09-12-2010, 18:31 | #1 |
هول الليل/ شاعر
|
بنت الوزير
دقت الساعه ثلاثه وانا مثل الضرير = ينتظر صبحه وهو ما يشوف الا الظلام والعمى من شين حظه ترى ساقه كسير = يزعج الصوت العمى والله انه ما يلام كل ما هب الهوى جدد جروح الضمير = ويتذكر شبّته يوم اهو باقي غلام راح وقت العز تكفى ترى حاله خطير = وان ضواه الليل والله ما ظني ينام وان سمع ذيب عوى هل بالدمع الغزير = خوته للذيب تبقى على الخوه سنام قصته يا ناس تكوي على الظلع القصير = واستبيح العذر يا ناس واصغوا للكلام كان شيخ وفارس لاغزى ماله نذير = يسبق الطير المعلّي ليا علاّ وحام وان نوى له ديرة جالها بئس المصير = ما يخّلف بعد غزوه سوى بيوت حطام كم على شانه غنيّ من بعد غزوه فقير = وكم على غزوه فقير رفع حظه وقام كان يعشق بنت شيخ توانى بالمسير = بنت عز عايشه في ذرى ربع حشام لا رمت بالعين صوبه غدى قلبه فطير = تعشقه ويحبها بكل ما يعني الغرام راحت الايام واقبل على اليوم الكبير = يوم بعض الطير يفتن على فرخ الحمام طوقوه القوم وسط الخلا في جال بير = وثارت البندق من الصف في صلب العظام طاح مثل طويق والصدر تسمع له زفير = وسحبوا منه الفرس ثم حطوله خطام وان نظر في محزمه ما لقى كود الجفير = كلها لعيون من شامته تحت اللثام ذاك حاله مثل حالي على بنت الوزير = يوم فرقنا القدر من بعد ثلثين عام واستباحت ونة القلب بالثلت الاخير = خوفها من قلبها لايصيبنّه سهام قلت وان حبيت مثلك ترى ماني صغير = معرب الجدين من خال والا من عمام قالت ان العود سير على عمي السفير = وحددو وقت الفرح جاك علمي والسلام روحت والجو منها غدى كله عبير = واحتسيت من الهوى علقمه مر الختام هول الليل اخوكم يحيى ابن فالح ابن السريحه الاحمري |
09-12-2010, 23:36 | #2 | |||
شــاعر
|
رد : بنت الوزير
هول الليل صح لسانك على هذا النص الجزل خيال واسع وقوة معاني وسبك وحبك شاعر متمكن وما اقتبسته من الابيات ليس الا غيض من فيض دون القصور ببقية الابيات لا هنت اخي يحيى ولك تحياتي |
|||
10-12-2010, 01:40 | #3 |
شـاعر
|
رد : بنت الوزير
هو فعلا كذلك يا غرم يا بو فالح نصك جميل ومميز مزيد من التالق اخوك الثامر |
11-12-2010, 16:16 | #4 | ||||
هول الليل/ شاعر
|
رد : بنت الوزير
إقتباس:
صح بدنك واعجز عن الرد على تعليقك |
||||
11-12-2010, 21:30 | #5 |
شــاعر
|
رد : بنت الوزير
هول الليل .. ابن العم يحيى ... تاكد انه كان لي الشرف بعبوري من هنا .. قصيده شامخه بشموخك .. صح الله نبضك وبوحك الصقيل .. لك التقدير والاحترام |
14-12-2010, 15:07 | #6 | |
هول الليل/ شاعر
|
رد : بنت الوزير
إقتباس:
زادني شرف مرورك اخوي الثامر لا عدمتك |
|
17-12-2010, 14:43 | #7 | |
هول الليل/ شاعر
|
رد : بنت الوزير
إقتباس:
هلابك ابن عمي والشرف لي طال عمرك صح بدنك ويسلم راسك لاعدمناك |
|
19-12-2010, 03:23 | #8 |
شـــاعرة
|
رد : بنت الوزير
يحيى ابن فالح ابن السريحه الاحمري حان الوقت يايحي ان نستبدل لقب هول الليل بالشاعر يحي ابن فالح الأحمري فوق لقب شاعر ونعم فيك اخوي وصح قلبك على جزالة القصيدة وعلى حضورك المشرّف كل الاحترام |
26-12-2010, 04:15 | #9 |
عضو شعبيات
|
رد : بنت الوزير
السلام عليكم ورحمة الله وبركاته .. القدير أبو فـآلح .. قصيده مبهره تستحق الإشاده .. لله درّك يارجل .. إمتاع حتى الإشباع .. مبدع وجزل .. عذب .. صح الله لسسسانك إلى مالا نهايه .. دمت برعاية الله |
27-12-2010, 17:10 | #10 | |
هول الليل/ شاعر
|
رد : بنت الوزير
إقتباس:
ونعم بحالك نوره العجمي وغيري براحتك والله يجملنا ويوفقنا ان نقدم ما يرقى الى مستوى هذا المنبر الشعري الكبير بكل طاقمه تحياتي |
|
27-12-2010, 19:47 | #11 |
شاعـر
|
رد : بنت الوزير
يحي الاحمري ..لا أستطيع أن أقول أكثر من إنها قصيدة دسمة ,, شكرا لك على هذا الابداع |
10-01-2011, 04:59 | #12 | |
هول الليل/ شاعر
|
رد : بنت الوزير
إقتباس:
صح بدنك اخوي فايز ابن مسفر اشكر على الاطراء الذي اتمنى اني استاهل لاعدمناك |
|
11-01-2011, 09:24 | #13 |
شـاعر
|
رد : بنت الوزير
الله الله نص يلامس السحاب وابعد لله درك ولاهنت |
21-01-2011, 23:21 | #14 | |
هول الليل/ شاعر
|
رد : بنت الوزير
إقتباس:
محمد جفال لاهنت بيض الله وجهك وشهادتك وسام لي قبل قصيدتي |
|
12-02-2011, 18:35 | #15 |
هول الليل/ شاعر
|
رد : بنت الوزير
لاهنت اخوي فهد مشكور على الاطرررررررراء ولا تهون |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
أدوات الموضوع | |
|
|
|