[منتهى القريش]

(جده غير)
ملامحها بدت تذبل
بدا إحساسها ينشل

قبل مده
عروس كانت
ويش اللي صار
وخلا الحال يتبدل

تشوه كل ما فيها
أغانيها .. أمانيها
زهور اللي انبتت فيها
رغم السيل
عطش ماتت
وصارت مو مثل أول

أحلام أطفالها الحلوين
غدت حسره
شي أقرب إلى التخمين
بنغرق؟ نحترق؟ بنعيش؟
نصير ابـ خانة التطنيش
نموت ابـ غصه نتحمل؟

ابـ عرس جده
مثل خطار مرينا
ولا شفنا صواني اشموع
شوارعنا غدت تابوت
نطيح ابـ حضنها ونموت
من اللي باق فرحتنا
وشوه وجهنا الأجمل

عرس منحوس يا جده
خطا منهو الذي يرده
من المسؤول
قدر ونقول؟
حرام نغوص في التفكير
من الجاني؟
حرام نفكر أو نسأل

يا جده .. شنهي أخبارك
عروسه والطهر عارك
وين الناس؟
وكيف أراوحهم تنداس
بلا تبرير
من نعاتب على التقصير؟
الله يذكرك بالخير
يوم كنتي .. عروسه غير
ويش اللي صار
غديتي اليوم
عروسه بالأسى ترفل

تحول عرسك الـ مأتم
فقدتي بـ الصفا أطفال
كانوا في مدارسهم
يبنوا من الحلم آمال
حفرتي في ملامحهم
درايش خوف
تفر أرواحهم منها
ولكنها ..
تضيع ابـ زحمة الشارع
ويموت النور
تصير المدرسه عتمه
وكل شي فيها يتبدل

قالوا ابـ نشرة الأخبار
تماس وصار
بدري!
خطا مدري
عمد مدري
نفذ صبري
باختصار
حياة الناس
عادي تصير
نبتة بالخطا تنداس
عادي اورودها تذبل

(صباح الموت يا جده)
صباح الحزن والعتمه
صباحك يغرق ابـ همه
قبل مده
كنتي غير يا جده
ويش اللي صار
وخلا الحال يتبدل؟