[@العطاويه@]

" مصافحة شعرية أولى أرجوا أن تنال إستحسانكم"

جيتك مشاعر صادقه نزف وإلهام=أسرج خيول الفكر وأشعل فتيله
جيتك (قضيه) حطمت قيد الأحكام=والصمت حكمة للقلوب العليله
جيتك حقيقة بعثرت زيف الأوهام=معناي صادق والمشاعر نبيله
جيتك وأنا في داخلي غربة أيتام=والليل موحش والأماني قتيله
جيتك وكني بالفضاء طير مقدام=قمة شموخي كل بارق تخيله
ماجيت أبرقى بالشعر صرح الإعلام=ولا جيت أبرر غايتي بالوسيله
قدمت شعري والثقة درع وحسام=باقة مشاعر كالورود الجميله
ولّبست شعري من معاناتي وسام=والحلم خطوة والمسافة طويله
غيم القوافي يسقي ورود الأحلام=وهتان فكري مثل وبل المخيله
ماهمني (ياهاجسي) كل لوام=دام التسامح للمبادي فضيله
الشعر يسمو بالمهابه والإقدام=والمجد ساسه بالجذور الأصيله
العز"طبع" للرجاجيل الأكرام=وأبوي تفخر به عموم القبيله
أغلا قصيدة بالورق بصمة إبهام=مضمونها السامي معاني جزيله

العطــاويه