[مسفر الدوسري]

العزيزة جنة موصدة:

أولا: الإختلاف في الرأي أكيد ماراح يفسد للود قضيه ،تطمني.
ونرجع للموضوع،قبل كل شي خليني أتفق معاك جملة وتفصيل بخصوص العلاقة التكاملية بين الرجل والمرأة دائما،هذي نقطه أنا ما عندي عليها أي إعتراض،ولاحظي إنك تقولين تكامليه،ما قلتي متساويه،ولا متعادله!!!! ومهو بالضروره إن العلاقه التكامليه تكون علاقه منصفه.
الشي الثاني أنا لما تكلمت عن غباء الرجل ودهاء الأنثى،ما أقصد الإساءه لأي واحد فيهم،أنا أقصد بخصوص نقطه محدده وهي:أن الرجل مقتنع أنه هو اللي في الحب قوي وإن الأنثى هي الضعيفه. هذي النقطه تحديدا اللي أقول أن الرجل غبي إذا كان مقتنع بهذا الحقيقه،والمرأه داهيه اللي ساكته ومخليه الرجال "ينفش ريشه" على الفاضي!!يعني تفكيرها إستراتيجي ،وبعييييييد،مو مثل الرجال اللي حد تفكيره طول ريشه هاللحظه!!!
وعلشان ما تفهميني غلط بخصوص القوه والضعف أقول إن المقصود بالقوه مهو قوة الرجل في السيطره على المرأه أو العكس،لا ،أقصد قوة الرجل في السيطره على مشاعره وأحاسيسه،ضد تقلبات الحب،معظم الرجال فاهمين إنهم أقوياء في الحب،يعني الرجل ما يبين إنكساره،ولا يحاول يبين حرقة قلبه،وعيب أحد يشوف دموعه الهمّاله(على بطّاله)!لأنه ...قوي!! هذا اللي هو فاهمه ،يعني صاحبنا مسوي روحه "بباي"!!
وبخصوص دهاء المرأه ليش زعلانه؟! القرأن قال "إن كيدهن عظيم"!!
بعدين أقول لك الدراسه تقول الرجال لما يحب يقلّ عنده هالهرمون ويصير عرضة للجلطات والأزمات القلبية والسكري،تقولين بس الحريم ما يطلع لهم شعر بوجيههم ولا عضلات؟!!! يعني الرجال ممكن يطبّ ساكت ،وإنتي تحاتين الشعر؟!!!!!! لا حول ولا قوة إلا بالله....

تحيه عظيمه لعقلك،