السلام عليكم ورحمة الله وبركاته
اليكم نبضي..
أن كان تنشدني وش العلم ياسعيد
يوم إن قلبي كل ربعــه نساهم
شفت الطروش اللي سروا ثالث العيد
قلـــبي شلع ياصاحبي وإقتفاهم
حاولت فيهم هـودوا ياالإجاويد
تكفـون أقيموا بس يوم إنتفاهم
راحوا ومعهم ياعرب باشة الغيد
ماحدٍ بلايمـني لو أعدي وراهم
ودي بهم مير إهجدوا يامقـاريد
وهم ودهم مير إن ابوهم عصاهم
من عقبهم جفن إعذاب المواريد
ولاعـاد ليه شف في غير ماهم
العام أقاموا عشرة أيام وتزيد
لكن ربي هالسنه ماهـداهم
وسلامتكم...