[سعيدالعمودي]

ياعين لو ضاق المدى وادمس الليل=لايوجعك همٍ السهر والمساري
لوكان في قلب العنا تركض الخيل=والله لا اخذ من شقا الوقت ثاري
بطالع الجوزاءعلى شرفة سهيل=وانفض عن الكاهل جيوش الطواري
اليا متى اجمع من الهم واكيل =بطعن ظروفي في حدود الشباري
دنيا نسايرها غياب ومواصيل=لاشك ماعاد الامل باختياري
قلنا نشيل الشيل ونصادم السيل=واليوم ماهو في يديني قراري
تنزف جروح السالفه والغرابيل=تاخذ من افكاري وتتبع مداري
قريت وامعنت النظر بالتفاصيل=وعشت السلام وعشت ذات الصواري
غموض يرميني بياضه على النيل=متزملٍ بالحزن والحزن عاري
صمتي يسولفني قصيد وتراتيل=والبرد يشعلني على جال ناري
في معترك ما للوفا فيه تبجيل=كتبت له ذنبي بنص اعتذاري
قلبٍ يبي من غلطة الوقت تعديل= يضيع صوته بين كاتب وقاري
طموح يرسم للاماني عراقيل=خايف وفي صدره جنون انتحاري
وانا لو ان الهم صفق له الويل=مايشهد التاريخ يوم انكساري
شامخ ولو غنى عدّوي مواويل=ابقى ويسمو مع سمّوي وقاري
عبّرت تعبير الندى للاكاليل=شعرن يوصلني لرد اعتباري
يطير في جوي فراش التعاليل=وانا بسوق العز بايع وشاري
نرسل بصدق الشعرنص المراسيل=مورث بدوٍ لاقريته حضاري
نكتب ونرسم فكر ونثقّف الجيل=ونفرق اصيل المفرده والتجاري
في عالمٍ كله مجامل وتطبيل=فيه الهبوب العاتيه والذواري
بس العمر مافيه مهله وتأجيل=لوكان طاولت الزمن بانتظاري
لابد بعد النور يجتاحك الليل=وتبدا تنادي ياطويل المساري

[الثامر]

سعيد
صح لسانك
نص جميل ومميز
مزيد من التالق

اخوك الثامر

[سعيدالعمودي]

إقتباس الرسالة الأصلية كتبت بواسطة الثامر سعيد صح لسانك نص جميل ومميز مزيد من التالق اخوك الثامر

مراحب واتشرف
بحضورك الغالي

[فهد اليامي]

سعيد العامودي

لقد ارويتنا من هذا البذخ الشعري
الذي لا يجود به الا المبدعين امثالك

صح لسانك ملااااااااااااااااين

وتقبل تحياتي واعجابي

[علي التركي]

نكتب ونرسم فكـر ونثقّـف الجيـل
ونفرق اصيـل المفـرده والتجـاري

في عالـمٍ كلـه مجامـل وتطبيـل
فيـه الهبـوب العاتيـه والـذواري

الله الله
ياسعيد صح لسانك

[محمد آل مريع]

قلبٍ يبي من غلطة الوقـت تعديـل
يضيع صوته بيـن كاتـب وقـاري
طمـوح يرسـم للامانـي عراقيـل
خايف وفي صدره جنـون انتحـاري
وانا لو ان الهم صفـق لـه الويـل
مايشهـد التاريـخ يـوم انكسـاري
شامخ ولو غنـى عـدّوي مواويـل
ابقى ويسمو مـع سمّـوي وقـاري
عبّـرت تعبيـر النـدى للاكالـيـل
شعـرن يوصلنـي لـرد اعتبـاري

لله درك ..

فقد اشبعتني شعرا ...

تقبل مروري وصادق مودتي

[سعيدالعمودي]

إقتباس الرسالة الأصلية كتبت بواسطة فهد اليامي سعيد العامودي لقد ارويتنا من هذا البذخ الشعري الذي لا يجود به الا المبدعين امثالك صح لسانك ملااااااااااااااااين وتقبل تحياتي واعجابي

حياك ياليامي
وانا ارضيتني بحضورك الغالي

[سعـد السعـيـدي]

\
جميــل ياسعيد

وفي مُنتهى العـذوبة..

تقديري لهكذا مُتصفـح .

[سعيدالعمودي]

إقتباس الرسالة الأصلية كتبت بواسطة علي التركي نكتب ونرسم فكـر ونثقّـف الجيـل ونفرق اصيـل المفـرده والتجـاري في عالـمٍ كلـه مجامـل وتطبيـل فيـه الهبـوب العاتيـه والـذواري الله الله ياسعيد صح لسانك

حياك الله
ويسعدني حضورك الغالي