|
--- أمــــــــــي ---
السلام عليكم ورحمة الله وبركاته
أخواني .. أخواتي ...
أسعد الله جميع أوقاتكم ،،،
====================
فراق
اقترن
بعجز عن التعبير
مما أوجد هذا النص ....
إلى روحك الطاهرة يا أمي ………
++++++++++++++
في ليله مظلمه جتني ..
على غير الوعد جتني ..
تشيل الهم بيديها ..
وبقايا دموع تمحيها ..
دنت مني !!
تناظرني .. وتناظرني ..
وتتفحص يمين شمال ..
وشافت حال
غير الحال ..
شماغ ..
ومكتبه ..
وعقال ..
وقاعٍ أحتضن
معلاق …
وكوم أوراق …
بها لوعة هوى
وفراق …
وفي هاك الركن سجّت …
وكن الأرض بي رجّت …
ما أبيها تكشف أوراقي …
ما أبيها تنظر أشواقي …
ولا أبيها بعد تعرف
بأني ما وفيت بيوم
وأني الحارم المحروم …
ندهتلها …
أبيها تفارق السجّه …
ندهتلها …
وأنا ما أملك الحجّه …
وقلت : أهلين يا يمّه
تعالي زيحي الغمّه
تعالي قربي جنبي
أشوفك …
واشبعه شوفك
واقبّل باطن
كفوفك ،،،،
ندهتلها …
وندهتلها ……
ووندهتلها ………
وووندهتلها …………
وهي …
في غمرة السجّه
وتحتي الأرض مرتجّه …
وفي لحظه …
تلد بعينها صوبي
تقول : وليدي محبوبي …
تشوف الركن وهاك الرّف ؟!
ودفتر طاح جنبه ظرف ؟!
أبيك تجيب لي الدفتر
لجل تقراه سطرٍ سطر …
أبي أعرف ..
عن أسرارك …
واغوووووووووووووص
بغبة أغوارك …
واشوف إن كان لي
أوفيت
في ……
بوحك … وأشعارك ،،،
نكست الراس
واحنيته …
ودمع الموق
هلّيته …
وقلت بخاطري :
والله
أبد في يوم ما غبتي
سكنتي فيني وعشتي
ولو قلتي : أنا ما احس
بقول : ياليت ما رحتي …
وقلت ..
وقلت …
ومهما قلت …
رضاها ما بعد
قد نلت …
وراحت والمحتني بعين
وقالت يا بعد هالعين …
شوف الظرف فوق الرّف !!
أبي تقراه حرفٍ حرف !! …
وجيته …
آآآآآآه جيته …
والفكر محتار …
وأقول بخاطري بقراه
ولو بيصير ……… ومهما صار ……
فتحته ..
وارتعش جسمي !!
لقيت أمي .. فديت أمي …
تقول : ألحين
لك عشرين …
وعمرك خمسه وعشرين …
ولا عمرك وأنا أمك
في يوم من العمر
قد مر …
تذكّرته ……
غــــلا أمـــك !! ،،،،،
اخوكم
محمد بن حزام
|