تبخر البحر
حملني الي السماء
نثرت ما احمل من مطر هنا
لعلني ارتقي لمسامعكم
كـ ديمـه هلت ماطر
الشعر
قالوا بانك يابحر دوم غدار=رغم انك اللي يسقى الارض غيمه
صدرك تبخر من حمى الشمس واختار=يشيل دمعه بالسحاب ورزيمه
يمشي برحمة عالم غب الابحار=ويقول هلي واسقي ارض هشيمه
حتى تبدل ثوبها الارض نوار=وتشوف من نبت الخزامى صميمه
يابحر ياللي متخم كب الاسرار=لاتحترق الا ل ناس حشيمه
مادام صوتك يالبحر دش الاخطار=يحياك حر او موتته بك كريمه
يابحر لايابحر كم جاك بحار=وعجز يميز كيف تصبح غريمه
اصراره اصراره غشى الموج اصرار=لكنه اعلن بالعزيمه هزيمه
وجالك على الشاطي حزين و منهار=حتى بدا غدار اول شتيمه
لكن صوتك يابحر تو ما ثار=ولو ثار يقلبها على اهل النميمه
اللي يقولون انت يالبحر مكار=وانته تجازي قولهم هل ديمه
ومادامني ديمه نويت اقلب انكار=على المقال ان قال كلمه اليمه
شعور شعر هلته اااه الاشعار=وجبته لالي نادره ذات قيمـه
(لولو) (زمرد) (ماس) (ياقوت) احجار=لاكن يجب رابط اخرتها كريمه
جلبتها من غبة(ن) وسط محار=ماوصلته مها وهيفاء وريمـه
ديم ٍ ولي بالشعر يابحر مقدار=دام انت صدري لاتبخر عزيمه
يابحر لايابحر ماهو انت غدار=وش لون يغدار من عطاياه ديمه
يابحر ياللي بالسماء هل الاسرار=هل هو جزاء من هل ديمه ذميمه