21-09-2004, 14:38 | #1 |
ذيب جمران
|
قصيدة العودة من الرحله ( الصيفية ) .............
السلام عليكم قصيدة ( يانجد ) مدري من اللي سبق وقراها ؟ كانت قبل الرحله ............ وهذي اللي بين أفكاركم النيرة ما بعد العودة من الرحلة ......... وكنت فيها بمعية وحد من الربع شروى الغانمين إسمه معيض ...... سامحونا على القصور.
يامعيض أشوفك جيت داله وسالي= مالك من قسوم المحبين مقسوم ترقد وبالك من هوى البيض خالي= ماخالفت عينك على حزة النوم ماللسهر في سد ليلك مجالي = مرتاح لا معطى ولاأنته بحروم وأنا بعد ما جيت يفداك حالي= مهوم طول الليل والصبح مهموم مغير أهندم بالقصايد والالي =من راس مرجومٍ على راس مرجوم على فراق اللي هواها شمالي= تنعش فواد اللي من الضيق مكتوم حلوة نبا ، وجه وقفا ، وإعتدالي=والخصر من بين الطراتين مهضوم الملح فيها ، والحلا ، والدلالي=تاخذ غلا من شافها غصب وسلوم قضيت معها ايام حب وليالي= راحت مثل ما راحت ( أحلام سلّوم) أخذت منها في السعة شف بالي= ضحك وسوالف حب ومزوح وعلوم ولا غير هذي في مداها طرا لي = ادريتها وأدريت نفسي عن اللوم الله يصبرني على ما جرى لي = من عقبها ما ارتحت ليله ولا يوم اخر تعديل كان بواسطة » صالح العصيمي في يوم » 21-09-2004 عند الساعة » 18:30. |
21-09-2004, 15:07 | #2 |
شـــاعــر
|
رد : قصيدة العودة من الرحله ( الصيفية ) .............
حلوة نبا ، وجه وقفا ، وإعتدالـي _______________والخصر من بين الطراتين مهضوم الملح فيها ، والحـلا ، والدلالـي _______________تاخذ غلا من شافها غصب وسلوم الله عليك يا صالح ... |
22-09-2004, 18:51 | #3 |
ذيب جمران
|
رد : قصيدة العودة من الرحله ( الصيفية ) .............
أخوي مرزوق بن فيحان... لاهنت يالغالي على مرورك تحياتي لك . |
23-09-2004, 10:44 | #4 |
شـــاعــر
|
رد : قصيدة العودة من الرحله ( الصيفية ) .............
حلوة نبا ، وجه وقفا ، وإعتدالـي ______والخصر من بين الطراتين مهضوم الملح فيها ، والحـلا ، والدلالـي ______تاخذ غلا من شافها غصب وسلوم الله الله ما اجملك اخي صالح صح قلبك وفكرك قصيدة جزلة من راس جزل لاهنت يالذيب وبيض الله وجهك اعجابي وتقديري ومتابعتي يالغالي دمت بخير |
23-09-2004, 15:27 | #5 |
شــاعـر
|
رد : قصيدة العودة من الرحله ( الصيفية ) .............
العصيمي صالح الله يحييك وصح قلبك على هالجميله ولله درك رايع والله وعذب هالبوح يسلم راسك وعساك على القوه اخوك نمر العتيبي |
25-09-2004, 20:24 | #6 |
ذيب جمران
|
رد : قصيدة العودة من الرحله ( الصيفية ) .............
الشاعر / ثامر الشبيلي صح بدنك يالغالي ............ وماعليك زود طال عمرك.. ولاهنت على مرورك اللي أسعدني كثير. وإعجابك وتقديرك ومتابعتك .......... اوسمة فخر أعتز بها طال عمرك ( وعسانا عند حسن ظن الغانمين شرواك ) تحياتي لك . |
25-09-2004, 20:29 | #7 |
ذيب جمران
|
رد : قصيدة العودة من الرحله ( الصيفية ) .............
الشاعر / نمر العتيبي الله يبقيك يالغالي وصح بدنك ....... وماعليك زود . لاهنت على مرورك وإطراءك اللي أسعدني ...................... ** مرورك لحاله بدون كتابة يسرني وشلون والقصيدة تنال جزء من إستحسانك ** تحياتي لك . |
25-09-2004, 21:55 | #8 |
الـحـــرّاب
|
رد : قصيدة العودة من الرحله ( الصيفية ) .............
ترقد وبالك من هوى البيض خالي ..............................ماخالفت عينك على حـزة النـوم ماللسهر في سـد ليلـك مجالـي ..............................مرتاح لا معطى ولاأنتـه بحـروم وأنا بعد ما جيـت يفـداك حالـي .............................مهوم طول الليل والصبح مهمـوم صالح.. هنا سهل ممتنع.. نحتاج لمثل هذه القصائد.. صح لسانك.. |
26-09-2004, 07:34 | #9 |
عضو شعبيات
|
رد : قصيدة العودة من الرحله ( الصيفية ) .............
ذيب جمران مرحبااا بك يالعصيمي وصح الله لسانك ولاتعبت يالغالي تقبل سلامي واشواقي الخويطري |
29-09-2004, 17:48 | #10 |
ذيب جمران
|
رد : قصيدة العودة من الرحله ( الصيفية ) .............
الشاعر / محمد الحراب لاهنت على مرورك الجميل .......... وصح بدنك . تحياتي وتقديري |
29-09-2004, 17:52 | #11 |
ذيب جمران
|
رد : قصيدة العودة من الرحله ( الصيفية ) .............
المشرف/ الخويطري إلك البقاء يامشرفنا الغالي وصح بدنك ولا ندمت إن شاء الله . والله يسلمك على كل حال ولاهنت على مرورك الجميل. تحياتي وتقديري |
29-09-2004, 17:56 | #12 |
شـــاعــر
|
رد : قصيدة العودة من الرحله ( الصيفية ) .............
حلوة نبا ، وجه وقفا ، وإعتدالـي ______والخصر من بين الطراتين مهضوم الملح فيها ، والحـلا ، والدلالـي ______تاخذ غلا من شافها غصب وسلوم في ذمتي انه هالروعه لا تخرج الا من شاعر كبير صح لسانك |
02-10-2004, 03:18 | #13 |
ذيب جمران
|
رد : قصيدة العودة من الرحله ( الصيفية ) .............
الشاعر الممتع / عبدالله بن ذويبان الله يخليك يارب ............... وشهادتك أنت بالذات وسام فخر لي . عسانا عند حسن ظن الغانمين شرواك . صح بدنك ولاهنت على مرورك الجميل جمال روحك. تحياتي لك. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|