الحمد لله ..والشكر..والثنا له=الواحد المعبود.. رب الجلاله.
ربي..ورب ابائي الاولينا=الحمد له..والشكر له..والثنا له.
واطيب صلاة الله على اخير خلقه=محمد المبعوث بالدين..واله.
أما بعد: والشعر ناموس شاعر=يعطيه.. من عطى الرسول الرساله.
وانا اتنومس به..ولا يرخص الا=ان كان ترخص نفسي..وذي استحاله.
واشوف به مالا يشوفون غيري=وادخل لاحاسيس البشر.. من خلاله.
واسخْره في وصف من يستحقه=واحد .. وحكام الدول في ظلاله.
من رحمته كنه.. وحن من حواليه=هداج تيما .. لي شكينا الظما له.
ارحم ملوك الارض..واللي يحكمون=باب السلام..ونور وجه العداله.
ستر اليتامى..والضعوف المخلْين=واللي شكى ظيم الليالي.. لحاله.
واحْدْ من الاجرب على اللى يعادون=دين الله..من اهل الكفر والضلاله.
ماتاخذه في الحق..لومة هل اللوم=حتى ولو كان الخطا.. من عياله.
والشعب من دونه.. لو يجيه مكروه=يرخص له اطرفهم..حلاله وماله.
صورة تلاحم .. بين حاكم وشعبه=طال الزمن ولا قصر.. كلنا له.
لانه ملكنا..وامتلكنا بطيبه=ونعاهد الله بالولا..والولا له.