نعم هي أحلى ظالمه
فظلمها رائع مثل رقتها
ولكن الزمان .. والمكان
هما من ربتا على كتفها وقالا لها ... ( تلبسينا )
دون أدنى مسؤلية منها
لذلك أصبحت
( أحلى ظالمـــــه )
====================
===============
===========
======
رحلتي .. جعلها سفره سعيده
رحلتي .. وأبتدت صفحه جديده
صفحه بيضا ناصعه
فيها حكي
وفيها حروف(ن) ضايعه
متباعده .. متعانده
كلمه .. بأخرها تكون
وكلمه .. على الباقي تمون
وكلمه من الفرحه ... مليانه شجون
وكلمه من الحسره ... غرقانه طعون
وش ذا الجنون ... وش ذا الفنون
لازم أجاريها بقهر
لازم .. وبحسره وألم
أمشي عليها بالنظر
وبعد النظر
أبصم وأوقع من تحت
راح أنتظر
طول العمر .. راح أنتظر
مايكفي هالبعد القديم
يطلع لنا بعد(ن) جديد
بعد(ن) سقا قلبي الأليم
حزن ودموع(ن) كالصديد
وش بستفيد ؟؟ وش من جديد ؟؟
غير الشقا والشوق هم بس لي عضيد
كلمه وحده ... حالمه
متردده .. متفاهمه
دعوه للي مدّها .. وخلاها تبعد سالمه
يردها .. ويمدها بعمر(ن) يلاطف عالمه
وتكون لي وقتها
.
.
.
.
أحلى ظالمه