[صالح العبدالكريم]

بكيت فجأه والبكا فجأه من افضع ما يكون .............. هو عكس حالة لا عصرت عيونك وشحّت بماه هذاني جيتك يا يبه وديارك وربعك سكون .............. أبطيت وأدري إنك تعذر الغايب وتدمح خطاه ودّي أسولف وأدري إنّي لو بسولف تسمعون ............. وأدري بأن الله كتب لقبوركم موت وحياه شفني على قد التعب ويباس صدري والمتون .............. والضيقه اللي تقتفي هالسور وتضيّق مداه والجمعه اللي غرّقتني بالمطر دمع وعيون ............. واللحظه اللي صرت اناظر لله بعالي سماه واقول : يا ربي وأنا عبدك وتتعبني الظنون ............. عشرين عام وهالقبر يحفظ سواليفي معاه حفّظني أشكال الحصى وقدر الشجر عند الغصون ............. وحفّظته أثني ركبتيني عنده وأبكي غلاه