|
ماجيت انا يـوم اكتبـك لاجـل اجاملـك
مثلي تـرى ماهـو بحاجـه .. يجامـل
مادمت في حكم الهوى .. ماخـذ الملـك
لـولا مخافـة ربنـا .. قلـت .. كامـل
مانيب اجامل يوم انـا قلـت : مااْجملـك
ينبت من الصفحه .. خفـوق .. وأنامـل
الشعر .. والطاري .. وانا .. مانتحمّلـك
صعبه نجيك ومابنـا شخـص .. ثامـل
والليل .. شافك .. وارتمى عند مخملـك
وخـلا ّ نجومـه بالسمـاوات ارامــل
حوّل معـاه الغيـم مـن شـان يحملـك
والارض عيّت لكـن الغيـم .. صامـل
دام الدلع من صغـر سنـك .. مزاملـك
عـز الله انـه عـارف ٍ مـن يـزامـل
انشهـد ان الزيـن .. ماهـوب شاملـك
انت الذي للزيـن .. بالزيـن .. شامـل
يامدرسـه للحـب .. مااْطهـر تعاملـك
خـل الحبايـب يـدرسـون التعـامـل
لاتحسب اني يومـك اقفيـت .. مهملـك
الكـون كلـه يومـك اقفيـت .. خامـل
وان جيت انا لاجل اوصفك .. ليه اجاملك
عامـل مثـل مَ تحـب غيـرك يعامـل
كل الوجود بشوفتـك قـال : مااْجملـك
معقـول يعنـي كـل الاشيـا تجامـل ؟
الغااالي / نواف
هذه العملاقة ..
تقول لنا .. بأن الشعر ما زال بـ 1000 خير
دمت ودام تألقك وإبداعك
وتقبل تحياتي
|