[فهد الغبين]

هذا المساء له لون غير المساء ..أمس
مساء ..يشبه ..زول ابويه ..اذا قـــــام

طويل ..لكن ناقصــه ..ياملا شمس
اللي ( أهم ) غروبها ..احرف الهام

يا بحر..غرقني ..غيا ..كافي الغمس
ماعادبي ..حيل على مس ..الاحلام

خلى الجهات الاربعة تنقلب ..خمـس
واخلف مكان اهل اليمن عن هل الشام

مجنون ترجم واقعـة ..والرؤى لمس
ماحل ..من لمسه ..سوى ..حارم ..قام

كنه ..بقايا (بــن) ومعتق ٍ ..حـــمس
في دلة ٍ ..مارفعت لضيف ..من عام

يا عمس ..قم بشويش ..ما عاد به عمس
ما للرضى ..في عالــــم المال ..منلام

الشعر ..ومداد الالم ..لو لفن ..نمس
ماكان صايم ..ماضي الوقت قد صام

بعض البشر ..تفهم كذا ..هالحكي رمس
وبعض البشر ..بفهامها ..تخلف أفهام

تاريخ (فارغ) والمدا ..قولته ..أمس
واهو ..!من أول أمس ..كذاب ما نام

بدا ..يلامس رغبته ..غاوي ٍ ..همس
والناس ..ماتقرا ..سوى خط الاقلام

والمد ..حبر من الارق ..رق للطمس
واستوقفه ..سيف الرقابه ..ولا ..شام

شاعر ..شعوره ترجمـه ..لييه هالحمس
دام الدلال مبهــــره ..بــ اول ..العام