إقتباس »الرسالة الأصلية كتبت بواسطة نجلاء الشريف ((وطــــن ومـــــداد)) تهييّ ياهجوسي للنوادر .. والأمور تزين ولا يرضي غرورك غير عذب الشعر وجزاله ذلولي ياذلولي .. درهمي ياقصيرة الإذنين مجاره من ردي الفال .. ياام خزام وشماله تهادي للمسير .. وطرقتك في مفرق الليلين على ماجمل الله درهمي .. والقوم جمّاله ترى رزّ البيارق شرهته عـ السيف ابو حدين واذا للنار شبّابه .. ترى للهرج نقاله وطن .. يسعد مدادك لا انت لابيعه ولا توطين ولا ساموك بالهجره ولا التهجير دلالّه وطن.. وش ياخذ المنفى من بيوت الحجر والطين ؟ وطن .. وش تنثر الغربه بشدّاده ونزّاله ؟ حن اهل العز والقاله .. حن النخله حن السيفين بشرع الله ودستوره .. حن اهل العز والقاله وطن .. من يحسدك ينعق على راسه غراب البين ويضوي مثل مهبول ٍ .. قطع يمناه بشماله بما معناه .. لو شهّر بعينه فيك خاسي عين يجي لترابك الطاهر وصدق الإنتتماء .. حاله كذا .. نلتف حولك كلبونا مثل سور الصين وكلن يفتخر لامات من دونك حدا عياله وطن .. لا ماتخلينا الروابع فيك مرتابين ونبرا من هل التكفير .. والدجال واقواله على منهج ( معزي ) عزّنا الله في حماة الدين عيال العود اخو نور ه هل المجد .. وهل الطاله حبانا الله وكرمنا بشيخٍ ٍ .. مامعه ثنتين ابو متعب وحنا في كنف بشته .. وبظلاله ملكنا .. عزّنا .. فخر العروبه خادم البيتين فدى ميلة عقاله .. كل راسٍ ميّل عقاله سعوديين .. نفخر كلما قلنا سعوديين وبالله ثم ابو متعب .. حن اهل العزّ والقاله محمد الدحيمي قصيدة في غاية الروعة والجمال شاعرنا العظيم أبدعت وكفيت ووفيت حضورك على المسرح قويا ً وإلقائك أقوى .. وأقوى فأنت تتلاعب بألالفاظ وتنسجها وتلقي بالحرف لتولد كلمة تخطف العقل !! (( فأنت صنعت ملحمة للوطن )) ولكن سبحان الله برأيي ورأي الجميع أنك لم تُنصف ولم تنال حقك في تقييم اللجنة محبيك وجمهورك ومتابعيك الذين أذهلتهم بحضورك لسان حالهم وقلوبهم تردد ... صح لسانك يامبدع ولاهنت أختي نجلاء تسلمين على موضوعك وطرحك لقصيدة شاعرنا الدحيمي