مشاهدة مشاركة بصفحة مستقلة
قديم 05-06-2004, 10:06   #51
فيصل الخالد
شــاعر
 
الصورة الرمزية الخاصة بـ فيصل الخالد
 

رد : عبد المحسن بن سعيد / حصاد حلم ٍ ما ..!!..

إقتباس:
الرسالة الأصلية كتبت بواسطة ولد الهاص



فيصل الخالد

^
^^
^^^
<< --- سارقها من اللي فوق
هلا يأبوخالد وشلونك مع هالحر ..؟؟
يقولون صاير تقوطر كنك السطول اللي يعلقونها مغاسل الملابس
وبعدين انت وش فيك مسوي لنا صجه ولجه هاتوه هاتوه
هاه .. خير .. وش عندك ؟؟
أقول .. فك وأفك ..
<<< منزنط وازاريره متقطعه

أقول يالله خلني اجاوب واضف عفشي
<< مصفوق على علباه ومقيوله لاتتميلح واجد وجاوب وخلصنا

الاسئله هي

1-
اين اختفى ولد الهاص ؟


الحين هذا سؤال والا لعبه سحريه ..؟؟
ولد الهاص ما اختفى ياباشة الديمن انت .. بس الجو العام ماعاد يساعد
وابونوت يبي يلعبني ظهير أيمن وانا رجولي كلها يسار .. وش اسوي له؟
وبعدين ياخي .. وشو .. يعني ما انشغل زيكم انا .. ؟؟ مشغول ياخي مشغووول
هالباص اللي انتو معطينياه كل شوي وانا منسدح حدره (( ما اسوي شي بس كذا
ادعي اني مكنيكي وامعط لي اطرف لي واذبه لين مابقى فيه الا مراتبه وجنوطه ))

2-
لماذا يفضل عبدالمحسن بن سعيد التواجد في المنتديات عن التواجد بالمجلات ؟


وانا وش دخلني ؟؟ أسأله هو ياخي ..
بس أظنه مسوي فيها ثقيل عليهم .. مادرى انهم ماجابوا خبر له ..
وبعدين انت وش دخلك فيه ياخي .. ياحبك للقافه والتميلح .. كل شي
تشوفه تبيني اعلمك وشهو .. ذبحتني وشذا وشذا ..


3-
ماذا تعني المنتديات بصفه عامه لعبدالمحسن بن سعيد وشعبيات بصفه خاصه ؟


هي بصفه عامه فرصه ثمينه جدا ً لتعديل مايجب تعديله في الصوره التي تكونت
من خلال وسائل الاعلام المقروءه << ( هي كذا صح ؟ ياخي كتبتها المقريـّه وانسطرت )
أما شعبيات فهي أكثر من ذلك بكثير .. فأنا احس بشئ من الإنتماء الى هذا الموقع واحس
به كأنه منزل لعائله واحده ما ان يغيب أحد افراده الا وهب الجميع للسؤال عنه وإفتقاده

<< مورمه عينه وهو يجاوب .. مقيوله جاوب زين ..


4-
من هو اول من اغضب ابو تركي في شعبيات؟



بصراحه وبكل صدق .. كان المشرف والشاعر ( بدوي في أمريكا )
الله يسامحه .. وسبب زعلي ماهو لأنه خطاني .. لا .. كلنا بشر ومعرضين
للخطأ سواء في التصرف أو في فهم التصرف .. لكن اللي استكثرته هو
الاسلوب اللي حاول فيه اخوي ( بدوي في أمريكا ) معالجة الموقف ..
على العموم .. انا ماكنت اتمنى (مهما كان اللي حصل) ان يبتعد أي شخص
عن شعبيات لاسيما شخص مثل ( بدوي في امريكا ) لأنه مكسب لاي
منتدى كشاعر وكمشرف .. الله يحفظه ويرد غيبته بالسلامه ..

