حبك بقلبي يااريش العين مزروع***محبتك كلٍ بعيني قراها
فتحت لك قلبٍ عن الغير ممنــوع***وملكت روحٍ ذرّتك في ذراها
وهرج العواذل فيك مهوب مسموع***وانا العواذل دايم العن ثواها
واهل الهوى مابين لايع ومليوع***ونفسي جفاك اليوم سبّة عناها
بيت المحبّه عنّه النور مقطوع***والدار عقبك شان واظلم سماها
ضميان في حبّك وذابحني الجوع***والكبد طول البعد زوّد ضماها
ليلي هواجيس ومنامي على الكوع***والعين لاجا الليل جاها بلاها
عينٍ نظرها لو تبي جاك مدفوع***لاواحسافه صار صدّك جزاها
يكفي جفا..يكفي تجاريح ودموع***اظن نفسي جالها ماكفاها
=========================
وش اخذ وش اخلي القصيده كلها دره
اخوي ساري الليل والله ان قلت شاعر محاوره فانت شاعر محاوره متمكن وان قلت نظم ماشالله عليك ماخليت شي نظمك رائع
اهنيك على هالتميز والله يعطيك العافيه
تحياتي وصح لسانك يالغالي
