تذكرين
تذكرين دموعنا يوم كنا خايفين
تذكرين وعودنا .. حبنا .. والحنين
تذكرين السوالف والاحلام وبحور الغرام
تذكرين يوم كنّا اعذب عاشقين
تذكرين
يوم كنتي تقولين
إني قلبك ..واني نبضك
ودمك اللي في عروقك
وان حبي
كان في عقلك جنون !
تذكرين
البحر اللي منه تخافين
يوم اشيلك وكنتي بي تتمسكين
كنتي خايفه حيل وكنتي تكابرين
كنتي واثقة في الـ يحبك ..انك معه ما تغرقين
تذكرين السوالف اللي على جال البحر
لعبنا.. براءتنا.. ضحكنا ولا منها تخجلين ؟
تذكرين
كان يومي يبتدي بك ... لما انتي تصبّحين
وكان يومي ينتشي بك ... لما كنتي تفرحين
كنت ارتوي بك ... وانتي مني ترتوين
كنتي مطر صحراي
كنتي شذا دنياي
وكنتي الـ حياتي تملكين
والحين ... وينكـ انتي
وانا وين
كلما منك اقرب
انتي عني تبعدين
صرتي مني تشتكين
حتى اتصالك
صرتي علي به تبخلين
حتى باحساسك
لي تمنين
وتّدعين انك بالهوى تعرفين؟
الهوى احساس ووفا
مو سالفة منها تضحكين
الهوا نبض وعطا
مو لعبةٍ فيها تلعبين
الهوى دربٍ طويل
مو قصةٍ منها تهربين
ياجاهله بأمر الهوى
واجب انك تعرفين
حبنا ما كان نزوة
وحنا ما كنّا ابد
مثل باقي العاشقين