ماجداي الا انشد امي : ليه جـار الوقـت فيّه ؟
وليـه يايمـه انـا / بالـذات مـن بـد البـشـر ؟
وليش يمّه .. ولـدوا انـدادي بتسـع اشهـر وفيّـه
الا انا كنت الوحيد اللـي انولـد عاشـر شهـر؟!!
المطر..؟! وين المطر ؟! وعروش قلبـي جرهديـه
وليه يستسقـي يباسـي .. ريقـي يبـلّ النحـر؟
لامتـى بأعيـش وانـا اعالـج الكـيّـه بكـيّـه
لامتى وانا أعـرب الفرحـه : ( ضميـرٍ مستتـر)..؟
كيـف / يستثنـى المنـادى/ يالحـروف الابجديـه؟!
وكيف صار اسم الدحيمي / مبتدأ / ماله خبـر؟!
قالت امي : اغلب الظن إثـم .. والنيـه مطيّـه
قلت : كان الظن أثـم / وصـار يايمّـه .. أجـر
الله اقـوى .. كـلمّا جانـي الفـرح بالسامـريـه
جيت مثـل اللـي تذكـر غالـيٍ وسـط القبـر!