{مدخل للعبث}
.
.
تعال رتبني..!
من ادنياي .. لأقصاي
يا اجمل سواليفي
ويا *ضحكة شفاي*
كل السنين تمر
وانت الحلو .. والمر
يا اصدق اشواقي
لو طالت المدّه
عطرك ترى باقي
في كل ركن ..
بـ ( جــــده )!
يا اغنية طفله !
تلعب مع الأطفال !
تختال في الحفلة
وتغني الموّال
وتحب صوت الناي !!!
,
الله كم طيف .. من نومي يفززني
..............................والله كم آهةٍ بالصدر تبراني
والعمر .. عشق ٍ جمع عيني مع حزني
........................مادري من اللي خذا الثاني من الثاني
يا شوقي اللي من اقصى الجوف ينهزني
.........................كنك على ستر وجهي حالف ايماني!!؟
والصبر عن لهفتي ماهوب معجزني
.........................ماهوب معجزني الاّ .. قلبٍ اناني
علمني اكره عذولٍ فيك ينغزني
..........................وعلمني احب من حبك علشاني
والشوق جمرٍ على فرقاك يخبزني
....................لين احترق فيك وافقد كل وجداني
في وسط صدري ربيعك.. يستقي مزني
...................والا منامك هنا! في نون الأعياني
يافرحة الروح تدري وش ملعوزني!!؟
....................ومشتت الفكر من منفاي , لأوطاني !
لاغبت !! مافيه حزنٍ يشبه لحزني!!؟
.........................الله كم اهة ٍ في الصدر تبراني!!
,
{مخرج للطيش }
مدري هو العيب في هــ الوقت او فيني؟!
عييّت لاكبر .. وعيّيت أنظر لحالي
لازلت حتى وانا .. في نص عشريني
طفلة تشيطن وتلعب بين الأطفالي!!
نجلاء الشريف