[بندر بن محيا]

.
يخرجون مْن المقاهي وانا جالس
يُهزمون من المعارك وانا فارس!
ويتثنى خصر ليل وقد شمس
وكنت واقف لـ انتظارك!
ونصفي لنصفي ندهني:
أجلس أوقف
أجلس أوقف
أجلس أوقف
لاتناظر عن يمينك
فيه حاسد عن يسارك!
و أنتِ في عيونك: كراسي
كنت فيها العب مع الذكرى وصمتي والمدى:
لعبة كراسي!
وآهـ منك وآهـ مني
قلت وانت تطالع جراحي...
قلت وإلاّ كنت ساكت!
ايوه ايوه..كنت ساكت
وكنت انا اتكلّم لوحدي
مو مهم!
أفرض اني
واجتمع صوتي وانا طالع لـ برّى!
واختفيت لوحدي امشي
امشي
امشي امشي
امشي امشي امشي
امشي امشي امشي امشي
وانا جالس!
ليه دايم يرتبط تفكيرنا بالمشي ولْهاث الخطاوي!
اآء
ايوه ايوه
:تشبه الافكار أسراب النوارس
والعقل: الجناح
والتنحنح ريش
والتفكر: رفرفة فالغيم
ولسّى جالس
واختفيت وكنت وحدي
وادخل يديني بمخباتي، ملل ماادري فراغ!
كان في المخبا: دموع ٍ بيْض ..وحفنة من دراهم
مع بكت أبيض وصورة
وكانت الصورة: جريئة!
كانت أسود فـ أبيض وأكثر!
وقلت ابا آقف!
وصرت واقف لـ انتظارك!
ونصفي لنصفي ندهني:
أجلس أوقف
أجلس أوقف
أجلس أوقف
لاتناظر عن يمينك
فيه عاذل عن يسارك!
و أنت في عيونك: كراسي
كنت فيها العب مع الذكرى وصمتي والمدى:
لعبة كراسي!
.
.

وكنت امارس كل هذا!!
فــ شهر مارس!!