مشاهدة مشاركة بصفحة مستقلة
قديم 07-03-2007, 07:32   #73
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : محمد الدحيمي .. غزارة الشعر والتجربة .!

إقتباس:
إقتباس:
الرسالة الأصلية كتبت بواسطة متعب الخامسي مشاهدة المشاركة
شاعر يستحق الاحتفاء ولا ينصفه الإطراء. يكتب الشعر بحكمة ويكتب الحكمة بالشعر ..!

نحرص على متابعة جديدة ونطرب بما يبدع . وأعتبر نفسي من اشد المعجبين بشعره .







شكراً لك يامتعب واتشرف بك





إقتباس:
شاعرنا الكبير محمد الدحيمي عندي كم سؤال إذا سمحت لي ..


1- من خلال تعدد وسائل الأعلام وخصوصاً القنوات الفضائية.. لماذا نلاحظ ندرة تواجد الدحيمي إعلاميا..
هل التقصير من شاعرنا نفسه أم من الأعلام ..!؟
وهل عدم الرضي عن مايطرح من شعر يعطي الشاعر مبرر لعدم الظهور
وخصوصاً إذا كان شاعر مبدع مثلك قد يساهم تواجده في الارتقاء بالشعر من خلال طرحه ..؟




شوف يامتعب باجاوبك على هالأسئلة كلها مرة وحده
اللي يقول مايحب الشهره والظهور يكذب على نفسه قبل يكذب على الخلق المشكله طريقة الوصول لهالقنوات وانا اذا وجهت لي دعوه من اي قناة اقبلعا لأنها منبر اعلامي ووصول قوي للجمهور لكن اروح اقول توسطواالي يالربع والا اي خدمه من المرور أوالهاتف لا والله لاعادها من شهره


إقتباس:
2- وعلى ذكر الإعلام ودي أعرف رأيك أو تعليقك على بعض الأسماء
بصراحة و بدون دبلوماسيه مع حفظ الألقاب لجميع الشعراء ومن غير ترتيب :
سعد بن جدلان, سعد علوش ، ضيدان بن قضعان ,سلطان الهاجري ، ,ناصر الفراعنه ، ناصر القحطاني.
وأقصد برأيك هنا بما يطرحونه من شعر كأي متابع أو متذوق للشعر.
وهل سبق وأن حدث بينك وبين أبن جدلان أو الشاعر
علي بن حمري أي مساجلات شعرية ؟


لا مايبيلها دبلوماسية انت اللي جبت الأسماء ماهوب انا
المشكلة الأغلبيه اصدقاء وتربطني بهم علاقات لكن هذا رأيي الشخصي فيهم وكل شخص مخوّل ليملك رأيه

سعد بن جدلان,
علم من الأعلام وعامود من اعمدة الشعر الشعبي ومدرسه لازلت احد للاميذها
افتخر بأعترافي اني لازلت من تلاميذ هالمدرسه اللي تتلمذ اغلب الشعراء فيها واللي للأسف ماعترفوا بفضله ويكفي ابو محمد أنه الأمي اللي لايكتب ولا يقرأ وتلاميذه من اساتذة الشعر والفكر

سعد علوش .
شاعر بغزارة البحر مدهش ومبدع جزالة وقوة وبراءة الفكرة تحسب دائما له
ومن اروع شعراء الجيل
سعد رغم الأضواء مازال يبرهن ان الشاعر الحقيقي سيصل ولا يحتاج لاي بهرجه اعلامية
على انه موعدني يمشيني بالرنج في الشرقية ولا نام الا بالكويت بس الحق يقال

ضيدان بن قضعان

ش (شين) - ع(عين) (هذا كود بيني انا وابو منصور يعني (شاعر عظيم) )
ضيدان استاااااذ وعملااااق رضي من رضي وزعل ومن زعل
يقلب موازييين الشعر في كل محل يروحه ومسوي في القلوب الأعاجيب لبى قلبه ابو منصور
ويشهد الله انه بأنسانيته وخوته وقومته ووقفته غير مثال للأنسان والشاعر الحقيقي اللي يحسسك ان الدنيا والشعر بخير
تقبله غصب و تحبه غصب يكفي ابو منصور ان كلن قام يقلده


سلطان الهاجري ،
الأمبراطور وزعيم الأساتذه ابو وسام
سلطان مدرسه لن تتكرر يكفي انه الوحيد الذي اعاد ترتيب الشعراء
والوحيد اللي ماودك تقول شعر قدامه تسمعه غصب والا راضي

,ناصر الفراعنه ،
شاعر من فطاحلة الشعراء جزل ومبدع ومتمكن الى اخر حدود الثماله يكفي قصيدته ان تسمعها مره وتحفظها

ناصر القحطاني.
حتى لو زعلوا علينا بعض الأعلاميين
عذربوا والا امدحوا نبي شاعر بقوة وجزالة شعر ناصر القحطاني ؟؟؟
يكفيك من ناصر انه دخل كل قلب غصب


بالنسبه للمساجلات شي اكيد ابو محمد وابو فوازمنابر وتجارب عظيمه نستفيد منها



إقتباس:
3-في أمسية أقمتها في مكة المكرمة سمعنا عن موقف صار لك في الأمسية .
وأظن الموقف له علاقة بالشاي أو حاجه زي كذا.
باليت تحدثنا عن اللي صار وإذا فيه قصيدة أنتجها الموقف ماتبخل علينا بها..؟






لا والله مايبخل الا الردي ابشر لكن تراك يامتعب ملخبط شوي فديتك
قصيدة بيالة الشاهي اللي تقصدها عنوانها (خل الخلا للذيابة) موقفها ماهوب في مكه

وقصيدة امسية مكة القصيدة (حمام الحرم جايزٍ والاّ محرم )
شوف وش تبي منهن وابشر بعزّك



إقتباس:
وسؤالي اللي قبل الأخير بخصوص النت والمنتديات الشعرية والمشاركة فيها .
هل أنت مع أو ضد الأسماء المستعارة ؟
وهل سبق لشاعرنا الدحيمي الكتابة باسم مستعار مع ذكر السبب إن وجد ؟

لا ماهو بمجال نقيض مع او ضد لا تبقى الأسماء المستعاره حرية شخصية وملحّه احياناً ولاتسيء لمستخدمها مافيها مشكلة بالنسبة لي ولا تقلل من قيمة صاحبها
اما سبق ودخلت بأسم مستعار ايه مره وحده والله انها صدق صارت لي هنا في شعبيات وجبت العيد في نهاية ردي على بعض الأخوان بألاسم المستعار كتبت:
تقبل تحياتي
اخيك محمد الدحيمي
وبغى يوقف ضاري بالعطا عضويتي


إقتباس:
أما سؤالي الأخير هو طلب بسيط أتمنى أن نقرأ قصيدة الأم قريباً في بوح القوافي
ويعطيك العافيه وأعذرني على الإطالة ..
شكراً لمشرفين بوح القوافي على مجهودهم ويعطيكم العافيه







ابشر بعزك
شكراُ لك




اخر تعديل كان بواسطة » محمد الدحيمي في يوم » 07-03-2007 عند الساعة » 07:53.
محمد الدحيمي غير متواجد حالياً