لو كنت أبشره ما شرهت فـ ناس ما تسوى هلل
بس شرهتي في من غلاه النفس تقبل شرهته
لا والذي صور جمال عيونك و زاده ملل
إنّك سعادة من يحبّك وإنّك أجمل لـّـذته
وإنّي الا شفت الخطا كنّه على لساني شلل
صعبه أقول الي في قلبي وأصعب إني أكبته
وإن دمعتك في قلب من حبّك لها وقع ٍ جلل
من غبت عنّك ما عرفت ارضيه وأنهي سكتته
وإن قلت رايي بشي مو معناه كل وضعك خلل
إسئل حروف الأبجديه : وصفكم .. ما كفّــته
وأسئل خفوق ٍ وسط صدري ما يهديّه الكلل
يمكن اذا شافك يعلّم وش سبايب علّــته
أشره عليك . وعزة ٍ في النفس ما ترضى الزلل
لو كان غيرك ما شرهت ..ولاني قابل شــرهته