اسمحوا لي ان اطرح بين ايديكم هذه المفرده
وهي اول بداياتي عسى ان تنال الشيء القليل من استحسانكم
ولامانع من طرح نقدكم الذي يترك في نفسي الشيء الكثير
لأصل الى القليل الى ماوصلتكم اليه .. ومنكم نتعلم استاذتي الكرااام ،،
/
/
/
/
مهرتـن يانـاس سحرنـي حسنهـا "=" ناظرتني بعين منهـا الكحـل سـال
صدفتـن مـريـت ولاأدري عنـهـا "=" وصرت أحس ان قلبي صوبهـا مـال
وقفـت أنـا وينـي وهـي وينـهـا "=" وقلت سبحان ربن كساهـا بالجمـال
فجـأه جـات عينـي وسـط عينهـا "=" وصرت اهوجس انا بحلـم او خيـال
تركتنـي وسـارت ياعـرب كنـهـا "=" في مشيها في رشاقتها كنهـا غـزال
تمشي بخفه ومشيتها علـى هونهـا "=" ومابه أثر ياعـرب لصـوت النعـال
مشيت وفكري اظنـه ينـاس انتهـا "=" كنـي فاقـد الذاكـره سنيـن طـوال
نسيت كل الـدروس اللـي تعلمتهـا "=" ونسيت انا حتى اليمين من الشمـال
لاقدرت انساهـا ولاانسـى شكلهـا "="ووجهها الفتـان دايـم علـى البـال
هـي خـذت قلبـي اسيـر بسجنهـا "=" وربطت عقلي معهـا بقيـود وحبـال
في يوم وليله خذت احساسي عندهـا "=" وحطت قلبي معهـا بقيـود وحبـال
وحكمت بالقصاص لأحساسي لأنهـا "=" تبغى تتسلى بشوفـة الـدم لاسـال
مريت انا صدفه عساي القـا المهـا "=" اللي ذبحني وتركني علـى هالحـال
فجأه لقيت اللـي ذبحتنـي طعونهـا "=" لازال الحـلا والجمـال فيهـا لازاااال
ياشين هالدنيـا ومافيهـا ياشينهـا "=" رجلي وقفت وعن المشي ماعاد احتال
لون القمر هو ماخـذن مـن لونهـا "=" وزينت خدهـا الايمـن حبـة الخـال
قامـت تناظرنـي وانـا انظـر لهـا "=" وثم همست وقـال ياعمـري تعـال
قمت اذكر الله وهـي تناظـر حولهـا "=" وقالت وقوفك يافـارس تـرى طـال
نويت ارفض وخفـت يخيـب ظنهـا "=" ودي أقـول اخـاف القيـل والقـال
فهمت قصـدي مـع صغـر سنهـا "=" قالت لي انت خايف من هرج عـذال
حركت راسـي وانـا اناظـر فمهـا "=" وهي تتكلم وقلبـي يشعـل اشعـال
قلـت فـي نفسـي ياقلبـي قلـهـا "=" اني اسهر افكر فيهـا طـول الليـال
سألتهـا عـن حالهـا ووش لونهـا "=" وسالتها عن اسمها ورقـم الجـوال
وقمت اسألهـا عـن امـور تهمهـا "=" ثم مسكت يـدي وماعطتنـي مجـال
يديني ترتجف ياعـرب فـي ايدينهـا "=" قالت لاتخاف اصبـر يابـن الحـلال
قمت اتذكر كل لحظـه مـن دونهـا "=" ارجف وأذكر الله فـي كـل الاحـوال
يوم قربت مني مـدري وش قصدهـا "=" سبقتني الوالده وقالت اصحوا ياعيـال
وقمت من النـوم وانـا ادور حينهـا "=" عن المهره وأتلفـت يميـن وشمـال
وقمت اتعوذ من ابليس فـي وقتهـا "=" واذكر ربي خالق السماوات والجبـال
لاعلمتني منهي ولاقالت لي اسمهـا "=" ولاعطتنـي رقمهـا ولاشـي يقـال
اشهد نها عجيبـه فـي يـوم انهـا "=" تركت جسمي ينتفض بكحلها القتـال
قررت اسـألأ عنهـا وعـن أهلهـا "=" عند كل عـراف وعنـد كـل دجـال
قالوا عجيب حلمـك باقـي ماانتهـا "=" دور عليها اذا انت طامـع بالوصـال
رحت انـا لشيـوخ المساجـد كلهـا "=" قالوا مريـض وفيـك حالـة خبـال
قلـت ابرقـد عسـاي أحلـم بـهـا "=" واشوفها واضيع معها بعالم الاهـوال