[مقدور]

الجازي الله يجزاك بالجنه يارب انتي وجميع من شاركنا بهالموضوع

طبعا الكل يعرف ان العين حق لكن بعض الناس الله يهدينا وياه يصير فيه خوف من العين الى حدود ماتتصور فتلقاء عياله خطر الى جاء يطلع بهم يحطهم بتجوري
وطبعا الحريم الى جاء العروس حدث ولا حرج لو ينكسر الكعب مع المناقز قلت بس هذي عين الي يناظروني وغايرين

خل بنطلع من هالسالفه طبعا المضحك في بعض سوالف الي ينظلون هو دقة التشبيه اذكر يسولفون بشياب جالسين في مشرق ( وطبعا هذا من اخطار الاوضاع انك تمر من عندهم مسرع والى تطق بوري لانك ان سلمت من العين ماسلمت من التلعين ) والا هاك الاسعاف الي جاي طاير يسمعون وحيف هالفان والشوف لك عليه بعد وينشد واحد منهم شايب ثاني والمقصد طبعا من النشده انه يكيل البندق قال تكف يابو فلان وش هالي مقبل قال عسى هالي مطبق ويومي بشماغه ابد يقولون ماخذوو الى يسمعون اوووووووووو ( صوت طفيه السفتي )


وبعضهم يتفنن بالنظل ويقولون انه يراهن عليها
الوكاد يقولون هاك الحبيب وطاح له بدعله يقولون معاد يفارق بيته ابد فطور غداء عشاء مقيال يالله يطلع ينام في بيته هالاجودي تحمل يوم شهر شهرين يوم انه بدت تطق نفسه وتغير معاد به الي يضحك وارتبط مع هالنشبه المهم ويلقاه واحد من جماعة المسجد عقب الفجر قاله ماش يابو فلان منتب على خبري لك كم يوم ووجهك متغير قال ابدا مهنا شي المهم عقب التلزيم علمه بموضوع رفيقه قال بس نم عنه بكره تسمع خبره المهم ويقعد يترجاه انه مايحط الرميه بين عيونه خخخخخ قال طيب صخونه تقعده قال لا يرجال خله وانا بتحمل والشكوى لله قال هالنظول اجل بس خله ودواه عندي المهم يقول راحت الايام وفقد الرجال خويه هالنشبه يوم يومين يوم خذ شهر قال اكيد ان الرجال فيه شي خل ابمره يووم مره
ويقعد ينشده قال والله لو ابعلمك وش الي قطعني عنك تنك ماتصدق قال قل ومصدقك
قل تصدق ان لي الحين شهر ابترم في حارتكم وعجزت ادل بيتك هههههههههههههههههههه اعجبني بهالنظله تحس فيها حكمه ودهاء