عزيزة !
وأكثر جروحي عزيزة ..
وأكثر دموعي على فقدك عزيزة ..
وأكثر أيام الفراق اللي فتك فيني . عزيزة !
ما دريتي !
ما بقى غير الرسايل ..
زحمة أوراق وبراءة حبر سايل !
وأغنيات ..
يا ما .. تبادلنا مشاعرها بسكات ..
يا ما .. بكينا يوم غنتها الحياة ..
في موقف ٍ عابر ..
كانت
عزيزة !
ذكرتني يوم أخايل ..
دمعتك يوم أزعلك وإنتي تصيحين وعلى خدك ملامح كحل سايل
كنتي ألطف ماخلق ربي ..
تصيحين !
وتغطين الدموع بضحكتك .. ماودك العالم تعرف إنك بكيتي !
لأن أحاسيسك عزيزة
والدموع اللي ذرفتيها عزيزة ..
والحكايات التي ضاقت على صدرك .. عزيزة
يا عزيزة !
كنت أقول إن الزعل أقسى من أوجاع الفراق !
كنت ما اعرف الفراق !
كنت غارق في بحر قصة عشق ..
غارق مع طفلة تعرف العوم لا منّه بغت تبعد .. وجت تبعد !
وراحت ..
بالحياة ..
أو بالخيال اللي صنع لي هالحياة !
إكتشفت :
إن "الهوى" كلمة تبادلها ملايين الخلايق ..
وما عرف وش تعني .. الا عاشق ٍ حب .. وهوى
في وادي الحزن العميق !
وإنتشر دم المفارق
في عروق اليوم والساعة ودقات الثواني ..
في حياته
وكان صادق !!
كان ودي ..
يقترب خدك لخدي .. وأحضنك !
يمكن أقدر ..
لو أكفر عن تعدي !
كان واضح من سواليفي معك ..
يا عزيزة ..
وأدري جروحك عزيزة .
وأدري دموعك على جرحي عزيزة
وأدري أيام الغرام اللي عطيتيني .. عزيزة !
إذكريني ..
لو صحيح إنك نويتي تتركيني !
وبكذا ..
أنهي معك آخر مشاوير الغرام !
بصفحة بيضاء
بدايتها سلام !
وآخر ملامحها وداع بلا كلام
بصدق بصدق بصدق
وبكل الصدق ..!
هذا النص أخرسني .. واخرس كل من حوله ..
زياد بن فهد يقول .. صمت يغزو المكان ..!
نعم ياعبدالله ..
فمثل هذا الجنون الجنون كل الكلام
في حضرته .. صمت ..!
سكوووت ياكلام أمام هذا النص ..!
مره أخرى أقولها ..
بصدق وبكل الصدق ..
أجمل نص تفعيله قرأته في حياتي ..!
هذا هو الشعر ..
مجرم أنت ياعبدالله !
ما دريتي !
ما بقى غير الرسايل ..
زحمة أوراق وبراءة حبر سايل !
وأغنيات ..
يا ما .. تبادلنا مشاعرها بسكات ..
يا ما .. بكينا يوم غنتها الحياة ..
في موقف ٍ عابر ..
كانت
عزيزة !
وبكذا ..
أنهي معك آخر مشاوير الغرام !
بصفحة بيضاء
بدايتها سلام !
وآخر ملامحها وداع بلا كلام
.