إقتباس »
الرسالة الأصلية كتبت بواسطة خلف ضحوي 
يا هجوس القصايد ليه نبقى بحيرة؟!=سيرة العشق توّه قام يدْرج عجلها
صايم العام الأول والليال الأخيرة=بيَّن اهلالها يا الله تجمل عملها
غافلة والمغفَّل دَرْعَم بخط سيرة=ما حسب لا علو اجبالها أو سهلها
وارهبه يا عباد الله ظلمة سفيرة=لبة ٍ يا هني اللي رشف من عسلها
كنها يا صلاة الله عنود ٍ غريرة=تقصر أم الغزيل مع قصيد ٍ شهلها
شفت واااجد ولكن مثل هذي خطيرة=تُورد المصلحين وثم تقطع أملها
ليت من هو تعلَّق لو بقشة شعيرة=ما وقف مثل حالي حاير ٍ ما وصلها
التقدم تخاذل ، والتراجع سعيرة=وبين هذي وهذي قام يرغي جملها
عقب هاك الهدير اليوم ينخى أميرة=يا أميرة بعد حيي ومن هو نزلها
وصليني طيابت كبدي المستديرة=يا بعد من رفع ضغطي وكبدي دبلها
رائع اخوي خلف وشعرك له رونق وسحر خاص ويخرج منه المتلقي فائده
وهنا يقاس الشاعر الحقيقي وهذا هو المحك
صح لسانك ودام بوحك
تحياتي 00