شعبيات - مشاهدة مشاركة بصفحة مستقلة

الجازي · 11-04-2008, 20:34

إقتباس:

الرسالة الأصلية كتبت بواسطة مسفر الدوسري

نص جديد أتمنى ان يرتقي لذائقتكم،وأن يترك بعض الماء في ذلك القلب حتى لا يعتاد الجفاف!


	يعني بس.. معاد تبيني؟! يعني عزّمت بتقفّل الصباح بوجه قلبي وتِظلم الدنيا في عيني؟! يعني بس.. معاد يهمّك شوق قلبي رفّة جفوني عليك لا تمنّيتك تجيني؟! لا ولا حتى مشاريه الظما.. يا الغيم..فيني؟! يعني عزّمت بتروح؟! يعني أَنسى إنك إنت كنت لي أجمل حبيب تمتلي روحي معاه ويحتويني؟! يعني أنسى ضحكتك نعناع كلامك دافي أنفاسك في صدري رقّتك والتفاصيل اللي نمَت.. بينك وبيني؟! يعني أنسى كل هذا وبس أصدّق إنك إنت ..معاد تبيني؟! ولو فرضت إني رضيت.. باللي تبيه قللي .. وين بس أودّي. لهفتي .. وشوقي.. وحنيني؟! من قبل لا تروح قللي وين أودّي ..صوتك اللي من كثر مانا عشقته صار عندي أغلى من أغلى سنيني؟! وين أودي وجهك اللي لا تخيلّته أصير مرفا.. تسكني النوارس ويمتلي بالعشب..طيني؟! وين أودي كل فرحه كانت بحبك معاك طرزّتْني بالنجوم من بقايا خطوتي.. لآخر هلال بجبيني؟! قللي يا جنّة عيوني وين اودّي .. كل هداياك الثمينه واللي غَرّقْت بشذاها ياسميني؟! الرسايل والعطور ولاّ حتى ساعتك واللي صارت كنّها.. من بعض ايديني؟! وين أودّي كل هذا لو مشيت وقلتلي.. إنك خلاص.. معاد تبيني؟!! ما اتخيل .. قلبي من غيرك ..ولا.. أقدر أحس.. طعم الاغاني ولا في توت الاماني.. ولا حتى بفرحتي لا .. ولا بقاسي أنيني! ياحبيبي.. ما اتخيلني بدونك وما اتخيل.. شي فالدنيا ..يبيني!

محبتي لكم،

مع كل الحزن في هذا المتصفح ..
الاَ إن النص ينطبق عليه مطلع أغنية كاظم الساهر .. ( كلك على بعض حلو )
لا نتخيل مواسم بدونك ياشاعرنا المبدع ..
تغمرنا بكل ألوان الطيف ..
معك نحلّق وبك نرتقي ..

محبتنا لك ..
ولاحرمنا الله هذا التواجد المختلف جداً ..