|
رد : روح الـرمل..!
أنثى بطعم التفاح
ــــــــــ
خمسة/5...مقاطع من قصيدة
لم و..لن تكتمل/الاهداء: لهــــا.
(1):
الموعد: الأحّد./بجانب كرسي عم حسين
الساعة: من (5) الى آخر هدب(9)..و..(6) قل50)!
الحجّة: ملهوفين..وياكثر التعب في الناس/وياكثر البكا
في العين!
(2):
.................................................. ...
.................................................. ...
.................................................. ...
.................................................. ...
..................................( وأخـــلــفـت)..!
(3):
و..طارت من(ثمان)سنين
حمامة (حلم موعدنا)
وكبر طفل الورق..واحنا
الى هالحين....مو احنا
تعبت اوّزع التنهيد على
بيبان حارتنا.
ابَعرف هو انا : ويني
من الموعد الى هالحين
عســـــانــي بخـــــــير؟!
عسىما....مت؟!
عسى وجهي بقى وجهي؟!
عسى شيبي بقى له سنين؟
عساها....
عساها مانست تترك بعضها:
جنب عم حســين؟!!!
(4):
ثمان سنين ...والكرسي
يسولف لي ..عن الجـلاّس:
ـ شف أحمد ان جلس ماقام
ـ ونورة ليـــتها...تجلس
ـ وعادل طيّب ولكن!!
وانا ساااااااهي واتمتم بي:
عساها بخير؟!
عسى للحين تذكرني؟
عسى للحين تبني لي
كذا كل ليلة بيديها:
وطن مسك
ووطن عنبر
عسى للحينها تزعل
اذا صوتها اختها
اعتلى/نــادى: عسااااااك بخير؟!!
وانا
وانا ساااااااهي!!
(5):
ياعم حسين
ياعم حسين
ياعم حسين..(تــكفى اسمع)!
الأحّد
ماوقف جنــبك(غصن من نـــور)؟!
الأحّد
مانبت حولك:وطن/عصفور ؟!
ياعم حسين
اخاف الكرسي اتحّرك؟
اخاف الكرسي اتبّدل؟
ياعم حسين..(تكفى اسمع)!
الأحّد...ماسأل عني (أحد)؟!!!
ياعم حسين
انا
انا ادري بك من الـــ (70)
وانت الجــــار والمجـــــرور
وانت الثــــــابت المكسور
وانت المخلص اللي من على
ظهره ...تعيش طيـــــــور!!
ياعم حسين...الأحّد
أظنّك غبت؟!!
أظنّك رحت؟!
طيب مـــت؟!!
ياعم حسين:
بعدها
وش بقى للما يسولف
عن بلاد الملح؟
بعدها
وش بقى للجوع
يسولف عن خصر محروم؟
بعدها
وش بقى للكرسي
يسولف عن: ثمان سنين
يسولف عن: ثمان سنين
يسولف عن: ثمان سنين
... ... ... ... ...
ياعم حسين تكفى اسمع)!
ي ا عـ م حسين :مااات عم حسين!!
اخر تعديل كان بواسطة » حابس المشعل في يوم » 27-04-2005 عند الساعة » 02:07.
|