اسعد الله اوقاتكم بكل خير
.
.
ان تركتك هم وان جيتك مصيبه = شوكة بالحلق .. ومطول بلاها
وهينه فرقاك لو كانت صعيبه = البلا فرقاك .. وش جرت وراها
بعد جرحك مابقت حاجه غريبه = مستحيلات الزمن عندي لغاها
ولا يغرك من تقفاني .. بغيبه = نعمة جتني .. وعند الله جزاهاا
شفني بعينه اليامن جيت هيبه = ما يكمل .. سالفة اللي بداها
لاتحسب الصمت من دافع غليبه = نوب يمنعني عن الكلمه .. رداها
اسألك بالله جرحي وش تبي به = دام مامن غلطة .. قلبي جناها
اقتفيت الجرح وبحشمه وطيبه = والردي لا فارق العشره هجاها
ومن يبي يلحق هوا نفسه تعيبه = والعلوم الطيبه .. تاخذ صداها
مارحل به من خفوقي طول غيبه = كل ماطال الجفاء يكثر غلاها
غاصب نفسي على الفرقا غصيبه = يوم باعت عزتي .. قلبي شراها
المحبه .. طالما .. صرتي حبيبه = ياتجيني كلها .. والا .. بلاهاا
الحصان يثيره مخاشر نصيبه = قسمة ٍ مرت على الثور ورضاها