مشاهدة مشاركة بصفحة مستقلة
قديم 24-06-2018, 02:20   #39
تركي عبد الله
شـاعر
 

رد : حبيبتي [ ريــم ]....... مع التحيّـة

يا أول من سكن عمر الغياب ولا عرف قدري
ومن يدري؟ لعل الله كتب لي بغيرك الخيره

اذا تغرك مواويل الحنين وحشرجة صدري
فيا كثري عليك ويا صغر عقلك وتفكيره

وش اعدد؟ كثر ما خنتني في ضيقي وكدري
وانا لا جيتني في ضيقتك تاخذني الغيره

يبي ينصفني الليل الطويل ليا اختفى بدري
وذنبٍ حاك في صدرك يبي ينصفني تبريره

و يبي ينصفني الي جا مكاني دون ما يدري
وتبي تدري بإني شخص صعب يعوّض بغيره

كذا الأشياء لا راحت نحس بقدرها.. وادري
كسبت بكل حالاتي... : بياض الوجه والسيره

ولولا حشمة أيامي معاك .. أنهيتها بدري
ويوم أنهيتها .. لا ضقت ولا ضاقت بي الديره : )

تركي عبد الله غير متواجد حالياً   اضافة رد مع اقتباس