* ارتباك ! / ارتكاب ! / لحظة !
- ما بعد هذي الشفايف ..!!!
- لا ..بعد لو كنت شايف !
( بين نهدك / جمرتينك .. والغرور )
- ما توقّعت التعب يختارني ..!
لا تلومي لخبطة هذا الحضور
بس يمكن .. بعض خوفي ( زارني )
كنت خايف !!
صدّقيني كنت خايف ..!
( بين هذي النرفزة ) .. والـ ( مزمزه )
اختارني ..!
- صدّقيني ..
لو كتبت الشعر ( في صدرك ) قلايد :
ما انتبهت انّي كتبت .. ولا انتبهت انّ الهوى هالليلة ( زايد ) !
ولو كتبت الشعر ( غافي ) في حدود الجمرتين
ما نضج إلا دقايق !
( أمزح أمزح )
يا عيوني ( استوَت ) أعمار من نارك وجمرك !
تسأليني :
- من يذرّ الفجر في لون السحاب وتنبت الدنيا ( قصايد ) ؟!
منهو غيرك ( علّميني ) ؟!
من يغنّي للمطر واحضان ( صيفك ) وابتسامة ورد خدّك ؟!
من يضيع بوسط بحرك ؟!
يـ التفاته .. غلّفت إحساسها ( ليلٍ ) نبت وردٍ بنحرك
( من يقاوم نصّ سحرك ) ؟!
يـ التفاته تملى هالدنيا مطر ( واعشاب ) وطيور .. وزهور
وخير ماقد مرّ ع الدنيا .. ولا بيمر لحظه !
يا ( سلام ) لكلّ حرب ..
وكلّ أزمه .
لاحظي :
( كلّ هذا ارتباك ! )
و .. ( مزمزه ) !!!!!!
و ...................... ( نصّ غمزه ! )