/
\
مُرّ موعد مَرّ .. ينتظرك ولا شافك تجينه !
............... ذاب لون الطاولة والليل ف عيونه بدونك
منزوي في غفلته .. يتخيّل انّك : تحتوينه !
............... كل نظراته شراع ولهفته كحل لـ عيونك
ساليه .. والليل نبضه , مَرّ نادى لك حنينه
............... مَرّ وحداني, مسافاته تزيده من /: طعونك
مرتبك في خطوته والبرد بابٍ قصّ يدينه !
............. غادرك مجروح قلبه والسبب انتي ,وظنونك
تحرمينه ؟! يا مرارة لحظة اللي تحرمينه !
.............. صاحبك ضيّع دليله بس عمره : ما يخونك
ثار به صمت الطريق ولا لقى شخصٍ يعينه
.............. الله اكبر كيف يتغرّب .. وهو ساير: بكونك
ما بقى له غير طيفك والشموع اللي تدينه!
.............. وابتساماتك وعطرك دمعتك واطهر جنونك
مُرّ موعد مَرّ لا فتّح ولا شافك تجينه
.............. ذاب لونه من بقايا الليل ف عيونه/ بدونك