وعد
وعد..أن جيت لأشعل لك من حروف الشعر قنديل=تونّس به وليا هـبّ الشمالـي يرقـص ضلالـك
وعد..أن جيت لأكتب لك الصبح بنصّ نَص الليـل=وأوريك التعب وآخـر وقوفـي وأسـأل أطلالـك
وعد..أن جيت ماتضمى وأنا لعينك..أصيـر النيـل=تخـاف الـمـوت..لاوالله فــال الله ولافـالـك
وعد..لأمطرك من غيمة سمايه يابكـور السيـل=غديـرٍ لـذة الدنيـا ..وزينتهـا علـى جـالـك
وعد..أن جيت لأقرا لك على الحاسد(أصحاب الفيل)=ياقلت:اللي على خدك ..وقلت(الحُب)مـن خالـك
وعد..ماتبـرد كفوفك..ولاترمـح وراك الخـيـل=ومحمي من الشتا وغير الشتـا ولا علـى بالـك
وعد..أن جيت لأوصلّ قصيدي من هنـا لسهيـل=تقـول الله ياأقوالك..وأقـول الله يـقـوى لــك