هاه كيفني معك .. بس في ذمتك عاد وش رايك في ( لاسيما ) ماهيب كشخه ؟


5-
من هو اخر من اغضب ابو تركي في شعبيات ؟



لاسيما .. << والا ماهيب تنقال في البدايه ..
طيب وش اسوي عاجبتني ياخي ..
آخر من زعلني كان عكاشه .. لأني كنت أنتظر منه ان يبادلني الاحترام والمحبه
إلا انه يبقى اخ وغالي على كل الأحوال وانا متأكد وأجزم بأن الايام لو قدر لها
أن تجمعنا يوما ً فلن تجعل منا الا أخوين وصديقين حميمين جدا ً فلعلها تفعل ..

سجل عندك فلعلها يافيصلوه .. وتراني ادري انك بتصير تستخدمها ثمن اوريك ..



6-
موقف محرج في شعبيات؟



هو موقف حطني فيه ابو كوع ومستكه مع ابونوت و خالد العنقري وعبدالرحمن اليحيي
ولولا الله ثم يقيني في انهم يعلمون مدى احترامي ومحبتي لهم لكنت إلى الآن في هذا
الموقف .. ولعل <<( شف وش زينها بين الكلام يالدلخ ) هذا السؤال وهذه الإجابه تؤكد
لهم انني مازلت وسأبقى أحبهم جميعا ً وأنني لن أنسى مودتهم وأخوتهم ماحييت ..



7-
موقف محرج خارج الشبكه العنكبوتيه؟


معك انت .. في الفندق .. وبس .. يالمهبول ..؟؟؟


8-
كم في جيبك الان من نقود وانت تكتب الرد شيكت محفضتك وكانك لابس ثوب نوم انقز الله لا يهينك وشف الثوب؟


12,257 ريال
بس ليه .. ؟؟ عسى مأنت تطلبني وأنا ناسي يالشين ؟ :white::white:

لي عوده بعد ان ارى ولد الهاص مجاوب كل اسئلتي
تحياتي ومحبتي
مغليك
شاي لبتون


تصدق اني كنت احسب انه سؤال .. بغيت اجاوب ..
ياحبني لي .. يالله لا تزعل ولك بعد

ومني الى / عبدالمحسن بن سعيد <<< حركات



بايوتا ..
^
^
أخت تويوتا .. أو تقربلها من بعيد

سواق الباص
ولد الهاص


الى اداره شعبيات ومشرفي بوح القوافي بالاخص

هل يرضيكم ماقام به هذا الشاعر من استهتار ؟

بوح القوافي ماهو للمزح يا ابو تركي

ياخي ما يجوز الكلام
تبي تمزح وتبي تتمليح لو سمحت رح للديوانيه

انني اوصي وبشده نقل هذا العضو ولد الهاص الى الديوانيه ومنعه من الخروج منها


وكتنعويض لنا لابد ان نجبره على 50000 رد

ويالله نرضى


لو سمحت يا ولد الهاص الموضوع جد لا تقعد تمزح في البوح












ابو تركي


نظام احفر ليوه
عرفته







الله لا يهينك يا ولد الهاضص وبلغ ابو كوع ومس تكتك سلامي الكثير


وانا في انتظارهم بالديوانيه لانهم طولوا الغيبه كلهم

ولد الهاص
وابو كوع
ومس تكتك

وعلى فكره ما عليك من ابو نوت

لا جناج يمين ولا ظهير شمال

ابونوت يالله يلعب عمره عشان يلعبك


في انتظارك هنااااااك

اخوك
فيصل
الموزع الرسمي لنظام احفرليوووووه المنزلي

التوقيع: جيت ماني مثل ناس ٍ غرها حُب الظهور
....................... بن حلال وجا يلبي دعوة اعيال الحلال


اللهم ارحم عبدالله الدبل
اللهم ارحم يوسف
اللهم ارحم فريح العقيلي
اللهم ارحم موتى المسلمين
fdabal1@gmail.com
فيصل الخالد غير متواجد حالياً