22-02-2009, 20:15
|
#1
|
|
عضو شعبيات
|
قوس قزح
سمعت صوتچ ينادي وسكتت أشعاري
قوس وقزح وجهي وخبطة الوانــي
عصرت الروح فوگ الراح روحي تلوب
صرت اّني الضحيه وصرت أنا الجاني
سجين بحضرتچ وأطلب طلب مقبول
يصير اّني بسجن والحكم سجانــي ؟
اذن فيك الخصام تلوگلچ تفصـــال
اگطعيني أوافق ماني ندمــــاني
وسويني وصل ناديني واّني الجاي
سعيـا معجزات الكون عنوانــي
خليني بجبل وجهچ الي تذكـــار
خليني بسهل ماعندي شي ثانــي
ولان أنتي الوحيده دخلتي الروح
ولان انتي التهلهل بيچ أشجانـي
فرض رب العباد الصوم بس رمضان
واّني بحضرتچ وسنيني رمضانــي
وأذا غيري رسم محبوبه بين سطور
محبوبي رسمته أبّزة أردانــــي
گالتلي وداعا ماعرفت الحــــب
ولا أريد الرمادي يصير بركانـــي
مع تحيات 000000 وضاح
|
|
|