |
شـــاعــر
|
سبحانه وجل شانه .... الغالي خالد الذيابي ... حضور رائع لشاعر رائع .... وقصيده جامحه وعزالله انك كفو يابوحميد .... صح لسانك وصح ابداعك ... وفي انتظار القادم دائماً ... اخوك محمد بن حزام |
13-03-2004, 01:18 | #3 |
شاعر
|
. الغاضب / خالد الذيابي .. خرعتني يارجل .. أنت خالد .. في كـــل لون وصورة .. غاضب / عاشق / حزين .. لك لون خاص جدا ً .. ترتديه عند إستقبــــال أي إلهـــــام .. يضرب الميدان من تكثر غبونـه .................. وأنت عان الماد يارجـال عانـه صح لسانك يابوحميد .. والله لايهينـــــك يابعد حيي .. . |
13-03-2004, 01:22 | #4 |
شــاعـر
|
كفوووو..... يا خالد الذيابي.. سجل اعجابي ....... وجل المتابعه .. لشخصك الرايع.. لك اجمل تحيه... اخوك.. |
13-03-2004, 01:43 | #5 |
شـــاعــر
|
الله عليك يالذيابي بكل حالاتك مبدع صح لسانك وسلم بنانك يالغالي قصيدة غير من شاعر غير تقبل تحياتي أخوك |
13-03-2004, 08:51 | #6 |
شــاعرة
|
خالد الذيابي يسعد صباحك وصح قلبك والله قمة الروعه والابداع تحياتي |
13-03-2004, 12:48 | #7 |
Guest
|
الغالي خالد الذيابي صح لسانك يابو يزيد مدد بلا عدد يا كحيلان شهادتي فيك مجروحه ولكن ما يمنع اعجابي وتعليقي دمت ودام الابداع يا غالي تحياتي |
13-03-2004, 19:50 | #8 |
الـحـــرّاب
|
الغالي.. خالد.. هي عادتك في كل اشكالك.. مقترنا بالابداع.. نيـة الرجـال تطلعهـا عيونـه والكلام أحيان نوع مـن الادانـه انا اشهد.. ما ربانـى وقتـى ألا للخشونـه والسند بالله وحـده جـل شانـه سبحانه و تعالى.. و كفو والله يا ابوحميد.. صح لسانك.. و لك الود.. |
14-03-2004, 02:01 | #9 |
مشرف
|
الرائع خالد الذيابي ومن يهين الشعر ويكسر لحونـه ******** ما جزاة ألا يقصـر مـن لسانـه والله انك صدقت يابعدي ....... صح لسانك تريليوووووووووون يابعدي وعيني عليك باردة ....... لك كل الحب ...... اخوك حسن آل مسفر |
14-03-2004, 03:33 | #10 |
شــاعـر
|
الذيابي خالد صباح الشعر الجزل وصباح الابداع الله روووووووعه لله درك وصح لسانك مليارات والله يجعلك على القوه ولك من اخوك نمر العتيبي تحيه ممزوجه بالخزامى والنفل |
14-03-2004, 18:39 | #11 |
سيـــف الســـيــف
|
ونعم بالله ونعم السند المبدع دائماً خالد الذيابي صح لساااانك وتسلم يمينك يا ابو يزيد على هذه الشامخه بشموخك.. في كل حالاتك والابداع ملازماً لما تقدمه .. وليس الابداع بغريب عليك هذا ماتعودناه منك دائماً .. دمت بخير ودام تألقك لاعدمتك تحياتي لك |
14-03-2004, 18:44 | #12 |
شــاعر
|
خالد الذيابي صح لسانك وسلم بنانك جزله من راس جزل قوة ومعاني تجلت في ثنايا هذه الشامخه الرجل يموت ما يرضى المهونـه وكم حى مات عايش فـى زمانـه لانزف جرح الكرامه من يصونـه وانت نقصك ما تفيدبه الصيانـه صدقت لاهنت تحياتي واعجابي |
15-03-2004, 04:43 | #13 |
شــاعـر
|
محمد بن حزام ياهلا وغلا ومرحبا تعطرت القصيدة بمرورك وكلامك الذرب ألف شكر لك ولك تحياتى |
15-03-2004, 04:52 | #14 |
شـــاعرة
|
صباح الشعر الرجل يموت ما يرضى المهونـه وكم حى مات عايش فـى زمانـه لانزف جرح الكرامه من يصونـه وانت نقصك ما تفيدبـه الصيانـه كم وكم من واحدٍ تضحك سنونـه والبلاوى كلهـا تحـت البطانـه أنا أشهد صح لسانك وفكرك لاهنت أبيات قويه جزاله وأبداع دمت متألق ودي وأحترامي |
15-03-2004, 12:14 | #15 |
عضو شعبيات
|
سلااااااااااااااااااااااامز خالد الذياااااااابي صح لسااااااااااانك ملايين يا مبدع فكر راقي و مستنير ألألفاظ و الصياغه غاية في الروعه أحسنت يا خالد أخوك قايد القلووووب |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|