[سرحان الزهراني]

,

من يواسيني بصوت الشعب ؟!
قبل تموت اذني , واعتزل صوت الجرايد ..
وابني في الداخل سياج .. ؟!
سياج من همّ الليالي ,
والمطالب .. والأماني
يا قصيدي ..
ما معي مثقال ذرّه ..! ما معي غير الفراغ ..
والبطالة , والشوارع .. والأغاني !
والكلام اللي يجي من تحت سابع أرض !
يا لعنة مساءات الوطن .. في ظلّ عابر يبتسم للطّيش
واطفال القُرى تستنزف التعليم في صحراء جوع !
لاهثة في خلف لقمة عيش !
واللقمة سراب .

من يذكّرنيْ .. بغناء الناس
في عرض البحور ..
يوم كانت لقمة العيش البسيطة ..
طعمها أحلى من اللي في القصور ؟!
كانت الفرحة حقيقة ..
قبل لا تبدا الصراعات الكبيرة , والدول تنمو على هم الفقير
ماتت اللحظة ..
وصار الهمّ يُحسب بـ ( الدقيقة ) !
مات في الدنيا محايد ..
وانولد خاين .. وضاع الشعب في مقصورة الرئيس
وهو يبني البلد !!

هيه .. يا شعبٍ تِحَتْه الفين خطّ من الدموع / الفقر / وانواع المصايب :
اذكروني قبل تشنقني القصايد ..
وانحني للتّاج والنجمة , واسجّل في فراغ الإعتقالات الهوامش!
ع الأملّ انّه يعيّش من وراي اجيال تفهم ..
ع الأقل ما تُغتَصب والضحكة من هالاذن لين الأذن ..
والفرحه وهم ..


خلف تبرير الفساد .. اللي نخر عظم الوزارات وبنا له ألف بيت و ( أجّز ) من المشكلات وسبّب الأحزان تلو المعضلات وباح سرّه في ضباب الأمنيات تموت أسره / يحترق قلب .. وننادي في ثبات

يحلف المسئول بالقرآن .. يخدم شعب مقهور وينادي في الجميع : تعاونوا .. ويخون نفسه والمواطن والحكومة والوطن , ويجرّد النفس البغيضه من ضميره .. باع همّه للفلوس وسافر الخارج يصيّف !

صبّحوا يا ناس بالخير الوفير اللي بعيدٍ عن فقير اللي له الدخان زاد وابتساماته بعاد وكلّ همّه راتبه في آخر الشهر يتقاضاه بمذلّه , وين قوّة نفط دولة تعتبر لأ تحتظر لأ تعتذر ! لأ تحتظر في خط سير التائهات !

باي باي .. مامعي غير الهموم اللي تشق الجيب .. تلو الجيب .. تلو الجيب .. تلو الجيب , باعني حظّي وغيري باع همّه للفرح ساعه وأبعد عن مجاعه , فلّ في الدنيا شراعه وآآآآآهتي صارت تعيّف !

باي يا غربان خاطت من هموم الناس بشتٍ قالوا انّه مِـ الحسا ! لأ مِـ الضّعاف اللي تكدّر يومهم لأ شهرهم لأ وقتهم لأ كل ما فيهم وصاروا للبعيد اقرب وضاع الحق في زمن التناوب ع الشتات !

باي يا وطني الحبيب اللي يصير فـ كلّ يوم يمر أغرب .. كنت أقرب! لكنّ انّك بعتنا للي لقى في داخلك دربٍ ومهرب طزّ طزّين فـ وطن مايعترف باللي يصير وطزّ في حكمٍ يذلّ الناس .. ( ياخي حرّ .. شغّل هالمكيّف )